A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

filurítzu filarítzu

filusàu , nm Definitzione filu sau, genia de filu de lana, forte Frases sos pantalones bi lis coso a filusau Terminologia iscientìfica ts.

filusigavilúsiga filisigavilísiga

filúsigu , nm Definitzione fainedha de pagu contu, chentza imprastu Sinònimos e contràrios ifiligristos Frases cussu perdet totu su tempus in filúsigos.

filuvérru filivérru

fimèta , nf Definitzione su cundhimentu chi si faet fríere in s'ógiu po unu papare Sinònimos e contràrios connimentu, cunfigimentu, pimenta.

fimorísca , nf Sinònimos e contràrios ficumorisca, morisca Frases sa fimorisca est unu frutu saboriu.

fína fèna

finàdu , nm: finau Definitzione chie at acabbau sa vida in custu mundhu / sa dí de is finaus = sa die de totu is mortos, su duos de donniasantu (santandria) Sinònimos e contràrios beadu, moltu, spaciau Ètimu spn. finados Tradutziones Frantzesu défunt Ingresu deceased Ispagnolu difunto Italianu defunto Tedescu Verstorbene, Tote.

finàle, finàli , agt, nm Definitzione de sa fine, chi pertocat sa fine; s'acabbu de ccn. cosa, conclusione de unu cumponimentu Sinònimos e contràrios acabbu.

finalísta , nm Definitzione nau de chie in d-unu cuncursu o gara arresurtat de is primos, unu de is pagos isceberaos po su prémiu.

finalmènte!, finalmènti! , iscl Definitzione foedhu chi si narat candho si lompet a unu disígiu o a un'iscopu, a una fine, apustis de tanti ibertare (ge fut ora!) Sinònimos e contràrios finisamenti.

finamènta, finamèntas, finamènte, finamènti, finamèntra, finamèntras, finamèntzas fentzamèntas

finàntza , nf: finàntzia Definitzione sa renta, su dinare, is intradas de unu bilànciu, mescamente de un'ente púbbricu, de un'istadu; totu s'aparatu de impiegaos e de guàrdias chi contivígiat totu is intradas e pagamentos de un'istadu / betare sas f. = acusare a ccn. a is finantzas, mandhare is finantzeris a bíere si est in régula cun sa lei Sinònimos e contràrios finantzeri 2. chie no est in régula pro carchi pagamenta si la timet puru candho abbojat sas finantzas.

finantzéri , nm: finantzieri Definitzione guàrdia de finantza; chie istúdiat e connoschet is chistiones de sa finantza o amministrat dinare Sinònimos e contràrios finantza / banchieri Terminologia iscientìfica prf Tradutziones Frantzesu agent de la "Guardia di Finanza" Ingresu custom officer, financier Ispagnolu guardia de la policía fiscal, financiero Italianu finanzière Tedescu Zöllner, Zollbeamte, Steuerfahnder, Finanzier.

finàntzia finàntza

finantziaméntu , nm Definitzione su finantziare, su giare o pònnere dinare po calecuna òpera, po un’impreu; su dinare etotu Tradutziones Frantzesu financement Ingresu fund Ispagnolu financiación Italianu finanziaménto Tedescu Finanzierung, Finanzkapital.

finantziàre , vrb Definitzione pònnere o giare dinare po calecuna òpera, po calecunu impreu Sinònimos e contràrios fincai.

finantziéri finantzéri

finària , nf Definitzione su èssere fine de is cosas Sinònimos e contràrios finesa, sutilesa | ctr. russària Ètimu srd. Tradutziones Frantzesu finesse, épaisseur Ingresu fineness, thick ness Ispagnolu sutileza, espesor Italianu sottilità, finézza, spessóre Tedescu Dünnheit, Dicke.