A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gastochiàre , vrb Definitzione arregòllere o leare cosa angena a furadura Sinònimos e contràrios arraspinzare, furanciulai Frases bi sunt cudhos chi si creent in diritu de gastochiare sa robba lassada a s'afaiu (P.Fogarizzu)◊ sa teraca gastochiat carchi cosa a manigare e sa padrona l'improveraiat sa fura!

gastónzu , nm Definitzione su gastare, su ispèndhere Sinònimos e contràrios galtu Ètimu srd.

gastósu , agt Definitzione chi faet gastu mannu, chi est caru Sinònimos e contràrios caru, ispesosu | ctr. baratu Ètimu srd.

gàstricu , agt Definitzione de s'istògomo, chi pertocat s'istògomo Tradutziones Frantzesu gastrique Ingresu gastric Ispagnolu gástrico Italianu gàstrico Tedescu Magen…, gastrisch.

gastríte , nf Definitzione male a s'istògomo, prus che àteru aggantzamentu, infiammadura Terminologia iscientìfica mld.

gàstu gàltu

gàstu 1, guàstu , nm, agt Definitzione genia de dannu, de iscónciu; chi tenet neghe, difetu; s'impreat fintzes coment'e pps. de guastare Sinònimos e contràrios dannu, dissàntara, iscunsertu, isente, istropiadu, malevadadu / cdh. gastatu / istrópiu | ctr. acónciu, arràngiu / líaru, sanu Maneras de nàrrere csn: dente guasta = tacada, mantzada; pònnere g. a unu = istrupiai Frases at fatu guastu a sa màchina e frimmu s'est a mesu caminu 2. benie pro azudare una pòvera fémina guasta chi no si podet mòghere! ◊ cussu est guastu de sa nàschida ◊ de candho so rutu, custu bratzu mi est abbarradu guastu ◊ frutuàriu guastu mancu ndhe collas! ◊ custa gafetera guasta no faghet a la pònnere ◊ dhi fiat naschia una pipia guasta 3. ite mi tantat chi ti ponzo guastu a corpos! ◊ si li lompet a fuste li ponet guastu, a su fizu, arrennegadu male comente fit! 4. sa banca de fàghere pane mi l'ant guasta poníndhela a donzi cosa Tradutziones Frantzesu dégât, pourri, gâté, détraqué Ingresu damage, breakdown Ispagnolu avería (f), daño, roto Italianu guasto, inservìbile, danno Tedescu beschädigt, unbrauchbar, Schaden.

gàsu gàssu

gàta , nf Definitzione catiruju Frases isco s'inzéniu chi teniat s'ape pro fàchere sa vera de chera totu a misura e pro prenare donzi chedha de mele o fàchere sa gata ruja.

gatagrèste , nm Sinònimos e contràrios assíbile, bassili, cassí, grassíbile, ibbirru, ischirru Terminologia iscientìfica anra.

gatalèdha , nf Definitzione pedrighedha lada chi is piciochedhos leant po giogare Sinònimos e contràrios imbréstia, tallutza.

gatèra , nf Definitzione genia de istampu in is gennas po passare is gatos a ghenna serrada Ètimu ctl., spn. Tradutziones Frantzesu chatière Ingresu cat-door Ispagnolu gatera Italianu gattaiòla Tedescu Durchschlupf für Katzen.

gatía , nf, agt: gativa Definitzione fémina cojuada chi dhi est mortu su pobidhu Sinònimos e contràrios batia, bida 1, biuda Ètimu ltn. captiva.

gatía 1 , nf Definitzione its Frases "Bae, bae! - mi rispundhiat - Nessi pro custu bido chi no si ti mànigat sa gatia!" (bido chi ndhe tenes gana, ses de bona volontade).

gaticiòla , nf: caticioba Sinònimos e contràrios arràndula, giàngula, gràndhula, làndora Terminologia iscientìfica crn Tradutziones Frantzesu glandes lymphatiques du cou Ingresu swollen neck-glang Ispagnolu glándula Italianu gàngola Tedescu Drüse.

gatiéria , nf Definitzione su èssere mandrone, gatiu Sinònimos e contràrios catiera, mandronia, preítia Frases a ndhe zughes de gatiéria, tue!…◊ cussa cosa no l'amus fata pro gatiéria nostra.

gatinài , vrb Definitzione its Frases is undas si dhu gatinànt coment’e unu fustighedhu o una cannixedha de fenu = is undhas ci dhu imbussànt in mesu coment’e unu fustigu o una frosa de palla ◊ cun oi apu acabbau de fai su mulentraxu e is pegus de mola dhus gatinat su meri etotu!

gàtinu , agt: bàtinu Definitzione de gatu, nau prus che àteru de su colore de is ogos Frases si l'at pompiau a tortu, chin ocros gàtinos, pariat impessu issindhe dae malincóniu Terminologia iscientìfica clr Ètimu srd. Tradutziones Frantzesu céruléen Ingresu sky-blue Ispagnolu cerúleo Italianu cerùleo Tedescu himmelblau.

gatitzòni , nm: batitzone, gatizone Definitzione gatu giòvono, minore de tempus ma créschiu Sinònimos e contràrios batulinu, gatixedhu, macitu, pisighitu Frases cussa paret sa gatu cun sos gatizones Ètimu srd.

gatíu , nm, agt: gativu Definitzione ómine cojuau chi dhi est morta sa pobidha; in ccn. logu dhu narant fintzes po mandrone Sinònimos e contràrios batiu, bidu 2, biudu / mandrone Frases est bestitu de niedhu chi paret unu gatiu 2. no deves drommire meda e no deves èssere gatiu! (M.Bua) Ètimu ltn. captivus Tradutziones Frantzesu veuf Ingresu widowed, widower Ispagnolu viudo Italianu védovo Tedescu Witwer, verwitwet.