A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

assaboraméntu , nm Definitzione su assaborare Ètimu srd.

assaboràre assaborài

assaborí , vrb: assaborire Definitzione cumprèndhere una cosa chi no si est inténdhia bene, chi si est inténdhia a arrogus e a mússius, leare cabu, leare oru de calecuna cosa chi no s’ischit Sinònimos e contràrios assabèschere, assebeltare, bodhiri, indennentai, scasumai, scolliri Frases da'ite l'as assaboridu chi est gai su chi est nendhe sa zente? ◊ lassamí ponni prus acanta, ca no intendu e no ndi assaboru nudha! ◊ zughiant unu chistionu ma no ndhe lis apo assaboridu nudha ◊ no ndi apu pótziu assaborí nudha de su chi depint fai Ètimu srd. Tradutziones Frantzesu percevoir, réussir à comprendre Ingresu to perceive, to realize Ispagnolu percibir, lograr entender o saber algo Italianu percepire, riuscire a capire o a sapére Tedescu verstehen, erfahren.

assaboriài, assaboriàre assaborài

assaboríre assaborí

assaborizàre , vrb Definitzione pigare bene su sabore, mantènnere in buca sa cosa po dhi pigare bene su sabore Sinònimos e contràrios assaborai Ètimu srd.

assaborzàre , vrb Definitzione pigare sabores; leare cumpresa de una chistione Sinònimos e contràrios assaborai / assaborí Ètimu srd.

assacàda , nf Definitzione su assacare Sinònimos e contràrios assacorgiada, istibbida Ètimu srd.

assacài, assacàre , vrb Definitzione pònnere in su sacu, nau fintzes in su sensu de afallare, fàere tibbu; istare aguantandho, ingurtindho fele, tzacu, patimentu; intrare a calecunu logu Sinònimos e contràrios arregolli, insacai / assacheare | ctr. illichidare Frases terra assacat e coro abbacat ◊ su trigu in s'argiola benit assacau 2. seu assachendu, assachendu, ma ses acanta de piscai! ◊ su grajori de tantis buconis marigosus si fiat assacau asuba de is palas suas Ètimu srd. Tradutziones Frantzesu ensacher Ingresu to sack Ispagnolu ensacar Italianu insaccare Tedescu in Säcke füllen.

assacarràda , nf Definitzione su assacarrare Sinònimos e contràrios assacarru / afracamentu, assuprida 2. un'assacarrada de ràndhine maduru at giambadu su logu de paradisu a campusantu Ètimu srd.

assacarradúra , nf Sinònimos e contràrios assacarru Ètimu srd.

assacarràre , vrb Definitzione carragiare bene de o cun ccn. cosa, nau fintzes in su sensu de pònnere apitzu o carrigare calecuna cosa a tropu Sinònimos e contràrios acarragiai, aciocai, acuguzare, assacarronare, cratzai / fizire | ctr. iscarragiare Frases sa fàuna assacarrat e caentat ◊ assacarrada de lana dormis a sonnu isoltu (Z.Deriu)◊ preparesint una chea, che ponzesint sa morta e l'assacarresint de terra ◊ badhes e montígios si sunt assacarrendhe d'erva ◊ chi s'abba de su batizu l'assacarret de lughe! 2. malannu chi los assacarret! ◊ malasorte chi lis assacarret sos ossos! ◊ puite dh'azis assacarrada de sale cust'insalada?! Ètimu srd. Tradutziones Frantzesu se couvrir davantage Ingresu to cover oneself warmly (up) Ispagnolu cubrir, cubrirse bien Italianu coprire, coprirsi mólto Tedescu bedecken, sich gut anziehen.

assacarràu , pps, agt Definitzione de assacarrare.

assacarronàre , vrb Sinònimos e contràrios acarragiai, acuguzare, assacarrare Ètimu srd.

assacàrru , nm: sacarru Definitzione totu su chi podet serbire po ammontare, carragiare, fintzes terra (foedhandho de cosa prantada) Sinònimos e contràrios acavannu, ammuntolzu, coberta, coguzu, cubutóngiu, cucutzura, cugutzadorza, cuzicura, incarralzu Frases po assacarru in palas li betesit su corzu de unu chervu ◊ fit drommendhe sentza assacarru ◊ bi at conchispilidos chi pro assacarru si ponent sa piluca Ètimu srd.

assacedhài , vrb Definitzione mòvere o pigare a iscutuladura, a cropu, a tremidura forte, nau fintzes de unu po s'arrennegu Sinònimos e contràrios assachitai, insaculare, iscutuai, nannigare, sachedhare, saidare, tzantziare Ètimu srd.

assacedhàu , pps, agt: sarcedhau Definitzione de assacedhai; fintzes chi est totu prenu de sacedhus, de marcos druchesaos, de pistaduras Sinònimos e contràrios allirorau, ammalorau 2. babbu m'iat donau una surra, ca emu furau préssiu, e fui totu assacedhada!

assacheàre , vrb: assachiare Definitzione lòmpere o betare sa manu a calecuna cosa, furandho, o a ccn. po dhi leare a furadura su chi portat o tenet Sinònimos e contràrios assachitzare, sdorrobbai Frases ammustrat nuraghes derrutos e tumbas assacheadas ◊ ant assachiadu su barracoco e no bi ndhe ant lassadu unu! ◊ l'ant assachiadu e furadu su bestiàmine ◊ sa sorte mi at assachiadu e lassadu a isténiu ◊ e nachi ti ant assachiadu sa domo?! Ètimu spn. saquear Tradutziones Frantzesu assaillir Ingresu to assail Ispagnolu asaltar Italianu assalire Tedescu überfallen.

assachedhàre , vrb: sachedhare* Definitzione sachedhare, andhare unu pagu a iscutuladura comente faet un'animale camminandho a trotighedhu Sinònimos e contràrios assachitai.

assachetàre , vrb: assachitare Definitzione imbodhigare bene calecuna cosa in su tzugu, coment’e acapiandho sacos Ètimu srd.