A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscorjadòre , nm: iscroxadori Definitzione chie iscòrgiat, macellandho pegos Sinònimos e contràrios ispedhadore Frases frisciura e conca ndi dhas pigant is iscroxadoris po su trabballu insoru Ètimu srd. Tradutziones Frantzesu couteau à écorcher, écorcheur Ingresu flaying knife Ispagnolu desollador Italianu scortichino Tedescu Schindmesser.

iscorjadúra , nf: scorgiadura Definitzione su iscorjare; tretu iscorgiau, ispigiolau, rasigau Sinònimos e contràrios ispedhadura Ètimu srd. Tradutziones Frantzesu écorchement Ingresu flaying Ispagnolu desolladura, desollamiento Italianu scuoiaménto Tedescu Häuten.

iscorjapúliche , agt Sinònimos e contràrios limidu, susuncu Ètimu srd.

iscorjàre iscogliàre

iscorjàu , pps, agt Definitzione de iscorjare Sinònimos e contràrios ispedhau.

iscorjolàre iscorgiolàre

iscoromedhài , vrb Definitzione segare (o fintzes papare) su coromedhu de is matas, segare sa parte méngius, sa de mesu, sa parte prus modhe Sinònimos e contràrios ispuntai, scirrai Frases is crabas faint dannu a is matas, ca dhas iscoromedhant Ètimu srd.

iscoronài , vrb Definitzione nau de su frammentu, ufrare e tzacare a pígiu de fora (ca est tostau), iscrafangiai.

iscorotàre iscarotàre

iscorpargiàu , agt Definitzione chi o chie papat meda, si che papat totu, fintzes su chi no depet, sa parte de s'àteru, s'angenu Sinònimos e contràrios bentranu, iscorporadu, isogradu Frases est un'iscorpargiau: unu mossórgiu de merca no l'est bastau mancu a mesu ventre! Ètimu srd.

iscorpiòne, iscorpiòni , nm: iscurpione Definitzione arranzolu vúvulu, furchidhàdile búbula, genia de bobboi velenosu, francudu, in colore de castàngia, chi portat coment'e duos bratzos o dentes mannas a mossigare (ma punghet su velenu cun sa coa): istat cuau asuta o in mesu de pedras, asuta de trastos; in cobertantza si narat fintzes de una persona mala, malintragnada Sinònimos e contràrios arpau, bobboidanatza, cucurrabóina, iscarpone* 1, ischifione / ttrs. motzanasu Frases chie sa pedra mórigat s'iscurpione lu móssigat Terminologia iscientìfica crp, euscorpius carpathicus canestrinii, e. flavicaudis.

iscorpolàriu iscapolàriu

iscorporàdu , agt, nm: iscorporau, scorporau Definitzione chi o chie papat meda, si che papat totu, fintzes su chi no depet, s'angenu Sinònimos e contràrios bentranu, canisterju, iscorpargiau, isogradu Frases sos iscorporaos ant ispérdiu s'ànima e su corpus tuo! ◊ calledhu iscorporau: at lassau sa murga de petza chi portàt po ndhe aferrare una prus manna! Ètimu srd.

iscorporàgliu, iscorporàlliu , nm Definitzione cosa beneita de pònnere in pitzu, fintzes àbbidu de calecunu santu a bisura de para (si bestit a unu pipiu po promissa) Sinònimos e contràrios iscapolàriu.

iscorporài, iscorporàre , vrb rfl Definitzione tzatzare a meda, papare fintzes sa parte de s'àteru Sinònimos e contràrios ingolopire, intrudhiri Frases est liandudendhe totu s'arregorta a domu sua po s'iscorporai cussu! Ètimu srd. Tradutziones Frantzesu gaver Ingresu to gobble Ispagnolu atracar Italianu ingozzare Tedescu sich überfressen.

iscorporàu iscorporàdu

iscórporu , nm Definitzione su èssere iscorporaos, su bòllere tropu Sinònimos e contràrios asuria, allurpidura, inguglionia, ingurtionia Ètimu srd.

iscorradúra , nf Definitzione su iscorrare Sinònimos e contràrios iscorramentu Ètimu srd.

iscorrài , vrb: iscorrare, scorrai Definitzione segare is corros (fintzes unu solu); segare un'orrugu, una parte, de calecuna cosa; bènnere mancu a un'acórdiu, brigare Sinònimos e contràrios iscorrojare / menguai, scorriai Frases mi ant iscorradu unu boe, una craba 3. cussu est ómine chi at iscorradu! ◊ lassa chi s'iscorrent paribari! ◊ a s'incomintzu funt totus de acordu, e como a chie iscorrat a destra a chie a manca! (Z.Porcu) Ètimu srd. Tradutziones Frantzesu écorner Ingresu to dishorn Ispagnolu descornar Italianu scornare Tedescu die Hörner abbrechen.

iscorraméntu , nm Definitzione su iscorrare, su che segare is corros (o unu solu), nau fintzes in cobertantza po briga, gherra Sinònimos e contràrios iscorradura 2. amus bidu s'iscorramentu chi ant fatu cun custas votassiones Ètimu srd.