A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gragàllu 1 gargàgiu

gragàllu 2 gragàlla 1

gragàllu 3 , nm: cragallu, gregallu, grogalli Definitzione genia de cullera fata cun sa punta de su corru de un’animale mannu Sinònimos e contràrios cogalzu*, collàrgiu Terminologia iscientìfica ans.

gragàllu 4 , nm Definitzione boghe de pudha Sinònimos e contràrios cacàriu Frases in su pudharju pudha semper muda de mesanote prima fachet gragallu (M.Gattu Soddu) Terminologia iscientìfica bga.

gragàrgiu gargàgiu

gragarístu gargarísta

gragastài , vrb Definitzione bogare is gragastas a su pische Sinònimos e contràrios sgangai Ètimu srd.

gragastàs , nf pl: cragastas Definitzione is gangas de su pische, arremu po suspire s'ossígenu de s'abba, che is prumones in àteros animales chi dhu leant de s’ària Sinònimos e contràrios cragarastas*, gàgia Terminologia iscientìfica crn.

gragàtu gargàtu

gragàxu gargàgiu

gràgu , nm Definitzione fragu malu, légiu Sinònimos e contràrios arrancu, pudescioi.

graguèna , nf Sinònimos e contràrios aghentolu, alguena, bilguzu, gorga, gorgobena*, ingollidosu, ingurtidórgiu, valgastolu Terminologia iscientìfica crn.

grài gràe

gràida , agt, nf: gràvia, gràvida, ràida Definitzione nau de fémina, chi portat su fedu in corpus; nau (a m. puru) de chiesisiat o css. cosa, chi est prenu, chi giughet cosa meda aintru / gràida manna = in sos úrtimos meses de ingraidànscia; abarrai gràvida de ccn. = ca dh'at impringiada ccn. Sinònimos e contràrios impedidu, prignu, próssimu Frases sa mama canno fit gràida at àpitu un'assuconu malu ◊ sa reinedha si est agatada gràvia e a is noi mesis at iscendiau ◊ portas unu bellu murighíngiu aintru: candu fia gràvida de tui fia aici dèu puru ◊ cussu pensat isceti a issu, no si allabat cun sa pobidha po no abarrai gràvida! Tradutziones Frantzesu femme enceinte Ingresu expectant mother Ispagnolu mujer embarazada, grávido, preñado Italianu gestante, incinta Tedescu schwanger.

gràida 1 , nf Definitzione genia de boghe arta de animales, de pigiones mannos Sinònimos e contràrios boche, gràliu, grida, irgràliu Frases sa pica fit a gràidas volandhe in mesu de suerjos (B.Bandinu).

graíglia grabíglia

graítu , agt Definitzione min. de grae, chi est unu pagu grae Sinònimos e contràrios graixedhu, graúntzulu.

graixédhu , agt Definitzione min. de grae: unu pagu grae, grae meda (segundhu s'intonu) Sinònimos e contràrios graitu 2. graixedha cussa cosa, lampu!…

grajòri , nm Definitzione su èssere grae de sa cosa, ma nau fintzes de ifadu mannu, dificurtade, patimentu / grajori de conca = su s'intèndhere sa conca pesante, istrachidúdine, dolore de conca, axiu Sinònimos e contràrios graesa, graura, pesantori | ctr. lebiesa Frases ant aciuntu perdas fadendu prus mannu su grajori de su chi depiant portai 2. est mannu su grajori de tantis buconis marigosus ◊ po is grajoris chi mi càrrigas no ti fatzu castiada de murva! ◊ serbit passiéntzia po agguantai su grajori de sa cruxi ◊ tèngiu unu grajori a conca… depit èssi su chi apu papau Ètimu srd. Tradutziones Frantzesu lourdeur, pesanteur Ingresu heaviness Ispagnolu pesadez Italianu pesantézza Tedescu Schwere, Schwierigkeit.

grajúmini , nm Sinònimos e contràrios grajori, pesantori | ctr. lebiesa Frases tirant unu sacu mannu e grai trísina trísina de su grajúmini Ètimu srd.