A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ifritzínzu , nm Definitzione cosidura a puntos mannos lascos po mantènnere is partes de cosire de unu bestimentu nou Sinònimos e contràrios frissadura, ifertzidura.

ifritzíre ifertzíre

ifrixàre , vrb: isfrisare, isvrixare Definitzione passare acanta meda, arrasigandho, agiummai tocandho Sinònimos e contràrios afrinare, afrinzare, atuciare, frasiari Frases li so passadu a fiancu ifrixèndhelu ◊ su cane ch'essit che allutu, si che betat a putu in d-unu buscu pariat chi l'aiat isvrixadu su raju ◊ su calore de sa tita mai isvrixada mi turmentat su coro ◊ si li acúrtziat su trau a deminos chi li fit isvrixendhe sos caltzones cun sos corros Tradutziones Frantzesu frôler Ingresu to graze Ispagnolu rozar Italianu sfiorare Tedescu streifen.

ifrocàre , vrb Definitzione tzucare, essire, andhare lestros Sinònimos e contràrios ifroculare, irbotare 2. sos minatores canno ghiraiant dae sa mina colaiant che ifrocatos ghiranne a domo issoro (M.Dui) Ètimu srd.

ifrócu , nm Definitzione su ifrocare, impéllida cumenciandho a si mòvere a cropu Sinònimos e contràrios tucada Ètimu srd.

ifroculàre , vrb Definitzione tzucare impresse, essire lestru, mòvere a sa lestra Sinònimos e contràrios ifrocare, irbotare Ètimu srd.

ifrognàre , vrb Definitzione bogare is fròngias, sa trama isconciandho un’intessidura, in s’orrobba téssia Sinònimos e contràrios isfilitare, istramai.

ifrontàre , vrb Definitzione iscapiare un’animale de s’afronta Sinònimos e contràrios iscapiae, isòlbere, isprèndhere | ctr. acapiae, afrontai, prèndhere Frases ifrontae su burricu e batiennedhu!◊ e ite seis faenno ifrontanno su burricu?

ifroscàda , nf Definitzione su ifroscare, su bogare pigionatzos o linna noa, nau de is matas Ètimu srd.

ifroscadúra , nf: irfroscadura Definitzione su irfroscare, su fàere isvilupu, su crèschere Sinònimos e contràrios abbodhetu Ètimu srd.

ifroscàre , vrb: irfroscare, isfroscare Definitzione bogare linna noa comente faent is matas creschendho: dhu narant fintzes de su crèschere de su cristianu; tènnere o fàere isfogu (nau de su cristianu ma fintzes de su tempus) Sinònimos e contràrios afroscare / irfocare, sciogai Frases azes a bíere ifroscandhe nobàdiles froghedhas ◊ custu est àlinu de sos frores ifroscandhe 2. sa famíllia est creschendhe e ifroscandhe e chin issa est irmanniandhe su bisonzu ◊ sos pitzinnos sunt in su mezus ifroscare 3. cussa casta de murtina corfit sos fràvicos dae sas radichinas e los fachet irfroscare 4. candho si est isfroscadu un'aizu de coro, intreit a sa domedha e si che drommeit ◊ como su tempus già at isfroscadu: est torradu in bonu Ètimu srd. Tradutziones Frantzesu développer Ingresu to develop Ispagnolu desarrollar Italianu sviluppare Tedescu entwickeln.

ifròta , nf Definitzione unu tanti de gente, de personas Sinònimos e contràrios camarada, fiotu Frases a la mirare benint dae atesu a ifrota manna, a zisa de profiscione!

ifrucíre ifertzíre

ifruèntza , nf: influénscia, influéntzia, infruénscia Definitzione genia de maladia chi benit dónnia annu comente ifridat su tempus e leat prus che àteru a su gúturu, a is prumones Frases po no fàghere assuconare sos parentes lis at nadu chi fit un'influénscia Terminologia iscientìfica mld Tradutziones Frantzesu grippe Ingresu flu Ispagnolu gripe Italianu inflüènza Tedescu Grippe.

ifruíre , vrb: influire, influiri, irfruire Definitzione fàere efetu de una cosa apitzu de un’àtera Frases no b'ifruit su mànigu: a tie est àtera cosa chi ti faghet male! ◊ chi la ponzas goi o gai, custa cosa, no b'ifruit nudha!◊ b'ifruit meda, si sa pasta la cuguzas ca coitat a pesare.

ifrunchinàta , nf Definitzione orrutòrgia, orruta mala a murros a terra Sinònimos e contràrios arruta, iscartinada, istrampada Ètimu srd.

ifrundhàda , nf: irfrundhiada Definitzione cropu de frundha, pedra iscuta a frundha Sinònimos e contràrios frundhata Ètimu srd. Tradutziones Frantzesu coup de pierres Ingresu sling stroke Ispagnolu hondada, hondazo Italianu fiondata Tedescu Schleuderschlag.

ifrundhíre, ifrunníre , vrb Sinònimos e contràrios foliai, frundhare, frundhire, iscavulai Frases sa balentia che l'azis ifrunnida tra rubos e tirias chin su corpus ispetoladu de fizu meu! 2. fit ifrunnidu in terra che cantu de istratzu Ètimu srd.

ifrusadúra , nf Definitzione su ifrusare Ètimu srd.

ifrusàre , vrb Sinònimos e contràrios bolidare.