A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

grammàtica , nf: grammàtiga Definitzione istúdiu chi narat totu comente si manígiat una limba, comente funt cuncordadas e trebballant is limbas in totu su chi dhas distinghet: s’ispartzit in fonologia (fonemas e grafemas, sonos e iscritura), sa morfologia (is foedhos segundhu sa funtzione, is formas), sa sintassi (manera de pònnere impare is pentzos rapresentaos cun is foedhos), su léssicu (is foedhos de una limba e totu su chi pertocat sa naschia, s'istória e is significaos insoro) Tradutziones Frantzesu grammaire Ingresu grammar Ispagnolu gramática Italianu grammàtica Tedescu Grammatik, Sprachlehre.

grammaticàle, grammaticàli , agt Definitzione chi pertocat sa grammàtica.

grammàticu , nm Definitzione chie istúdiat e iscriet sa grammàtiga de una limba.

grammàtiga grammàtica

gràmmene gràmene

gramminzòne graminzòne

grammófonu, grammófulu , nm Sinònimos e contràrios fonògrafu Frases is grammófulus unu tempus portànt sa trumba de òru impratau.

gràmmu gràmma

gramugliète gramagliète

gramulàre , vrb Sinònimos e contràrios aggrumiai, arramigai, gramunzare*, gromigai, ramunzare.

gràmulu , nm Sinònimos e contràrios gramuzadura, gramuzonzu, gramuzu, romigadura Ètimu srd.

gramunzàre , vrb: gramuzare Definitzione istare matzigandho sa cosa a meda comente faent unos cantu animales (es. boes, brebès) chi ndhe torrant a buca su chi ant ingúrtiu po dhu matzigare méngius prus addàsiu; nau de ccn., istare sèmpere a su papa papa, a su màtziga màtziga, papare, distrúere; in cobertantza, istare foedhandho mescamente deasi unu pagu a contu suo, chentza chi siat bene craru su chi si narat, istare a su pentza pentza in calecuna cosa Sinònimos e contràrios aggrumiai, arramigai, arronnigae, gramulare, ramunzare*, romigai / manicare / nàrrere Frases in sa mandra s'intendhet sa robba gramuzandhe a trachedhu de barras ◊ cada cabadhu si gramuzat sa brovendha sua ◊ cussu est animale mannu ma no gramunzat 2. su padente fit totu allutu: un'istérria ruja s'isparghiat gramuzàndhesi cada cosa.

gramuzadòre , agt Definitzione nau de animale, chi dhu tenet de naturale a orrumigare, chi orrumigat su chi papat Sinònimos e contràrios grumiadori Ètimu srd. Tradutziones Frantzesu ruminant Ingresu ruminant Ispagnolu rumiante Italianu ruminante Tedescu wiederkäuend

gramuzadúra , nf Definitzione su gramuzare, orrumigare Sinònimos e contràrios gramuzu, ramunza Ètimu srd.

gramuzàre gramunzàre

gramuzàu , pps, agt Definitzione de gramuzare; chi est matzigau o che matzigau.

gramuzónzu , nm Sinònimos e contràrios gramuzadura, gramuzu, romigadura Ètimu srd.

gramúzu , nm Definitzione su gramuzare, su istare orrumigandho, matzigandho; sa moidedha chi si faet matzigandho Sinònimos e contràrios gramuzadura, orrúmigu, romigadura, ramunza / mastighinzu, matziamentu 2. candho uchidiant su porcu, sa festa durabat totu sa die, e totu sa die sa crialla e sos mannos istabant a gramuzu 3. a tzia Predutza su gramuzu de su sóriche che l’ischidaiat pistichinzosa Ètimu srd. Tradutziones Frantzesu rumination Ingresu rumination Ispagnolu rumiadura, rumia Italianu ruminazióne Tedescu Wiederkäuen.

gràna , nf Definitzione àxina de margiani o ua canina, una genia de tupighedha chi produet gurdones de pibiones coment'e granos de orrosàriu (granighedhu), bonos po intínghere s’orrobba a colore orrúbiu; orrobba fine de lana, orrúbia Sinònimos e contràrios granadilla, laca 1 Frases zuchet sas laras de grana ◊ est in colore de grana Terminologia iscientìfica mt, Phytolacca americana Ètimu spn. grana.

gràna 1 , nf Sinònimos e contràrios bicudortu Terminologia iscientìfica pzn.