A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

carchinàre , vrb Definitzione betare crachina a pruine.

carchinàrju calchinàgliu

carchinàrzu, carchinàtzu , nm Definitzione orrugos de ischedradura cun crachina, àliga chi faent is maistos de muru trebballandho; fintzes logu de terra mala Sinònimos e contràrios carcinalla, carcinàmini, isterratzu, terratzu 1 Frases bi aiat dogni calidade de revudos: tenaghes de mela, fozas de càula, carchinarzu rutu dae sas grundhas Tradutziones Frantzesu plâtras Ingresu rubble Ispagnolu cascote Italianu calcinàccio Tedescu Kalkschutt.

carchinósu , agt Definitzione chi portat crachina, chi paret crachina.

càrchinu , nm Definitzione sa maladia chi benit a su fermisílicu (su bobboi de sa seda), genia de pruinedhu biancu (codrolinu microscópicu) chi dhu càrrigat e faet mòrrere Terminologia iscientìfica mld Tradutziones Frantzesu muscardine Ingresu muscardine Ispagnolu muscardina Italianu calcino Tedescu Kreidesucht.

carchitàre calchidàre

carchitàta carchidàda

càrci càlche

càrcias , nf pl: cartzas, cràcias, cratza, cratzas Definitzione genia de caltzas, cambales niedhos de furesu Sinònimos e contràrios caltzeta Terminologia iscientìfica bst Tradutziones Frantzesu guêtres Ingresu spats Ispagnolu polaina, botín Italianu ghétte Tedescu Gamasche.

carcída, càrcida caltzída

carcidadòri carchidadòre

carcíga caltzída

càrciga càlchida

carcigài cacigài

carcigaméntu , nm: acacigamentu, catigamentu Definitzione su catzigare a meda unu logu, una cosa cun is peis a su passa passa Sinònimos e contràrios cacigadura, calcighinzu, catigonzu Ètimu srd. Tradutziones Frantzesu piétinement Ingresu trampling Ispagnolu pisoteo Italianu calpestaménto Tedescu Treten.

carcigàre cacigài

carcína calchína

carcinadòri , agt Definitzione nau de un'animale, chi costumat a giare craches Sinònimos e contràrios calchidaditu, carchidadore, carchidajolu, cumeradore Frases custu est unu cuadhu carcinadori Ètimu srd.

carcinadúra , nf Sinònimos e contràrios carcinamentu Ètimu srd.

carcinài , vrb: acarcinai, carcinari, cracinai, cranciai, crancinai Definitzione giare craches, pigare a craches; fàere cun tzacu, a dispetu, sa cosa chi unu no bolet Sinònimos e contràrios acromai, acumbuai, arrampedhai, arrebbellai, calchedhare, calchidare, incumerare, screnciai / cadredhai Frases su molenti at apuntau is peis e at carcinau ◊ bandant a sartai e a cranciai, ca funt cumenti a mobentis in s'arxoba! ◊ ti arregordas candu dh'iat cranciau su cuadhu? ◊ su muenti cràcinat a peis paris 2. a mamma dha fatzu carcinai ma no mi coju cun d-unu béciu! Ètimu srd. Tradutziones Frantzesu donner des coups de pied Ingresu to kick (out) Ispagnolu cocear Italianu scalciare Tedescu ausschlagen.