A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

garzía , nf Definitzione genia de mata ispinosa, faet frore grogo e fragosu meda Frases cussa mata at a portai prus coma de sa garzia chi est in cortili Sambenados e Provèrbios smb: Garzia Terminologia iscientìfica mtm, Acacia farnesiana Ètimu itl. garzìa Tradutziones Frantzesu casse (bot.), cassier Ingresu sweet acacia Ispagnolu aroma Italianu gaggìa Tedescu Hackendorn.

gasàdu , agt Definitzione chi giughet gasu, o cosa chi cun facilidade càmbiat a gasu e faet fortza, pressione.

gasèta , nf: gazeta Definitzione genia de giornale Sinònimos e contràrios giornale Frases sas gazetas l'ant fatu signalare candho a Bonorva, candho a Utieri ◊ semus semper in gaseta ca ischimus manizare armas Ètimu ctl. gaseta Tradutziones Frantzesu gazette Ingresu gazette Ispagnolu gaceta Italianu gazzétta Tedescu Gazette, Zeitung.

gasetéri , nm: gazeteri, gaziteri Definitzione giornalista chi faet sa gazeta Sinònimos e contràrios giornalista Terminologia iscientìfica prf Ètimu ctl. gasetér.

gàsi, gàsiche, gasíe , avb: gasinche, gasinci Definitzione in cussa manera Sinònimos e contràrios angasi, basi, gae Frases gasie de ti lograre ape sa solte! ◊ a babbu e a mamma los pinto chin sa fantasia, gasi si so ischidu o so dromiu ◊ bidíndhela gasie so torradu a pitzinnu ◊ sa cosa fut gasinche ◊ no si agatat pintore ne pinzellu chi gasie ndhe pintent a primore (Cubeddu)◊ gasi giompant a cras e chi si fichent! Ètimu ltn. eccu(m) + hac + sic.

gasighí , cng Definitzione gasi chi… = e tandho, e gai, e pro cussu… Frases gasighí si sunt postos in viàgiu pro andhare a su bachile.

gasíle , nm Definitzione domighedha pitica meda Sinònimos e contràrios garrapiu.

gasínche, gasínci gàsi

gasóliu , nm Definitzione unu carburante chi faent de su petróliu.

gàssa , nf Definitzione genia de tela finedhedha, a trama lasca chi lassat bíere de un'ala a s'àtera, impreada prus che àteru po imbodhigare un’arremu malàidu o iscónciu Sinònimos e contràrios carza Terminologia iscientìfica ts Ètimu spn. gasa.

gassàru , nm Definitzione sa parte de sa cartúcia inue iscudet su cane de su fosile isparandho Tradutziones Frantzesu capsule Ingresu capsule Ispagnolu cápsula, casquillo Italianu càpsula Tedescu Zündhütchen.

gassíle , nm Sinònimos e contràrios ansile*, assíbile, bassili, grassíbile, ischirru Frases cussu zòvanu tenet un'abbilitate paret unu gassile! Terminologia iscientìfica anra.

gassíle 1 , nm: catzile, gatile, gatzile, gatzili, gatzilis Definitzione su tretu de sa conca tra sa mola de su tzugu e su cúcuru, a parte de apalas Sinònimos e contràrios assili, chelfija, pistidhu, tidíngia, tubitzu Frases mi fia ammentendhe de su corpu chi aia leadu a su gatile candho so ruta ◊ mi nche aiant iscartafogliatu dae sas brancas suas chin su gatile e sa gula a isungratas ◊ su pride si at postu s’istola in suta de su gatile e cumintzat sas precadorias Terminologia iscientìfica crn Tradutziones Frantzesu nuque Ingresu nape Ispagnolu nuca (f), cogote Italianu nuca, collòttola Tedescu Nacken, Genick.

gàssu , nm: gasu Definitzione css. elementu chi si agatat in istadu de vapore, de ària: is molècolas funt atesu e s’istésiant s'una de s'àtera, prus che àteru po efetu de sa temperadura, prus creschet custa e prus cudhas s'istésiant Frases su ventu nche munnat sas paporatas de su gassu chi essint dae sas tzimineras de sa fràbbica ◊ a su tempus chi fia minore deo no si agataiat ne lughe elétrica e ne gasu Tradutziones Frantzesu gaz Ingresu gas Ispagnolu gas Italianu gas Tedescu Gas.

gastadòre, gastadòri , agt, nm: ghestadore Definitzione chi o chie ispendhet o costumat a ispèndhere Sinònimos e contràrios bauridore, ispennijolu, isperditziau, istrubberi, stragioni | ctr. aorradori Ètimu srd.

gastadúra , nf Definitzione su gastare, su ispèndhere Ètimu srd.

gastàe, gastài, gastàre galtàre

gastàu , pps Definitzione de gastare Sinònimos e contràrios ispéndhidu, ispesu.

gastíle , nm Definitzione casta o arratza mala, nau de gente Sinònimos e contràrios gentalla, gentaredha, tzentedha Ètimu srd.

gastívile , agt Definitzione chi costumat a ispèndhere, a pònnere ispesa, chi est de manu larga Sinònimos e contràrios gastadore, ispennijolu, isperditziau Terminologia iscientìfica ntl Ètimu srd.