A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

farighédhu , nm Definitzione cosa chi dhue pàsiat in su fundhu de un'istrégiu de abba, binu, ógiu o cosas deasi Sinònimos e contràrios fundaina, fundhuluza, funguluza, mucra

farighédhu 1 , nm Definitzione nie, frochitedha finedhedha, a farinos Sinònimos e contràrios frochita 1, randhinedhu, sarighedhu.

farígu, fàrigu , nm Definitzione una parte de sa farra, bona prus che àteru po animales; a logos, órgiu móliu po animales; símbula grussa; coment'e farra de orrunchinadura de linna chi faent unos cantu bobbois candho sa linna est bècia; a logos, su frore de su binu, su frore de su samucu; in cobertantza, fintzes brutore, muga, sordi / terra de bonu farigu = a matza de castàngia, fatia, isorta che farina Sinònimos e contràrios farrixedha, popoine Frases po fai s'ambulau si coit su farigu ◊ su canistedhu si bestiat a festa chin sa biancura de su farigu nou 2. béciu fut Batista Nuxis, ca portada su farigu in is genugus! Sambenados e Provèrbios smb: Farigu Ètimu ltn. farric(u)lum Tradutziones Frantzesu farine avec de la repasse Ingresu flour with fine bran Ispagnolu harina con moyuelo Italianu farina con cruschèllo Tedescu Kleienmehl.

farína , nf Definitzione css. laore móliu a fine, ma mescamente trigu po fàere a pane: si distinghet in pódhine (grussu - bilinzone - e fine), iscete (sa farina de civraxu), e símbula (de duas calidades, po panes prus bonos: cocòi, murtau, àteros); matzigadura de linna segada a serra, a serrone / èssere cantu trigu farina = dhu narant de duus chi si assimbillant meda in dónnia cosa, in su naturali, in is capacidadis e àteru Sinònimos e contràrios farra / farredha Frases s'arrustu lu pispiseit cun farina bianca ◊ farina de tiàulu, narat su díciu, si boltat in telau 2. babbu e fizu sunt cantu trigu farina Sambenados e Provèrbios smb: Farina Ètimu ltn. farina.

farinàgia, farinàglia, farinàlla farenàgia

farinàre , vrb Definitzione fàere o chèrrere sa farra po ndhe seberare su pódhine, sa símbula e totu is àteras partes Sinònimos e contràrios iscerai, scedassai, spalinai Ètimu srd.

farinàrgia farenàgia

farinàtu , agt: farinatzu Definitzione nau de cosa de papare, chi paret fatu de farra, chi si faet a farinos Sinònimos e contràrios farinaxosu, fatiu, isfarinente, isfarinosu Frases custa patata est farinata ◊ cussa calidade de pira no est bona: est farinata! ◊ sa mela farinata bendhet su tataresu… Tradutziones Frantzesu farinacé Ingresu floury Ispagnolu farináceo Italianu farinàceo Tedescu mehlig.

farinàtza , nf Sinònimos e contràrios cífrinu, fafaruza, filchinida, murichia, piciualla Ètimu srd.

farinàtzu farinàtu

farinàxa farenàgia

farinaxósu , agt Definitzione chi si faet a farinos, chi essit che farra, si faet a farinaxa Sinònimos e contràrios farinatu, isfarinosu.

farinèdha, farinédhu , nf, nm Definitzione orrughedhos prus che àteru de pane, cantighedhu piticu Sinònimos e contràrios arrogalla, biculaza, cífrinu, fafaruza, fanialla, piciualla / arrogu, bículu, cànciu Frases segat sa pessa de prochitu a farinedhus ◊ anca s'ogu malu est unu farinedhu de petza mala chi portaus in sa carena Ètimu srd.

farinósu , agt Definitzione chi portat o faet farra meda Sinònimos e contràrios farinatu, farrosu, farrutzosu Tradutziones Frantzesu farineux Ingresu farinous Ispagnolu harinoso Italianu farinóso Tedescu mehlhaltig.

farínu , nm Definitzione bículu, orrughedhu piticu de calecuna cosa Sinònimos e contràrios arrogalla, biculaza, cífrinu, fafaruza, fanialla, farinedha, piciualla / arrogu, bículu, cànciu Frases in totu s'annu no mi at zau unu farinu de aunzu!◊ is chi binchiant su pannu dhu faiant a farinos e donniunu s'ingolliat su cantu suo ◊ custu est unu farinedhu de paperi Ètimu srd.

farisciàre , vrb Definitzione arrasigare, passare a su friga friga, tocandho unu pagu o tropu acanta, passare un’aina arrasigandho Sinònimos e contràrios arraschiai, arrasciare, craschiare, rasigai Frases a su faríscia faríscia in terra, cioghendhe, sas mudandhas si sont totu segadas ◊ babbu at farisciadu sa tàula a boltedhu (S.Saba)◊ candho farisciamus unu muru noche istreamus si est perigulosu.

farísciu , nm Definitzione su farisciare, arrasigamentu / èssere a f. = a su rata rata, a su friga friga Ètimu srd.

fariséu , nm, agt Definitzione una pasia de is ebreos de unu tempus; nau de unu, chie no est singillu foedhandho o faendho e giaet a bíere una cosa po un'àtera Sinònimos e contràrios duasfacis, facidortu, falsu, malfusu Frases is fariseus fuant sidhaus a su dinai ◊ faci de fariseu! Tradutziones Frantzesu pharisien, pharisaïque Ingresu pharisee, pharisaic Ispagnolu fariseo, farisaico Italianu farisèo, farisàico Tedescu Pharisäer, pharisäisch.

faristólu, faristóu , nm Definitzione trastu, genia de mobbiledhu inue si ponet su missale apertu a lígere, in crésia Frases biteimindi is candebedhas: labai ca funt tres, asuta de su faristou! Terminologia iscientìfica prdc Ètimu ctl. faristol Tradutziones Frantzesu lutrin Ingresu reading-desk Ispagnolu atril Italianu leggìo Tedescu Lesepult.

farivàiri, farivàri fairivàiri