Ditzionàriu in línia
de sa limba e de sa cultura sarda

cosciàli 1 , nm Definitzione petzu postu in mesu de su timoni de sa carrotza.

coscinèra , nf: cossinera, cuscinera, cussinera Definitzione sa beste de su cabitzale; genia de sachedhu Sinònimos e contràrios cabidalera Frases fítziu mau cussu de fumai a su noti: pobidhu miu at abbruxau duas coscineras, aici ◊ mamma mi at cosiu una coscinera arrandada 2. frinucu bi ndhe aiat a fizubonu e ndhe ant prenau sas mesusachetas e sa cussinera Ètimu ctl. coixinera Tradutziones Frantzesu taie (d'oreiller) Ingresu pillowslip Ispagnolu funda Italianu fèdera Tedescu Kopfkissenbezug.

coscínu , nm Definitzione genia de trastu prenu de cosa modhe (lana o àteru) de pònnere asuta de sa conca po crocare Sinònimos e contràrios cabidale Ètimu ctl., spn. coixí, cojín Tradutziones Frantzesu coussin, oreiller Ingresu pillow Ispagnolu almohada Italianu cuscino, guanciale Tedescu Kopfkissen.

còscio , nm: cosse, cosso, cossu Definitzione genia de corpete o imbustu, in su costúmene mescamente de fémina; fintzes petígliu, a logos / min. cossixedhu, cossete Maneras de nàrrere csn: èssere a s'in cosso = in mànigas de camisa; papai a cossu isbutonau = manigare a tropu, abbidhiaisí, arribbirisí Frases su cossu chi dh'istringiat su sintzu lassada froriri su sinu armoniosu asuta de sa camisa ◊ portat mucadori, cossu, giponi, fardeta e camisa ◊ sos antigos bestiant in cosse e in berrita Sambenados e Provèrbios smb: Cosso, Cosseddu Terminologia iscientìfica bst, cst Ètimu ctl. cos

coscizòla , nf Definitzione cranuga de còscia, ufradura a is gràndhulas de is ímbenas Sinònimos e contràrios sambenàgia Terminologia iscientìfica mld Ètimu srd. Tradutziones Frantzesu adénite inguinale Ingresu inguinal adenitis Ispagnolu adenitis Italianu adenite inguinale Tedescu Drüsenentzündung.

còsco còsche

cosconàdu , agt Definitzione de sabore malu, passadu Sinònimos e contràrios cosconosu Frases usaiat sa candhela cun s'ozualmanu cosconadu.

cosconàre , vrb Definitzione fàere una genia de moida, de sorrogu in s'ogroena e in buca torrandho àlidu candho unu est dormiu Sinònimos e contràrios arroncai, corroschiare, currungiai, farroscai, roschidare, sarracrare, sarrascare, surrusare Frases no mi at lassadu drommire ca fit tota note cosconendhe Ètimu srd. Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

cosconàre 1 , vrb Definitzione pudèscere e atoscare cun su pudesciore, orròschere, fàere a gana mala / c. sa gana = fàere passare sa gana Sinònimos e contràrios atoscai Ètimu srd.

cosconàu , pps, agt Definitzione de cosconare; chi torrat s'àlidu a pelea, de s'intèndhere Sinònimos e contràrios assubentau, assupau, batimosu, ghemidosu 2. s'ómine fit mannu e cosconau dae s'asma.

coscòne , nm Sinònimos e contràrios fracu, pudescioi Ètimu srd.

cosconósu , agt Definitzione chi dhi andhat sabore (o fintzes arrancu) malu, de cosa passada, chi faet allupare Sinònimos e contràrios asseadu, contomosu, istantissu, istantufu, tastosu, tosconosu, tufosu / toscosu Frases su teracu istaiat cun d-unu bículu de lardu su prus de sas bortas fintzas cosconosu! ◊ ses unu fraghixedhu cosconosu… e ita chi mi betais unu lavativu de cussa cosa, gei mi dhas arràngiat is mocas!… Terminologia iscientìfica sbr Ètimu srd. Tradutziones Frantzesu rance Ingresu rancid, suffocating Ispagnolu rancio, bochornoso Italianu ràncido, asfissiante Tedescu ranzig, erstickend.

coscónu , nm Definitzione sa moida, su sonu chi faet cun s'ogroena, cun sa buca e su nasu unu dormiu chi respirat male Sinònimos e contràrios corróschiu, forróschiu, rúschida, sarragu, sorroscru Ètimu srd. Tradutziones Frantzesu ronflement Ingresu snoring Ispagnolu el roncar Italianu russaménto Tedescu Schnarchen.

coscónu 1 , nm Definitzione su cosconare, fàere a gana lègia, afastiadura Sinònimos e contràrios collóvia, ganamala Ètimu srd.

coscosèdha , nf: coscusedha, cuscusedha Definitzione una calidade de àghina a pibiones piticos Terminologia iscientìfica frt.

coscovàri corcovàri

coscovàtzu , nm: cuscubatzu, cuscuvatzu Definitzione iscopa de àchina o de sarmentu, sa carena, su chi abbarrat de unu gurdone de àghina apustis istacaos is pibiones; fintzes totu su chi no est granu, foedhandho de su laore Sinònimos e contràrios iscovàtzulu, iscopu 1, iscovile, sporra / cerfa, chercuzu, coamaderzu, múndulu 2. issos regollint su ranu e a nois lassant su cuscubatzu Terminologia iscientìfica rbr Tradutziones Frantzesu râpe, criblure Ingresu grape stalk, riddling Ispagnolu orujo, salvado Italianu graspo, vagliatura Tedescu Traubenstiel, Spreu.

coscovéri corcovàri

coscoviàre cascaviàre

cóscu , nm Sinònimos e contràrios noscu, dilgéniu.