A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dighíri , vrb Definitzione sighire, fàere ancora su chi si fiat faendho Sinònimos e contràrios sichire, síghere.

dighitàle dighidàle

digidída , nf Sinònimos e contràrios digididura Ètimu srd.

digididúra , nf Sinònimos e contràrios digidida, dizestione Ètimu srd. Tradutziones Frantzesu digestion Ingresu digestion Ispagnolu digestión Italianu digestióne Tedescu Verdauung.

digidíre, digidíri , vrb: digilire, dizerire, tizirire Definitzione su chi faet mescamente s'istògomo a su papóngiu aprontandhodhu po chi is istentinas che potzant suspire su nutrimentu; dighire, lassare cúrrere un'ofesa Sinònimos e contràrios concòchere / immartire, ispultidhire, matiri Frases custa est peta rassa chi no si digilit mancu cun sa magnésia ◊ custu est mossu duru a digilire! 2. iscuru e míseru chie si cumbinchet de poder digilire totu cun su tempus! Tradutziones Frantzesu digérer Ingresu to digest Ispagnolu digerir Italianu digerire Tedescu verdauen.

digilíre, digiríre digidíri

digiríu digidíu

digitàle , agt Definitzione nau de unu sistema de misura, de càrculu o de manígiu de datos de unos cantu aparícios eletrónicos, chi tratat totu a números, chi manígiat solu números po arrapresentare css. cosa, valore o fatu.

digiúnu dejúnu

dignài, dignàre , vrb: addignare, dinniai, dinnare Definitzione su si abbasciare a calecuna cosa, a fàere unu sacrifíciu, un'ifortzu, calecuna cosa chi iat a pàrrere una pérdia de cunsideru, de importu, ma sèmpere po una cosa de bonu Frases no ti ses mai dignada de amare pastores e massajos: cherias signores e galantzetes! Tradutziones Frantzesu daigner Ingresu to deign Ispagnolu dignarse Italianu degnarsi Tedescu sich herablassen.

dignassiòne, dignatziòni , nf Definitzione su si addinnare, su àere cunsideru po s'àteru Sinònimos e contràrios cussideru Tradutziones Frantzesu condescendance Ingresu condescension Ispagnolu consideración Italianu degnazióne Tedescu Herablassung.

dignèsa , nf Definitzione su meritare arrespetu Sinònimos e contràrios dignidade Frases sos faedhos chi antas no ant moneda de valore e dignesa de amare! (Tucone)

dignidàde, dignidàdi , nf: dinnidade Definitzione su meritare arrespetu, su èssere dignos de arrespetu comente pertocat a donniunu solu po èssere una persona, gente; fintzes su s'intèndhere dignos, sentidu de arrespetu, de indipendhéntzia, de libbertade fintzes colletiva Sinònimos e contràrios dignesa 2. inoghe neunu at piús s'abbilidade de si arranzare chin sas fortzas suas, semus diventados totu zente chena caràtere e chena dignidade!(G.B.Fressura) Ètimu itl. Tradutziones Frantzesu dignité Ingresu dignity Ispagnolu dignidad Italianu dignità Tedescu Würde.

dígnu , agt: dinnu Definitzione chi si méritat arrespetu, cunsideru, calecuna cosa de bonu, de valore, mescamente si est postu a paragone de àteru prus de valore o chi tenet prus méritu Sinònimos e contràrios meneschidore | ctr. indignu Frases Signore, no so dignu chi intres in su corpus meu! ◊ de cust’arregalu sa genti no est digna! Ètimu itl. digno Tradutziones Frantzesu digne Ingresu worthy, dignified Ispagnolu digno, decoroso Italianu dégno, dignitóso Tedescu würdig + Gen.

digogliài degogliài

digógliu degógliu

digollàre degogliài

digórju , nm Sinònimos e contràrios abbatúliu, biuldu, budrellu, carralzu, chichígliu, chimentu, ragàglia Frases màchinas, digorju, fumu, fracos malos mi turmentant oricras, ocros e nares (G.Farris).

digràmma , nm Definitzione in s’iscritura, cuncordu de duas líteras o grafemas po rapresentare unu sonu solu: in DitzLcs. funt digrammas /ch/ [k], /dh/ [ɖ], /gh/ [g], [V], /gl/, /gn/, /sc/(i) [S], /tz/ [ʦ].

digrassiàu , agt, nm: digratziau, dilgrasciadu, dirgrassiadu, disgrassiadu, disgrassiatu, disgratziau Definitzione chi o chie at tentu o tenet mala fortuna, dannos mannos o chi dhi andhant male is cosas; foedhu chi si narat cun tzacu a ccn. chi at fatu male, o fintzes a unu de pagu abbilidade Sinònimos e contràrios deldiciadu, mabassortau, malafadau, malafortunau / farabbutu | ctr. afoltunadu Frases sa zente no si frimmat mancu unu momentu pro dare cara a custos dilgrasciados! 2. pistau e niedhu chi dh'agatent, brutu digratziau! ◊ ma ite ses faenno, brutu digratziau?! 3. ma ses dirgrassiadu, mih: bi est su fogu fatu e tue morindhe de su fritu! Ètimu srd. Tradutziones Frantzesu malheureux Ingresu unlucky (man) Ispagnolu desgraciado Italianu disgraziato Tedescu unglücklich, Unglücksmensch, Gauner.