A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

impidórgiu , nm: impridóriu, impridorju, umpridorju Definitzione genia de cannedhu piticu cun su filu imbodhigau chi si ponet aintru de un'istugighedhu a duas puntas, imboidau a bisura de lacu o barchita, po passare sa trama in mesu de s'ordiu de un'ala a s'àtera, in su telàrgiu Sinònimos e contràrios ispola Ètimu srd. Tradutziones Frantzesu navette Ingresu spool Ispagnolu lanzadera Italianu spòla Tedescu Spulengarn.

impidórgiu 1 , nm: umpidroxu Definitzione imbudu mannu po carradas Sinònimos e contràrios imprebbarile, umpregubedhas.

impidòri , nm: impridori, umpridori Sinònimos e contràrios impidórgiu Ètimu srd.

impidósu , agt Definitzione nau de ccn., chi portat ímpidu Sinònimos e contràrios focosu, fuliosu Frases impidosu che bentu mi che torras insegus in su tempus! ◊ isse, impidosu, betesit su cane a s'archibbusu e dae tandho no bi so giuada mai piús (P.Pisurzi)◊ is manus tuas insanguentaras ant isciacuau in s'arriu impidosu de sa vira! Tradutziones Frantzesu impétueux Ingresu forceful Ispagnolu impetuoso Italianu impetuóso Tedescu heftig.

impidràdu impedràdu

impídu impédu

ímpidu ímpetu

impiegadína , nf Definitzione is impiegaos Ètimu srd. Tradutziones Frantzesu bureaucratie Ingresu bureaucracy Ispagnolu burocracia Italianu burocrazìa Tedescu Bürokratie.

impiegàre , vrb Sinònimos e contràrios impitare, impleai.

impiegàtu, impiegàu , pps, agt, nm Definitzione de impiegare; chi o chie tenet un'impreu, o est in postu mescamente in ufíciu.

impiégu , nm Definitzione postu de trebballu, trebballu, mescamente de ufíciu Sinònimos e contràrios afainu, berza, faina, impleu, impita 1, trabàgiu Frases su diretore si est campendhe dae s'impiegu: cussu est su tribàgliu sou.

impigadúra , nf: impigiadura, impixadura Definitzione su impigare Ètimu srd.

impigàre impicàre 1

impighídu , agt Definitzione chi est in colore de pighe Sinònimos e contràrios píchidu Frases su chelu est impighidu e minetosu Ètimu srd.

impighinzonàre , vrb Definitzione fàere niedhu che pighe, nau fintzes in su sensu de asciutare Sinònimos e contràrios impicare 1, inniedhigare Frases s'iscartzofa impighinzonat sa buca Ètimu srd.

impigiadúra impigadúra

impigiài, impigiàre impicàre 1

impigliài , vrb Definitzione ammodhigare in s'abba carragiare de abba Sinònimos e contràrios impogiare, infoxai.

impignàre impegnài

impignellàda , nf Definitzione passada de pinzellu Sinònimos e contràrios pinzellada Ètimu srd.