A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

búdha , nf: vudha Definitzione s'istentina prus larga, s'úrtima parte (e fintzes bentre); si narat fintzes a sa natura de sa fémina / budha procaxa, budhas de culu = s'úrtimu tretu de s'istentina; b. de cuadhu, de molenti = zenia de cocoi de mare; is budhedhas o budhixedhas de su porcu (is orrugos segaos po dhos prènnere, saconedhos)= sos sàmbenes Sinònimos e contràrios bòllaras, budhales, budhàrigu, dòbbaru, fodhale, moca / bentre Maneras de nàrrere csn: àere in b. a unu = no dhu podi biri, no dhu pòdiri baliai, no lu poder bídere tichirighedhu, o tichedhu; de b. mala = de arratza mala; b. de sànguini, budhedha = su sàmbene, istentina russa, larga, de su porcu, furriada e prena de sàmbene cundhidu a fàghere arrustu o fintzas a budhidu; b. de sonnu (nau de unu)= sonnicrosu; ammollai sa ’udha (nadu de fémina) = dàresi a ómine; pònniri una cosa a b. a susu = a mercas in susu, a palas a terra, furriada a s'imbesse Frases sa mata e sa budha chi ndhe li essat, che li falet! Sambenados e Provèrbios prb: genti de budha, genti de nudha Terminologia iscientìfica crn Ètimu ltn. bulla Tradutziones Frantzesu gros intestin Ingresu large intestine Ispagnolu intestino Italianu intestino crasso Tedescu Dickdarm.

búdha 1 , nf Definitzione coment'e budhire, nau in cobertantza Sinònimos e contràrios budhimentu Frases candho at bidu chi su dinari fit faltzu, at comintzadu a si pònnere in budha pro aciapare cudhu chi bi l'aiat dadu Ètimu srd.

budhàdu , nm Definitzione cosa cota a budhiu, chi est cotu a budhiu Sinònimos e contràrios budhidu Frases candho totu sas carres ndhe sunt rasigadas dae sos ossos, benit cotu a budhadu in una labia (Z.A.Cappai).

budhàles, budhàlis , nm pl Definitzione s'istentina prus larga, comente acabbat in su pertusu: culatzu de sa bentre Sinònimos e contràrios budha, budhone, cordulàriu, cordule Terminologia iscientìfica crn Ètimu srd. Tradutziones Frantzesu tripe Ingresu bowel Ispagnolu tripas Italianu budèlla, intestino rètto Tedescu Gedärme (Pl.), Mastdarm.

budhànciu , agt Definitzione chi dhi praghet a papare meda Sinònimos e contràrios budhari, budhaxu, budhone 1, mandhigone, sassagoni Frases ti ndi calant is salias, berus? ses sempri budhànciu! Ètimu srd.

budhàri , agt, nm Definitzione chi dhi praghent meda is cosas de papare Sinònimos e contràrios budhaxu, budhone 1 Ètimu srd.

budhàrigu , nm Definitzione sa parte prus grussa, larga, de s'istentina Sinònimos e contràrios budhales, dòbbaru, fodhale Terminologia iscientìfica crn.

budhàrju , nm Sinònimos e contràrios músicu.

búdharu , nm Definitzione genia de erba chi assimbígiat unu pagu a s'àpiu, ma toscosa e po cussu dhi narant puru erba de cogas, imbriaga molentis o feurra pudéscia Sinònimos e contràrios bidhuri, budhúrigu, gudhútulu, pisciaforru, pudimanu, údhuru Terminologia iscientìfica rba, Conium maculatum Ètimu srdn.

budhàu , agt Definitzione nau de su mele, chi portat sa cria, chi s'abe dhi at postu sa cria (budhu 1, abrudhu) Ètimu srd.

budhàxu , agt Definitzione chi costumat a papare meda Sinònimos e contràrios budhari, budhone 1, mandhigone, sassagoni Ètimu srd.

budhèdha , nf Definitzione su sàmbene (de porcu, de brebè) cundhiu e prenu in istentina grussa Frases su codru grussu de su porcu s'isciàcuat bèni e si prenit de sànguini o fintzas de sartitzu e si faint is budhedhas Terminologia iscientìfica mng Ètimu srd.

budhegòne , nm Definitzione unu chi papat meda, chi si che papat totu Sinònimos e contràrios budagone, sassagoni Ètimu srd.

budhentína , nf Definitzione a b. = papandho, abbudeghèndhesi Frases fint tzarra e bufa, e bufa e tzarra, e bufa fora e intro continu a budhentina.

budhéri , agt Definitzione chi dhi praghet su pilu, sa fémina Sinònimos e contràrios ampuadore, culeri, sbuzarreri Ètimu srd. Tradutziones Frantzesu sodomite Ingresu sodomite Ispagnolu sodomita Italianu sodomita Tedescu sodomitisch.

budhèta bodhèta 1

budhetàmini , nm Definitzione bodhetas, crítigas, cosas chi si narant a s'afaiu.

budhétu bodhétu

budhída , nf Definitzione su budhire Sinònimos e contràrios iscotada Ètimu srd. Tradutziones Frantzesu bouillie Ingresu boiling Ispagnolu hervor Italianu bollita Tedescu Aufkochen.

budhidàssu , agt Definitzione chi est unu pagu budhiu, caente meda, fintzes chi portat callentura Ètimu srd.