A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

aspétu abétu

àspia , nf Definitzione cannedhu de linna cun àteros duos prus fines intraos a grughe ma fadhios (de 90 grados) s'unu cun s'àteru, agiummai in punta unu a una parte e unu in s'àtera, po fàere is madassas Sinònimos e contràrios aspu 1, impilóriu, naspa, trobidógiu Terminologia iscientìfica ts, ans Ètimu ctl. aspia.

aspiài , vrb Definitzione trebballare lana cun s'àspia Sinònimos e contràrios ammadassare, annaspare, innaspare Ètimu srd.

aspidàrju , nm Definitzione nau de logu, de terrenu, chi no faet a dh’arare o dhue semenare cosa Sinònimos e contràrios asprinàgliu, asprine Ètimu srd.

àspide , nf Definitzione genia de coloru velenosu Terminologia iscientìfica anar, naia haie Tradutziones Frantzesu aspic Ingresu asp Ispagnolu áspid Italianu àspide Tedescu Aspisviper.

aspidèsa , nf Definitzione su èssere àspidu, pitzigorosu, nau prus che àteru de is cosas de papare; nau de su chi parent is cosas a dhas tocare, su èssere arrasposas Sinònimos e contràrios aspidore Terminologia iscientìfica sbr Ètimu srd.

aspídha , nf: aspridha 1 Definitzione erba chi asuta faet a conca manna che a sa chibudha (is pígios de fora sicaos funt orrúbios): in cabudanni, candho sa fògia est totu sicada, bogat una candhelita, chi faet arta e si prennet bona parte de frore, in artu, apustis bogat sa fògia noa a paris de terra Sinònimos e contràrios abridha, ambridha, ispidha, scruidha Frases bae a línghere aspridha, bae! Terminologia iscientìfica rba, Charybdis maritima Ètimu ltn. squilla Tradutziones Frantzesu scille Ingresu squill Ispagnolu escila, cebolla albarrana Italianu scilla Tedescu Meerzwiebel.

aspidhàrja , nf Definitzione logu de aspidha, ue creschet meda s'aspidha Ètimu srd.

aspidísta , nf Definitzione genia de frore Sinònimos e contràrios follas Terminologia iscientìfica frs, Aspidistra elatior Tradutziones Frantzesu aspidistra Ingresu aspidistra Ispagnolu aspidistra Italianu aspidistra Tedescu Aspidistra.

aspidónzu , agt Definitzione chi est unu pagu àspidu, pitzigorosu Terminologia iscientìfica sbr Ètimu srd.

aspidòre , nm Definitzione nau prus che àteru de is cosas de papare, su sabore forte chi paret coment'e ispitzulandho sa limba, ispirtindho, coment'est su piberone orrúbiu (minudu), sa chibudha, su casu martzu; nau de su tempus, fritu forte Sinònimos e contràrios aspidesa / frizidore Frases a ndhe zughet de aspidore cussu piberone! ◊ in s'aghedu a sa chibudha che li essit s'aspidore 2. lampu arratza de aspidore: fintzas astrendhe est! Terminologia iscientìfica sbr Ètimu srd. Tradutziones Frantzesu saveur piquante Ingresu hot taste Ispagnolu picante Italianu sapóre piccante Tedescu pikanter Geschmack.

àspidu , agt Definitzione chi tenet sabore forte, pitzigorosu, nau de cosas de papare (píbere, piberone, casu, arraiga); nau de sa cosa a su chi paret a su tocu, chi arrasigat, chi no est lisa / binu à. = arraspiosu de gustu, chi lassat sa língua unu pagu arraspiosa Sinònimos e contràrios pissiosu / aspru | ctr. druce / lísiu Frases custu casu betzu si ch'est fatu àspidu ◊ su piberone ruju, su minudu, est àspidu meda: un'apenas in su mànigu atzivit aira Terminologia iscientìfica sbr Ètimu ltn. asperu + acidus Tradutziones Frantzesu piquant Ingresu spicy Ispagnolu picante Italianu piccante Tedescu pikant.

aspilàre arpilàre

aspiólu , nm Definitzione genia de calagasu a bentre manna, grussa, chi essit a s'iscurigadórgiu cun bólidu lestru e intrat cun facilidade in is domos, a sa lughe: naschet de sa cria un’erruca birde chi portat coment'e unu corrighedhu in sa coa Terminologia iscientìfica crp, macroglossa stellatarum Ètimu srd. Tradutziones Frantzesu sphinx colibri Ingresu hummingbird hawk-moth Ispagnolu esfinge colibrí Italianu pàssera dei mòrti Tedescu Taubenschwanz.

aspiradòre , nm Definitzione genia de aparíciu chi ndhe arregollet s'àliga a suspidura.

aspiradúra , nf Definitzione su aspirare, su tirare, suspire cosa coment'e tirandho s'ària aintru Sinònimos e contràrios suspidura Ètimu srd.

aspiràre , vrb Sinònimos e contràrios surzire.

aspirína , nf Definitzione genia de meighina a píndhulas.

aspisínu , agt Definitzione nau de terramíngiu, chi est tostau e ammesturau cun pedra, pedrosu Sinònimos e contràrios raschinarzu.

aspòri , nm: asprore, asprori Definitzione su èssere arrasposu, nau prus che àteru in su sensu de sabore pitzigorosu, pagu druche, ma fintzes de tempus fridu; sentidu de ofesa / asprori de is frutas cruas Sinònimos e contràrios asperesa 2. atraessendhe còlcias de nie intendhiat una frina chen'asprore 3. no si dha tirant de acórdiu, cussus: dhue at aspori! Ètimu srd.