Ditzionàriu in línia
de sa limba e de sa cultura sarda

iscorjadòre , nm: iscroxadori Definizione chie iscòrgiat, macellandho pegos Sinonimi e contrari ispedhadore Frasi frisciura e conca ndi dhas pigant is iscroxadoris po su trabballu insoru Etimo srd. Traduzioni Francese couteau à écorcher, écorcheur Inglese flaying knife Spagnolo desollador Italiano scortichino Tedesco Schindmesser.

iscorjadúra , nf: scorgiadura Definizione su iscorjare; tretu iscorgiau, ispigiolau, rasigau Sinonimi e contrari ispedhadura Etimo srd. Traduzioni Francese écorchement Inglese flaying Spagnolo desolladura, desollamiento Italiano scuoiaménto Tedesco Häuten.

iscorjapúliche , agt Sinonimi e contrari limidu, susuncu Etimo srd.

iscorjàre iscogliàre

iscorjàu , pps, agt Definizione de iscorjare Sinonimi e contrari ispedhau.

iscorjolàre iscorgiolàre

iscoromedhài , vrb Definizione segare (o fintzes papare) su coromedhu de is matas, segare sa parte méngius, sa de mesu, sa parte prus modhe Sinonimi e contrari ispuntai, scirrai Frasi is crabas faint dannu a is matas, ca dhas iscoromedhant Etimo srd.

iscoronài , vrb Definizione nau de su frammentu, ufrare e tzacare a pígiu de fora (ca est tostau), iscrafangiai.

iscorotàre iscarotàre

iscorpargiàu , agt Definizione chi o chie papat meda, si che papat totu, fintzes su chi no depet, sa parte de s'àteru, s'angenu Sinonimi e contrari bentranu, iscorporadu, isogradu Frasi est un'iscorpargiau: unu mossórgiu de merca no l'est bastau mancu a mesu ventre! Etimo srd.

iscorpiòne, iscorpiòni , nm: iscurpione Definizione arranzolu vúvulu, furchidhàdile búbula, genia de bobboi velenosu, francudu, in colore de castàngia, chi portat coment'e duos bratzos o dentes mannas a mossigare (ma punghet su velenu cun sa coa): istat cuau asuta o in mesu de pedras, asuta de trastos; in cobertantza si narat fintzes de una persona mala, malintragnada Sinonimi e contrari arpau, bobboidanatza, cucurrabóina, iscarpone* 1, ischifione / ttrs. motzanasu Frasi chie sa pedra mórigat s'iscurpione lu móssigat Terminologia scientifica crp, euscorpius carpathicus canestrinii, e. flavicaudis.

iscorpolàriu iscapolàriu

iscorporàdu , agt, nm: iscorporau, scorporau Definizione chi o chie papat meda, si che papat totu, fintzes su chi no depet, s'angenu Sinonimi e contrari bentranu, canisterju, iscorpargiau, isogradu Frasi sos iscorporaos ant ispérdiu s'ànima e su corpus tuo! ◊ calledhu iscorporau: at lassau sa murga de petza chi portàt po ndhe aferrare una prus manna! Etimo srd.

iscorporàgliu, iscorporàlliu , nm Definizione cosa beneita de pònnere in pitzu, fintzes àbbidu de calecunu santu a bisura de para (si bestit a unu pipiu po promissa) Sinonimi e contrari iscapolàriu.

iscorporài, iscorporàre , vrb rfl Definizione tzatzare a meda, papare fintzes sa parte de s'àteru Sinonimi e contrari ingolopire, intrudhiri Frasi est liandudendhe totu s'arregorta a domu sua po s'iscorporai cussu! Etimo srd. Traduzioni Francese gaver Inglese to gobble Spagnolo atracar Italiano ingozzare Tedesco sich überfressen.

iscorporàu iscorporàdu

iscórporu , nm Definizione su èssere iscorporaos, su bòllere tropu Sinonimi e contrari asuria, allurpidura, inguglionia, ingurtionia Etimo srd.

iscorradúra , nf Definizione su iscorrare Sinonimi e contrari iscorramentu Etimo srd.

iscorrài , vrb: iscorrare, scorrai Definizione segare is corros (fintzes unu solu); segare un'orrugu, una parte, de calecuna cosa; bènnere mancu a un'acórdiu, brigare Sinonimi e contrari iscorrojare / menguai, scorriai Frasi mi ant iscorradu unu boe, una craba 3. cussu est ómine chi at iscorradu! ◊ lassa chi s'iscorrent paribari! ◊ a s'incomintzu funt totus de acordu, e como a chie iscorrat a destra a chie a manca! (Z.Porcu) Etimo srd. Traduzioni Francese écorner Inglese to dishorn Spagnolo descornar Italiano scornare Tedesco die Hörner abbrechen.

iscorraméntu , nm Definizione su iscorrare, su che segare is corros (o unu solu), nau fintzes in cobertantza po briga, gherra Sinonimi e contrari iscorradura 2. amus bidu s'iscorramentu chi ant fatu cun custas votassiones Etimo srd.