A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

barríbi , nm: barrila, barrile, barrili Definizione istrégiu de linna a doas po binu; pitichedhu, prus che àteru po abba Sinonimi e contrari abbalire, balire, cubedhutzu / frascu 2. est torrandho chin sa barrila bóida e su marrone a codhu Terminologia scientifica stz Etimo spn. barril.

barricàda , nf Definizione genia de muru fatu ammuntonandho cosas bastat chi siat, de un'improntu, in logos ue si dhue gherrat, po impedire a s'àteru de passare Traduzioni Francese barricade Inglese barricade Spagnolo barricada Italiano barricata Tedesco Barrikade.

barricéllu barracéllu

barricosíu , agt Definizione chi no foedhat mai, chi no bollet foedhare (coment'e chi portet is barras cosias) Sinonimi e contrari citiu, mudu Frasi sos donnos proprietàrios cherent chi abbarremus mudos e barricosios pro chi ndhe facant su chi cherent, de nois! Etimo srd.

barrièra , nf Definizione serradura fata a listronis, a tzivinas o a puntedhos mannos; genia de giogu chi assimbígiat a sa lunamonta: totu is cumpàngios chi giogant, a unos a unos, ponendhosiche unu prus ainnanti de s'àteru candho at sartau, si ponent a conca incrubada e donniunu depet sartare totu is àteros e si depet torrare a pònnere Terminologia scientifica ggs.

barrifalàu , agt: barrivaladu Definizione chi no podet papare ca portat is barras sidhias o de cantu est abbarrau a fàmine e no tenet fortzas Sinonimi e contrari irbarradu Frasi est barrivaladu de su fàmine! ◊ manigade custa, za no sezis mancu barrivalados, za zughides dentes bonas! Etimo srd.

barríga , nf Definizione nau a befa, bentre Sinonimi e contrari bentre / bàldule 1 Etimo spn. barriga.

barrigàda , nf Definizione una cantidade manna, meda Sinonimi e contrari barracada, muntone Etimo srd.

barrighèdha , nf: barrixedha Definizione min. de barra, de barra 1.

barríla, barríle barríbi

barrilètu , nm Definizione genia de mossa (caragolu) in su bancu de su fusteri po aguantare firma sa linna de allisare Terminologia scientifica ans, fst Etimo spn. barrilette.

barríli barríbi

barrillòca, barrilòca , nf Definizione pausadedha apustis papau, mescamente in istade, faendho giorronada de trebballu grae, fintzes s'ora chi s'istat pausandho apustis papau, firmandho su trebballu; campanedha in is minieras o àteru logu de trebballu po sonare s'intrada o sa essia, sa pausada de is trebballadores / fai b. = fàghere una drommidedha a passadu mesudie, fai meigama Sinonimi e contrari arreposu, assentu, pasa 1, pàsida, pausamentu / arresetu, tasida / campanedha Frasi su passau at a pàrriri una gherra binta e at a èssiri barrilloca e prexu ◊ saboca su coru miu bisongiosu de barrilloca, saboca! (V.Pisanu)◊ ti siat de barrilloca e prexu mannu! 2. travagliaiant che macos e canno sonaiat sa barriloca non si corcaiant pro si pasare 3. arregordissí ca, ispaciau cussu, a terra barrilloca! Etimo itl. berlocca.

barrimànnu , agt Definizione chi portat barras mannas; chi foedhat meda e si credet puru Sinonimi e contrari barrudu / argioleri, badaceri, barrosu, ciaciareri, ciaciarone, illanadu, paraleta, paraletadore, tàcula | ctr. mudurcu Terminologia scientifica zcrn, ntl Etimo srd.

barrína , nf: berrina, bérrina, varrina Definizione genia de aina a caragolu e a punta po istampare linna; idea firma, idea maca; maladia a conca de is brebès / barrinas (nadu de macarrones) = itl. fusilli Sinonimi e contrari berruzu, érrina / badhirone / gadheghinzu, ingadheinzu Frasi aggarrat una berrina e ponet manu a su carratzolu ◊ portu sa berrina ca istampu custa tàula 2. candu mi benit cussu dolori parit chi m'istampint is ossus a barrina! ◊ no tengu prus barrinas in sa conca ◊ giughet sa berrina de bi torrare! ◊ su tzirríchiu de is sitzirigollas brintat in is origas a tipu berrina e arribbat a is ciorbedhus Cognomi e Proverbi smb: Berrina Terminologia scientifica ans Traduzioni Francese vrille Inglese gimlet, auger Spagnolo barrena de mano Italiano succhièllo, trivèllo Tedesco Lochbohrer.

barrinadúra , nf Definizione su berrinare / a b. = manera de mòere carchi cosa comente si faghet berrinendhe, a moliadura Sinonimi e contrari barrinamentu Etimo srd.

barrinài , vrb: abbarrinai, berrinai, berrinare, verrinare Definizione trebballare, istampare a berrina; fàere o intrare coment'e una berrina Frasi custos cantos de linna cherent berrinados pro los intrare apare ◊ tenta chi arrendhesces a berrinare sa carrada! 2. s'idea nche li fit berrinada in conca ◊ mi berrinat in su ciorbedhu su spédhiu e su surrúngiu de is cosas chi no funt prus Etimo srd. Traduzioni Francese vriller, forer, sonder Inglese to gimlet Spagnolo barrenar Italiano succhiellare, trivellare Tedesco anbohren.

barrinaméntu , nm Definizione su berrinare Sinonimi e contrari barrinadura, birrinóngiu Etimo srd. Traduzioni Francese forage Inglese drilling Spagnolo barrenado Italiano trivellaménto Tedesco Bohren.

bàrrinu , agt Definizione chi est pitichedhu de carena Sinonimi e contrari bagatinu, bàralu, curtzete, nanu | ctr. mannatzu Terminologia scientifica zcrn Etimo srd. Traduzioni Francese nain Inglese dwarf Spagnolo enano Italiano nano Tedesco Zwerg.

barriòla , nf, nm: berriola, berriolu, birriola Definizione genia de bonete / girai sa birriola a ccn. = iscassiare, ammachiai, girai su sentidu, meledare Sinonimi e contrari ajola / meleda Frasi su becitedhu portat unu berriolu in conca 2. tzia Pepica at afracau a Mariedha, ca nanca po curpa sua a sa filla fiat girendidha sa birriola!◊ acomenti dhus girat sa birriola faint! Terminologia scientifica bst Etimo itl. berri(u)ola.