A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

impinnài, impinnàre , vrb Definitzione nau de un'animale (su cuadhu), pesare in artu is peis de ananti (ma si narat de àteru puru in su sensu de artzare); nau in cobertantza, pònnere contras a ccn., foedhare o essire in contràriu Sinònimos e contràrios cabussonare, cadramissare Frases custu est cadhu ch'impinnat ◊ impinneit sos ojos e bideit sa piluca sua in manos a su púpulu 2. cuss'iscomunigau est impinnendi totu sa gioventudi contr'a sa crésia e contr'a sa religioni! Ètimu itl. Tradutziones Frantzesu se cabrer Ingresu to prance Ispagnolu encabritarse, enarbolarse Italianu impennarsi Tedescu sich bäumen.

impinnàre 1 impegnài

impinnàre 2 , vrb Definitzione pònnere pígiu de cresura, cambos de sida in is muros de làcana in su sartu, po serrare méngius Sinònimos e contràrios impizare, inchesurare, spinai Frases devimus impinnare totu su muru de sa tanca Ètimu srd.

impinnassiòne , nf Definitzione cosa chi s'impromitit mescamente a unu santu Sinònimos e contràrios improminsa, votu Frases si nche bidiant sas féminas apilicandhe in cudhu puntassusu pro arribbare a crompire s'impinnassione fata a Nostra Sennora Tradutziones Frantzesu vœu, promesse Ingresu vow Ispagnolu voto Italianu vóto, proméssa Tedescu Gelübde.

impinnatúra , nf Definitzione su impinnare; crispiones, sida chi si ponet in pitzu de is muros de su sartu po mantènnere unu logu serrau méngius Sinònimos e contràrios cresura, impannadura, impinnonzu, impizadura, serru Ètimu srd.

impinnimènta , nf Definitzione su pilu o pinnias chi bestint is pigiones Sinònimos e contràrios pinna 1, pinninnia Terminologia iscientìfica crn Ètimu srd.

impinníri , vrb Definitzione pònnere pinnias, pumas, pilu Sinònimos e contràrios impilire Frases funt cument’e pillonis sen’e impinní ◊ is pillonedhus in su niu funt matuchedhus, totu giai impinnius Ètimu srd.

impinníu , pps, agt Definitzione de impinniri Sinònimos e contràrios impilidu 2. est genti manna e bèni impinnia ◊ priogu impinniu, parit ca totus dhi depint e nisciunus dhu pagat!◊ apenas impinniu, su pillonedhu podit bolai.

impínniu impígnu

impinnonàre , vrb Definitzione nau de ccn., pònnere a pinnone, su si parare prantau; in cobertantza, nau de ccn., su si fàere o ammostare altiu, manninu Sinònimos e contràrios apinnonare Ètimu srd.

impinnónzu , nm Definitzione su impinnare e fintzes sa sida chi si ponet coment'e cresura in pitzu de is muros in su sartu po serrare méngius Sinònimos e contràrios impinnatura, impizadura.

impínnu impígnu

impínnu 1 , nm Definitzione logu chi faghet a bàrigu / a i. de unu muru, de un'àrvure = apalas de unu muru, de una mata Ètimu srd.

impintàre , vrb rfl Definitzione fàere totu su chi si podet po arrennèscere in calecuna cosa, fàere ifortzu mannu ponendho totu is fortzas Frases pro chi s'impintent, mai nos temus rèndhere!

impíntu , agt Definitzione chi assimbígiat in totu a un'àteru Sinònimos e contràrios pintu* Frases est santu e impintu su babbu: cussu puru, candu pigat sa bétia!…

impintzàre , vrb Definitzione pònnere is pítzighes a s'orrobba istérria in su filu a manera de dh'assigurare si andhat bentu Ètimu srd.

impinzàre impegnài

impinzellài, impinzellàre , vrb Definitzione passare su pinzellu, tínghere a pinzellu Sinònimos e contràrios pinzellai.

impiocài , vrb Definitzione pigare a ingannu Sinònimos e contràrios abbovai, abbuvonare, coglionai, coluvronare, imbusterai, imbuvonare, improsae, ingannai, mariolare, mariotare, piocai, scafai, trampai Frases narat tantis bellus fuedhus po impiocai sa genti, ca estt unu grandu imbrollioni e improsat a totus ◊ agatant sempri sa manera de s'impiocai cun prumissas de malu pagadori Ètimu srd. Tradutziones Frantzesu duper Ingresu to fool Ispagnolu embaucar, embrollar Italianu imbrogliare Tedescu betrügen.

impiòdha , nf Definitzione su marcu chi lassat in sa pedhe o in su bestimentu un'abbruxadura de fradhissa o ischintídhia Sinònimos e contràrios pioca.