A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gràndhile , nm: gràndhine, gràndili, grànnile Definitzione abba astrada a farinedhos piticos, chi betant is nues segundhu comente si agatant (ma ndhe podet fàere fintzes matucu meda) Sinònimos e contràrios làndini, landiredhu, ràndhine, ranzola, ranzudu Terminologia iscientìfica tpm Ètimu ltn. grandine(m) Tradutziones Frantzesu grêle Ingresu hail Ispagnolu granizo Italianu gràndine Tedescu Hagel.

grandhinàda , nf Definitzione su grandhinare; iscutulada de gràndhine Sinònimos e contràrios granzolada, landiredhada, randhinada Ètimu srd.

grandhinàdu , pps, agt: grandhinau, granninatu Definitzione de grandhinare; nau de logu, chi est ammontau de gràndhine, totu gràndhine; nau mescamente de su pilu de is animales, chi est a marchighedhos de diferente colore, a ischecos Sinònimos e contràrios randhinadu / biscacadu, cacarru, incespiau, pintarinadu, pintolinadu 2. sa cara granninata de negros minoredhedhos lu fachiant assimitzare a sa ficumurisca ◊ mi est mancada sa pudha randhinada Terminologia iscientìfica clr Tradutziones Frantzesu grêlé Ingresu spotted, hailed Ispagnolu apedreado, granizado Italianu grandinato, picchiettato Tedescu gehagelt, getüpfelt.

grandhinàre, grandhinàri grandhilàre

grandhinàu grandhinàdu

gràndhine gràndhile

grandhiosidàde , nf Sinònimos e contràrios grandhesa.

grandhiósu , agt Sinònimos e contràrios grandhe.

gràndhula , nf: gràndua, gràndula Definitzione in sa carena, néula, una genia de arremu modhe o, segundhu, coment’e nodighedhu, chi produet e sèberat (sumit) calecuna sustàntzia de impreare po su funtzionamentu de s'organísimu etotu o de bogare a fora: funt medas, ma s’ispartzint in endócrinas (faent ormones chi betant a su sàmbene, comente funt is butones in su mascu – in parte –, o sa carrisàbida), e esócrinas (apertas, sèberant sustàntzias de bogare a fora, comente funt is titas in sa fémina, o su figau, is gràndhulas de sa salia, de su sudore) Sinònimos e contràrios arràndula, giàngula, làndora, nàndula / animedhas / gangule Frases candho uchident su mannale secant peta pro sa sartitza, gràndhulas, presciutos, pancetas e ispinos Terminologia iscientìfica crn Ètimu ltn. glandula Tradutziones Frantzesu glande Ingresu gland Ispagnolu glándula Italianu ghiàndola, linfonòdo Tedescu Drüse.

gràndi gràndhe

grandilàda , nf Definitzione nue, iscutulada de gràndhine Sinònimos e contràrios grandhinada, landiredhada, randhinada*.

grandilài grandhilàre

gràndili gràndhile

gràndu gràndhe

gràndua, gràndula gràndhula

grànduru gràndhe

granedhósu , agt Definitzione chi est totu a granighedhos, arrasposu Sinònimos e contràrios granosu, ranighedhosu, ranzosu Tradutziones Frantzesu granuleux Ingresu grany Ispagnolu granuloso Italianu granulóso Tedescu körnig, granulös.

granédhu , nm Definitzione min. de granu, granixedhu, granu pitichedhedhu; erba chi faet unu frutu a granos niedhos bonos po fàere tinta Sinònimos e contràrios granichedhu, ranighedhu.

grangallòi gangallòi

grànge , nf Definitzione cosa chi si giaet po fàere praxere, arrecumpensa o àteru Sinònimos e contràrios arregalu, dàdiva, donu, grangeria, ingraenzu, presente Ètimu srd.