A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

giúnta , nf: zunta Definitzione is manos postas acostias apare e cun is pódhighes de una manu giai a grughe e in pitzu de is de s’àtera coment'e a fàere una cíchera a pigare cosa; sa cosa chi dhue istat in is manos postas deosi Sinònimos e contràrios farrancada Frases custa cosa dh'ammuntono a giunta a giunta 2. apo calau una giunta de castagna ◊ dhue teniat una giunta de olia alluada e dus puinus de figu sicada Sambenados e Provèrbios smb: Giunta Ètimu ltn. iuncta.

giúnta 1 , nf Definitzione s'esecutivu de un'amministratzione fatu de unas cantu personas (presidente e assessores) Frases s'amministratzione de una comuna la contivizant su cossizu, sa giunta e su síndhigu ◊ dèu in giunta ia fuedhau feti de paga e ge si ndi arregodais is de sa giunta! Tradutziones Frantzesu les adjoints, commission, organe administratif Ingresu town council Ispagnolu junta Italianu giunta Tedescu Ausschuß.

giúntu , pps, agt: zuntu Definitzione de giúnghere, giúngiri / a manus giuntas = cun is pódhighes de is duas manos intraos apare o fintzes cun is manos ispartas ma acostias fache apare Sinònimos e contràrios allobau 2. iant carriau totu in su carru, cun is bois giuntus si fuant incamminaus ◊ giuntas chi andhent amistade e paghe! ◊ candho giogaiaus a sa ladedha, si ciciaiaus cun is manos giuntas in mesu de is benugos.

giuntúra , nf: aciuntura*, zuntura Definitzione tretu inue duas cosas funt aciuntas, nau fintzes de duos arremos de sa carena ue faent giogu Sinònimos e contràrios agiuntadura, annaghidura, annodricadorju, annantura, annuadórgiu, arte 1, nigradroxu Frases in mesu a sas giunturas passant avisos de antigas tristuras.

giúnu geúnu

giunúgu genúgu

giúnzu giaúgnu

giúo giú

giupòne gipòne

giúra giúa 1

giúra 1 , nf, nm: ciura, giuru 2, zura 1 Definitzione su giurare, su fàere giuramentu; sa persona chi si ponet in mesu in is giuramentos (sa persona prus istimada)/ pònniri in giura a unu, ponnirisí in giura = pònnere a zurare, zurare Sinònimos e contràrios giuramentu, giuronzu Frases si m'iant postu a giura, iam'èssi giurau ◊ fait giuras chi faint a tremi paris s'inferru ◊ est po giuru chi apu fatu ◊ fatzu giura de cambiai vida ◊ chi cun tui no mi coju est giura chi apu fatu! ◊ farsa fiat sa giura, finta e no singilla ◊ si fiat posta in giuras de ai inténdiu cosa Tradutziones Frantzesu serment Ingresu oath Ispagnolu juramento Italianu giuraménto Tedescu Eid, Schwur.

giúra 2 , nf Definitzione giuru etotu, ma candho est froriu Terminologia iscientìfica rbr.

giuradòre, giuradòri , agt, nm Definitzione chi o chie giurat su fartzu Sinònimos e contràrios addistimonzadu, agiuramentadu, giurafalsu, irgiuramentadu, libbrone, zuramentone Frases deo no seo giuradore.

giuràdu , pps, nm, agt: giurau Definitzione de giurare; persona chi est posta a fàere calecunu dovere cun giuramentu / amigus giuraus = cudhos chi s'istimant coment'e frades, amigos corales Sinònimos e contràrios giuraroi Tradutziones Frantzesu juré Ingresu juryman Ispagnolu jurado Italianu giurato Tedescu Geschworene.

giurafàlsu, giurafàltzu , nm: giurinfassu, zurifrassu Definitzione cudhu chi giurat su fartzu Sinònimos e contràrios agiuramentadu, irgiuramentadu, libbrone, zuramentone Frases a su giurinfassu si sicat sa manu e su bratzu Ètimu srd.

giurài , vrb: ciurare, giurare, zurare Definitzione fàere giuramentu, atrogare o negare css., assegurare su chi si narat in manera forte in pitzu de calecunu pinzos de arrispetu mannu, delicau po s'importu chi tenet o meritat (es. su santugristos) a tales chi s'àteru dhu potzat crèdere de prus; nàrrere una cosa coment'e disigiandhosi dannu si no est abberu, o fintzes po pigare una decisione cun determinu e seguresa / a./c. Giai sèmpere si narat Giuro chi…, de… Sinònimos e contràrios afirmai Maneras de nàrrere csn: pònnere a ccn. a g. = presentare a ccn. su pinzos pro chi bi zuret subra, pretènnere chi fetat su zuramentu; giurare in fartzu, su fartzu = zurare nendhe su chi no est Frases a giurare mi pones? sa crapa ndhe perdes! Ètimu ltn. iurare Tradutziones Frantzesu jurer Ingresu to swear Ispagnolu jurar Italianu giurare Tedescu schwören.

giuraméntu , nm: ciuramentu, zuramentu Definitzione fàere giura, su nàrrere e assegurare forte una beridade a tales chi s'àteru dha potzat crèdere de prus, o fintzes coment'e pretesa de chie bolet ischire: si narat fintzes po una decisione chi si leat cun determinu, o de una volontade / g. infaltzadu, afaltzadu, aterrau = zuramentu essidu fartzu, giuramentu mai arrespetau, bogadu in fartzu pro no l'àere rispetadu Sinònimos e contràrios giura 1, giuronzu Frases est giuramentu fatu: pro cant'amus a campare piús no s'ant a mirare ne ojos mios ne tuos! (P.Pisurzi)◊ unu giuramentu pigau no si podit ingannai!◊ sa prima cosa chi si faiant imparare in s'iscola fascista fut su giuramentu "della piccola italiana"◊ sa língua tua abbruxat prus de fogu: ses unu chi at fatu giuramentu frassu!◊ timendhe de li pèrdere su pallone, a sos cumpanzos lis faghiat fàghere unu giuramentu Ètimu srd.

giuràre giurài

giuraròi , nm Definitzione persona posta a fàere calecunu dovere cun giuramentu, bàsciu una giura Sinònimos e contràrios giuradu.

giuratóriu , nm Definitzione su fàere sa giura, nau de is cojuaos noos Sinònimos e contràrios isposognu Frases a su giuratóriu de cussu ci fiat mesu bidha Ètimu ctl. juratori.