A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

barratzellàu barracellàu

barratzéllu barracéllu

barratzéllu 1 , nm Definizione calidade de àghina bianca Sinonimi e contrari albaranzéliu*.

bàrre , nm: barri Definizione genia de butega inue bendhent cosas de bufare Sinonimi e contrari cilleri Frasi Sarbadori est passau a bufai in su barri ◊ cussus tenint unu barri in bidha mia.

barrédhu , nm Definizione genia de panneananti chi ponent a is pipios; fintzes una genia de pantalones de orroda, de bragas po is piciochedhos Sinonimi e contrari orredhu Cognomi e Proverbi smb: Barreddu Etimo itl. guarnello

barrédhu 1 , agt Definizione nau de ccn., chi giughet sa barra (de fundhu) chi essit de prus, prus ladina, iscarraitza Frasi su babbu si che fit imbetzadu, fit diventadu barredhu, no zughiat mancu dentes.

barrèla , nf Definizione foga o barra de muru, tretu o parte de unu muru orruendhondhe o orruta Frasi una barrela urruta est dannu in cumone… (A.Marceddu).

barrèra , nf Sinonimi e contrari minda Frasi sa tràvile abbitat in sa barrera de su bidatone, ue b'at boe Cognomi e Proverbi smb: Barrera.

barréscu , agt Definizione nau de piciochedhu, chi est barrosu, chi si credet unu pagu tropu.

barresólu barrasólu

barrètu , nm: berretu Definizione pinzos de pònnere po ammontare sa conca, is ómines Sinonimi e contrari bonete Frasi fiat bistiu de istràcius, fintzas su barretu totu arroghigiau portàt (S.Leo).

bàrri bàrre

barriadòri , agt, nm Definizione chi o chie carrat sa cosa, mescamente in is binnennas Sinonimi e contrari carradore Etimo srd.

barriadòrza , nf: barriadroxa Definizione pértiga de bide chi si lassat prus longa po bogare frutu; calidade de àghina bianca Sinonimi e contrari cabidiana, carriadòrgia Terminologia scientifica bng Etimo srd.

barriadórzu , nm Definizione logu o tretu inue andhat bene a carrigare, inue si càrrigat cosa Sinonimi e contrari carrigadolzu Etimo srd.

barriadròxa barriadòrza

barriàdu , pps, agt Definizione de barriare; chi portat càrrigu; chi ndhe portat meda (frutu, machiori, pinzos de… mascu) Sinonimi e contrari carrigadu / gàrrigu, frunidu | ctr. líchidu 1, iscàrrigu Frasi fimus in medas e amus barriadu coitendhe ◊ tue za as barriadu, a machine! ◊ lampu a barriadu chi at cussu: no ndhe narat una zusta! 2. ocannu sas olias sunt barriadas meda ◊ semus barriados de males e no ndhe podimus a fàghere ispesa manna 3. cussu za nachi est barriadu e la cuntentat sa muzere! Traduzioni Francese chargé Inglese load (ed) Spagnolo cargado Italiano caricato, càrico Tedesco geladen, voll.

barriadúra , nf Definizione su barriare, nau prus che àteru de sa manera de carrigare Sinonimi e contrari barriamentu, carrigamentu Etimo srd.

barriaméntu , nm Sinonimi e contrari barriadura Etimo srd. Traduzioni Francese chargement Inglese charging Spagnolo carga Italiano caricaménto Tedesco Laden.

barriàre , vrb Definizione pònnere càrrigu apitzu (nau fintzes de frutuàriu po matas, de impícios e fainas po gente); giare a pitzu a unu po dhi fàere male, cracare / barriare s'àinu, su cadhu = barriare sa cosa a subra de s'àinu, a subra de su cadhu Sinonimi e contrari achidire, atuai, carriai* / carrabbugliai, crazugai | ctr. irbarriare, scarrigai Frasi ant fatu sas cosas in mannu ma si sunt barriados de dépidos ◊ su carru l'aiant barriadu a ponte de incunza ◊ no mi bàrries de cumandhos ca so essindhe pro torrare luego ◊ abbàida comente at barriadu cuss'olia, ocannu: che pilu in pedhe ndh'est! ◊ s'aera est barriendhe e fossis proet 2. su cane li at barriadu a mossos a s'animale istranzu ◊ sos leones ant barriadu a un'animale mannu e si l'ant manigadu ◊ li sunt barriados sos canes ◊ l'at barriadu sa frebba e postu l'at in letu Traduzioni Francese charger Inglese to charge Spagnolo cargar Italiano caricare Tedesco laden, angreifen.