A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

arrendài , vrb: arrendhare, rendai Definitzione giare o pigare cosa in arrendhu o afitu / preíderu mortu, cadira arrendara = si unu lassat su chi tenet, calicun’àteru si ndhe ponet luego mere Sinònimos e contràrios afitare 1, allocare, apejonare Ètimu spn. Tradutziones Frantzesu louer Ingresu to let Ispagnolu arrendar Italianu affittare Tedescu vermieten, mieten.

arrendài 1 arrandài

arrendaméntu , nm: arrendhamentu Sinònimos e contràrios afitu, allocu, arrendhu, pasoni Ètimu srd.

arrendatàriu , nm Definitzione chie leat (domo o terras) in arrendu, a pesone Sinònimos e contràrios allocateri, arrendadori, pesonali Ètimu srd. Tradutziones Frantzesu locataire Ingresu tenant farmer Ispagnolu arrendatario Italianu fittàvolo Tedescu Pächter.

arrèndha arrènda

arrendhadòre arrendadòri

arrendhadúra , nf Sinònimos e contràrios arrendamentu Ètimu srd.

arrendhaméntu arrendaméntu

arrendhàre arrendài

arrendhàu , pps, agt: arrendau Definitzione de arrendhare Sinònimos e contràrios afitadu.

arrèndhede, arrèndhere , vrb: arrendi, arrèndiri, rèndhere 1 Definitzione cèdere is fortzas, su si lassare bínchere, su si giare a bintu / pps. arréndhidu, arresu Sinònimos e contràrios allacare 1, allaventare / ammodhiae, ammollai, cèdere, disarcare, istajire Frases no si arrendit mai mancu a sa solloca ◊ mi cherzo arrèndhede a sos crabineris ◊ su molenti miu s'est arréndiu, no ci dha fait prus Ètimu itl. Tradutziones Frantzesu se rendre, céder Ingresu to surrender Ispagnolu rendirse Italianu arrèndersi, cèdere Tedescu nachgeben.

arrendhèsa , nf Definitzione su èssere o istare réndhidu, cédiu, coment’e in pàusu Sinònimos e contràrios rendhidúdine Ètimu srd.

arrendhèscere arrannèsci

arréndhidu, arréndhiu , pps, agt: arréndiu, réndhidu, urréndiu Definitzione de arrèndhere Sinònimos e contràrios abbrebesciau, arresu, irbalesiadu, tzédidu Frases su sordau si fut arréndiu ma dh'iant lassau presoneri 2. su pipiu est totu arréndiu, s'intendit mali!

arréndhu , nm: arrendu Definitzione su arrendhare, su giare o pigare in afitu; ma fintzes su valore o prétziu de s'afitu, su chi si ndhe tenet de s’afitu; in logos de mare est fintzes ue is piscadores si ponent a bèndhere su piscau issos etotu / si dhu donaus nosu, s'arrendu!… = bos lu damus nois su tantu!… (mineta) Sinònimos e contràrios afitu, allocu, arrendamentu, pasoni 2. mirai cantu est s'arrendu de custa ispétzia bella de muntzegnoris!…◊ no isco comente bos pagare s'arrendu de sa tanca! Ètimu srd. Tradutziones Frantzesu loyer, location Ingresu rent Ispagnolu alquiler Italianu affitto Tedescu Miete.

arrèndi, arrèndiri arrèndhere

arréndiu arréndhidu

arréndu arréndhu

arrendúda , nf: renduda Definitzione su chi produet sa terra Sinònimos e contràrios arrenda, resa Frases custa terra at donau bona arrenduda.

arrène , nm: rene* Definitzione s’arremu (duos), in brente a parte de apalas, ue passat totu su sàmbene po ndhe seberare s'orina chi nche bogat a sa busciuca; sa parte de apalas in s'ischina, a s'artària de is lumbos, chi dolet candho unu abbarrat a tropu incrubau, pruschetotu trebballandho Sinònimos e contràrios arrigu, orrungione, nerule / arrigali, illumbu 2. fatu fatu ndhe aderetzat s'ischina e pasat sos arrenes imbarau a sa màniga de su marrone Terminologia iscientìfica crn Tradutziones Frantzesu rein Ingresu kidney Ispagnolu riñón Italianu rène Tedescu Niere.