A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ateniài , vrb Definitzione rfl. su si adatare, ischire fàere cunforma a su bisóngiu, a sa dificurtade fintzes de is àteros Sinònimos e contràrios adatai Frases Giusepi cumprendit totu e candu serbit si aténiat a acantzai chelegunu disígliu aglienu puru (P.Pillonca).

ateniàre ateneàe

ateniàu , agt Definitzione tupadu, chi no podet andhare de su corpus Frases ateniau siat arreu s'imbusteri alevosu!

atènnere atèndhere

atenoràdu , pps, agt Definitzione de atenorare; chi tenet o faet boghe de tenore, boghe bella cun bonu tratu 2. cantendhe tinniat cun boghe atenorada, che brunzu armoniosu Ètimu srd.

atenoràre , vrb Definitzione intonare sa boghe, pigare a cantare Frases càntali e atenòrali una boghe chi sas notas intendhat a inoghe! (P.Marceddu)

atenscionàre , vrb: atensionare, atentzionare Definitzione giare atentzione o istare a s'atenta; tènnere contu Sinònimos e contràrios abbadiai, castiai / atèndhere, contifizare Frases avertesit su capitanu chi dae cuarteri ndhe deviant furare sas bestimentas, de bi atentzionare 2. sa sorre no si fit cojuada pro atentzionare a isse Ètimu srd.

atensciòne , nf: atensione, atentzione, atentzioni, atessione, atintzione Definitzione su atuare o pentzare a ccn. cosa, sa capacidade de intèndhere e bíere totu cun precisione; su abbaidare a ccn. cosa chi si custódiat o amparat / fàere, dare, donai a. Sinònimos e contràrios acontu 1, tentu 1 | ctr. allampioi, illabentu Frases dona atentzioni chi no neris aici! ◊ gheta sériu, dae atessione candho li pones s'imbudu! ◊ seus ponendho prus atentzione a is paràulas chi funt arriscandho de isparire Tradutziones Frantzesu attention Ingresu attention Ispagnolu atención Italianu attenzióne Tedescu Aufmerksamkeit.

atensionàre atenscionàre

atensionàu , pps, agt: atentzionadu, atintzionadu Definitzione de atensionare; chi istat atentu, chi giaet o est giaendho atentzione a is cosas Sinònimos e contràrios abbistu, acabadu, apricau, atensionosu, cabosu / cdh. atintziunatu | ctr. disabbutu, isàbbitu, isagherau, sbeliau 2. est unu pisedhu atentzionadu ◊ iscusidimí ca non seu atentzionada! ◊ ti fatzo a ischire chie est s'atintzionadu chi mi che at furadu sos prochedhos ◊ fit atentzionau mascamente a s'ora de tucare Terminologia iscientìfica ntl Tradutziones Frantzesu attentif Ingresu careful Ispagnolu atento, diligente Italianu attènto, avveduto Tedescu aufmerksam, umsichtig.

atensiòne atensciòne

atensionósu , agt: atentzionosu Definitzione chi istat atentu, chi faet atentzione faendho is cosas, chi dhas atendhet e contivígiat a dovere Sinònimos e contràrios atensionau, contipizosu | ctr. disabbutu, isàbbitu, isagherau, sbeliau Frases cheret chi siant atentzionosos pro no fàghere dannu ◊ tentandhe sas vacas fimus atentzionosos ca su mere za fit cosa de ndhe li pèrdere una!…◊ candho sos chi istimamus si che morint, a totus benit su dúbbiu de no èssere istados atentzionosos cun issos (L.Pusceddu) Terminologia iscientìfica ntl Ètimu srd. Tradutziones Frantzesu attentif, soucieux Ingresu attentive Ispagnolu atento Italianu attènto Tedescu aufmerksam.

atènta , avb, nf Definitzione a tenta, chentza ndhe cambare, immentigare o lassare nudha, de una cosa Maneras de nàrrere csn: a s'a. = cun atentzione; àere, no àere a. = rèndhere meda, no rèndhere triballendhe Frases leàdelu atenta su triballu ◊ su líbberu cheret lézidu atenta pro lu cumprèndhere bene ◊ custas cosas cherent collidas atenta si las cherimus tènnere totugantas ◊ ómines, frades mios, a s'atenta: fuídelas piús de s'impestadu! 2. fis una prendha de giúghere a s'atenta che rosa chi si abbratzat su giolminu (A.Dettori)◊ ista a s'atenta no irballes! Ètimu srd. Tradutziones Frantzesu systématiquement Ingresu sistematically Ispagnolu invariablemente Italianu sistematicaménte Tedescu systematisch.

atentadòre , nm Definitzione chie cricat de fàere o faet una morte o fintzes dannu mannu Tradutziones Frantzesu auteur de l'attentat Ingresu attacker Ispagnolu atentador Italianu attentatóre Tedescu Attentäter.

atentadòri , nm Definitzione chie, trebballandho in medas, pigat sa tenta, segat su tretu de pigare a trebballare totus impare.

atentàdu , nm Definitzione faina mala de bochíere gente, de fàere dannu mannu Tradutziones Frantzesu attentat Ingresu attempt Ispagnolu atentado Italianu attentato Tedescu Anschlag.

atentàre , vrb Definitzione tentare, provare a bíere si… Sinònimos e contràrios arriscare, proare.

aténtu , agt, nm: tentu 1 Definitzione chi giaet atentzione; su atuare, su èssere pentzandho a una cosa, iscurtandho e abbaidandho totu cun precisione Sinònimos e contràrios atenscione | ctr. disatentu Maneras de nàrrere csn: dare a. = donai atentzioni, pentzai, castiai; avb.: a s'a. = donendi o fendi atentzioni; èssere dadu atentu = èssi aténdiu, castiau, contivigiau Frases ista bene atentu, pischizone, no ti lasses incantare de unu tilingione! ◊ atentu a su chi naras! ◊ a pesare, su pane za pesat, ma istae atentas a no s'imbischidare! ◊ it'errore, fizas mias, istae atentas a sos ómines! 2. passo deretu sentza ti dare atentu ◊ est dendhe atentu a sas anzones ◊ diant atentu no si ndhe pentant! ◊ ànima discoidada, inginugadí cun atentu! ◊ su coru miu est de malu atentu ◊ puru dendhe atentu, ti fuis, o vida! ◊ dae atentu a cussas vucas de pípera, fartzos che a Giuda! 3. l'at abbaidadu a s'atentu e poi che l'at furadu totu ◊ istai a s'atentu po ndi bogai cussus bremis! Tradutziones Frantzesu attentif Ingresu careful Ispagnolu atento Italianu attènto Tedescu aufmerksam.

aténtu 1 asséntu 1

atenturài, atenturàre , vrb: tenturai* Sinònimos e contràrios aciocai, acorrae 1, assocare, tènnere Frases is barracellus atenturant su bestiàmini fendi dannu.