A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

crastàtza , nf: crastaza, crastialza Definitzione logu totu prenu de pedra, de coròngios Sinònimos e contràrios brechilaxu, crastarzu, mogolàrgiu, pedraghe, pedraju, pedredu, pedrera, pedriaxu, praicàrgiu, predàili, razile, talloraxu Frases ghiranne a cuile nche aia fatu s'inghíriu de sa crastatza inuve aia vistu vulos aggorratos in funnu de una bete perca Terminologia iscientìfica slg Ètimu srd. Tradutziones Frantzesu pierraille Ingresu stony ground Ispagnolu pedregal Italianu pietràia Tedescu Steinhaufen.

crastàu , pps, agt, nm: grastatu Definitzione de crastare; pegus mascu crastau e ingrassau, bonu po sa petza Sinònimos e contràrios sanau / cdh. maciatu | ctr. cogiudu 2. si tue àtera conca aisti giutu no fist istadu che cane crastadu! Tradutziones Frantzesu châtré Ingresu castrated Ispagnolu castrado Italianu castrato Tedescu kastriert.

crastavígadu , nm Definitzione s'orrugu de su figau chi abbarrat atacau a s'animale apustis chi si che dh'ant segau.

crastàza crastàtza

crasteàre , vrb Definitzione castiare, abbaidare, portare a càstiu coment'e iscocandho ma chentza si fàere bíere Sinònimos e contràrios ciarizare, iscocai, palmizare Frases chin sos ocros suos est crasteandhe totu sa terra.

crastiàlza crastàtza

crastighinàre , vrb: acrastighinare Definitzione pigare a cropos de crastu, a cropos de pedra Sinònimos e contràrios acrastiare, allecucare, apedreare, apedriai Ètimu srd.

crastilàrgiu , nm Definitzione logu de cràstili, logu totu orrocas Sinònimos e contràrios conchilàrgiu Frases totu sa dí is crabas pascint in is crastilàrgius Terminologia iscientìfica slg Ètimu srd.

crastíli , nm Definitzione orroca arta prantada.

cràstili , nm Definitzione caràilis avatu de pari, puntas de monte s'una aifatu de s'àtera a serra Sinònimos e contràrios serra Terminologia iscientìfica slg Tradutziones Frantzesu ligne de faîte, cordillère Ingresu mountain range, poke Ispagnolu sierra, cordillera Italianu giogàia Tedescu Gebirgskette.

crastinadòre , agt Definitzione chi tirat agoa, a longas Sinònimos e contràrios coilongu, coizosu Tradutziones Frantzesu qui remet à un autre temps Ingresu deferred Ispagnolu rezagante Italianu procrastinatóre Tedescu wer verschiebt.

crastinadúra , nf Definitzione su tirare a longas, su lassare istare is cosas a tempus ainnanti Tradutziones Frantzesu procrastination Ingresu procrastination Ispagnolu rezago Italianu procrastinaménto Tedescu Verschiebung.

crastinàre, crastinàri , vrb Definitzione tirare a longas, tirare agoa, lassare istare su de fàere a un'àteru tempus; trampistare su tempus faendho calecuna cosa? / èssere, portari una cosa cràstina cràstina = tirai a cò, tirare a longas, tasire Sinònimos e contràrios atrassai, pellongare, rebusare 1, tasire, trancire 2. chie tenet carchi cunzaedhu su prus de su tempus si lu colat irfenandhe o crastinandhe àteru (G.Piga) Tradutziones Frantzesu différer Ingresu to defer Ispagnolu rezagar, aplazar Italianu procrastinare, rinviare Tedescu verschieben.

crastónzu , nm Definitzione su crastare, sa faina de crastare Sinònimos e contràrios crastadura Ètimu srd.

cràstu cràltu

cràstula , nf Definitzione fémina crastulera, leghendàrgia, fintzes mala chi si giaet a ómines Sinònimos e contràrios crastulatza, ingràstula Frases Areghixedha, cràstula comenti est, no si est lassada apatigai de cussu dimóniu de Buichedhu! ◊ una cràstula ses: ti emu a èssiri ispitzau sa língua apena nàscia! Ètimu srd.

crastulàda , nf Definitzione su crastulare, atzione bàscia o manera vile de foedhare male de is àteros Sinònimos e contràrios argiolada 1, ciaciarada, crastuladura, foxilada Frases is duas féminas s'iant pigau fuedhus po no isciu ita crastulada Ètimu srd.

crastuladúra , nf Sinònimos e contràrios crastulada Ètimu srd.

crastulài, crastulàre , vrb Definitzione istare naendho a s'afaiu de s'unu e de s'àteru cosas chi no dh'important, cricare is chistiones angenas Sinònimos e contràrios allicuterai, afoghilare, chiscuzare 1, contularjare, criticai, leuterare, lorodhare, naravegliare, pistizonare, zudicare Frases funt andaus a foras a pigai friscu e a crastulai! ◊ fimus restatos fenas a note crastulanne Ètimu srd. Tradutziones Frantzesu potiner Ingresu to gossip Ispagnolu chismorrear, cotillear Italianu spettegolare Tedescu schwatzen.

crastulàrgiu , agt, nm Sinònimos e contràrios bodheteri, crastuleri, cràstulu, foxileri Ètimu srd.