A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

barríbi , nm: barrila, barrile, barrili Definitzione istrégiu de linna a doas po binu; pitichedhu, prus che àteru po abba Sinònimos e contràrios abbalire, balire, cubedhutzu / frascu 2. est torrandho chin sa barrila bóida e su marrone a codhu Terminologia iscientìfica stz Ètimu spn. barril.

barricàda , nf Definitzione genia de muru fatu ammuntonandho cosas bastat chi siat, de un'improntu, in logos ue si dhue gherrat, po impedire a s'àteru de passare Tradutziones Frantzesu barricade Ingresu barricade Ispagnolu barricada Italianu barricata Tedescu Barrikade.

barricéllu barracéllu

barricosíu , agt Definitzione chi no foedhat mai, chi no bollet foedhare (coment'e chi portet is barras cosias) Sinònimos e contràrios citiu, mudu Frases sos donnos proprietàrios cherent chi abbarremus mudos e barricosios pro chi ndhe facant su chi cherent, de nois! Ètimu srd.

barrièra , nf Definitzione serradura fata a listronis, a tzivinas o a puntedhos mannos; genia de giogu chi assimbígiat a sa lunamonta: totu is cumpàngios chi giogant, a unos a unos, ponendhosiche unu prus ainnanti de s'àteru candho at sartau, si ponent a conca incrubada e donniunu depet sartare totu is àteros e si depet torrare a pònnere Terminologia iscientìfica ggs.

barrifalàu , agt: barrivaladu Definitzione chi no podet papare ca portat is barras sidhias o de cantu est abbarrau a fàmine e no tenet fortzas Sinònimos e contràrios irbarradu Frases est barrivaladu de su fàmine! ◊ manigade custa, za no sezis mancu barrivalados, za zughides dentes bonas! Ètimu srd.

barríga , nf Definitzione nau a befa, bentre Sinònimos e contràrios bentre / bàldule 1 Ètimu spn. barriga.

barrigàda , nf Definitzione una cantidade manna, meda Sinònimos e contràrios barracada, muntone Ètimu srd.

barrighèdha , nf: barrixedha Definitzione min. de barra, de barra 1.

barríla, barríle barríbi

barrilètu , nm Definitzione genia de mossa (caragolu) in su bancu de su fusteri po aguantare firma sa linna de allisare Terminologia iscientìfica ans, fst Ètimu spn. barrilette.

barríli barríbi

barrillòca, barrilòca , nf Definitzione pausadedha apustis papau, mescamente in istade, faendho giorronada de trebballu grae, fintzes s'ora chi s'istat pausandho apustis papau, firmandho su trebballu; campanedha in is minieras o àteru logu de trebballu po sonare s'intrada o sa essia, sa pausada de is trebballadores / fai b. = fàghere una drommidedha a passadu mesudie, fai meigama Sinònimos e contràrios arreposu, assentu, pasa 1, pàsida, pausamentu / arresetu, tasida / campanedha Frases su passau at a pàrriri una gherra binta e at a èssiri barrilloca e prexu ◊ saboca su coru miu bisongiosu de barrilloca, saboca! (V.Pisanu)◊ ti siat de barrilloca e prexu mannu! 2. travagliaiant che macos e canno sonaiat sa barriloca non si corcaiant pro si pasare 3. arregordissí ca, ispaciau cussu, a terra barrilloca! Ètimu itl. berlocca.

barrimànnu , agt Definitzione chi portat barras mannas; chi foedhat meda e si credet puru Sinònimos e contràrios barrudu / argioleri, badaceri, barrosu, ciaciareri, ciaciarone, illanadu, paraleta, paraletadore, tàcula | ctr. mudurcu Terminologia iscientìfica zcrn, ntl Ètimu srd.

barrína , nf: berrina, bérrina, varrina Definitzione genia de aina a caragolu e a punta po istampare linna; idea firma, idea maca; maladia a conca de is brebès / barrinas (nadu de macarrones) = itl. fusilli Sinònimos e contràrios berruzu, érrina / badhirone / gadheghinzu, ingadheinzu Frases aggarrat una berrina e ponet manu a su carratzolu ◊ portu sa berrina ca istampu custa tàula 2. candu mi benit cussu dolori parit chi m'istampint is ossus a barrina! ◊ no tengu prus barrinas in sa conca ◊ giughet sa berrina de bi torrare! ◊ su tzirríchiu de is sitzirigollas brintat in is origas a tipu berrina e arribbat a is ciorbedhus Sambenados e Provèrbios smb: Berrina Terminologia iscientìfica ans Tradutziones Frantzesu vrille Ingresu gimlet, auger Ispagnolu barrena de mano Italianu succhièllo, trivèllo Tedescu Lochbohrer.

barrinadúra , nf Definitzione su berrinare / a b. = manera de mòere carchi cosa comente si faghet berrinendhe, a moliadura Sinònimos e contràrios barrinamentu Ètimu srd.

barrinài , vrb: abbarrinai, berrinai, berrinare, verrinare Definitzione trebballare, istampare a berrina; fàere o intrare coment'e una berrina Frases custos cantos de linna cherent berrinados pro los intrare apare ◊ tenta chi arrendhesces a berrinare sa carrada! 2. s'idea nche li fit berrinada in conca ◊ mi berrinat in su ciorbedhu su spédhiu e su surrúngiu de is cosas chi no funt prus Ètimu srd. Tradutziones Frantzesu vriller, forer, sonder Ingresu to gimlet Ispagnolu barrenar Italianu succhiellare, trivellare Tedescu anbohren.

barrinaméntu , nm Definitzione su berrinare Sinònimos e contràrios barrinadura, birrinóngiu Ètimu srd. Tradutziones Frantzesu forage Ingresu drilling Ispagnolu barrenado Italianu trivellaménto Tedescu Bohren.

bàrrinu , agt Definitzione chi est pitichedhu de carena Sinònimos e contràrios bagatinu, bàralu, curtzete, nanu | ctr. mannatzu Terminologia iscientìfica zcrn Ètimu srd. Tradutziones Frantzesu nain Ingresu dwarf Ispagnolu enano Italianu nano Tedescu Zwerg.

barriòla , nf, nm: berriola, berriolu, birriola Definitzione genia de bonete / girai sa birriola a ccn. = iscassiare, ammachiai, girai su sentidu, meledare Sinònimos e contràrios ajola / meleda Frases su becitedhu portat unu berriolu in conca 2. tzia Pepica at afracau a Mariedha, ca nanca po curpa sua a sa filla fiat girendidha sa birriola!◊ acomenti dhus girat sa birriola faint! Terminologia iscientìfica bst Ètimu itl. berri(u)ola.