iscopiatívu , agt Definitzione chi est bonu po copiare, nau mescamente de una genia de lapis Sinònimos e contràrios copiativu.
iscopíe , vrb: iscopire,
iscupire,
iscupiri,
scopie Definitzione
nau de is matas, isparare, bogare cambos noos (nau de su frore, apèrrere) o, nau de una fortza, essire, tènnere isfogu; fuliare salia, ispudare, fàere essire (es. de una bartza, de un'istrégiu tirandhondhe su tupone)/ pps. iscopiu
Sinònimos e contràrios
brionire,
brotai,
sciogai
/
gruspiare,
gruspire,
ispudai
/
istupare
Maneras de nàrrere
csn:
iscupiresila cun ccn. = pigaisidha cun ccn.; no iscupit cun su cuadhu e iscupit cun sa sedha! = si la leat cun chie no ndhe tenet curpa; iscupire s'imbreaghera = scexiai, isturdire s'imbriaghera; iscupire a prànghere = atacai a pràngiri
Frases
s'ógiu de sas piantas fit pienu de abbundhàntzia, pronta a iscopire sa vida novella (A.Casula)◊ sa méndhula in sa bassura iscopit prima a fiore ◊ sa linna in beranu in donzi foza iscopit unu frutu ◊ su chelu fut prontu a iscupire in nie e in fridura
2.
si betant a su triballu po che iscupire su chi dhis rósigat a intro de cropus ◊ su benniolu, arrennegadu, si che dh'iscupit cun cudhu chi no ne tenet crupa ◊ cussu si che dh'iscupit cun megus ◊ no ischiat cun chie si che dh'iscupire!◊ at iscupiu s'arrennegu cun cià mullei
3.
bai, no ti chescis, bai e no iscupas a celu, chi in faci no ti torrit sa salia! ◊ a fizu meu nodidu proite mi l'as atzotadu, proite mi l'as iscupidu?!
4.
po abbae s'ortu iscopiaus su putzu
Ètimu
spn.
Tradutziones
Frantzesu
jaillir
Ingresu
to burst forth
Ispagnolu
brotar,
escupir
Italianu
erómpere
Tedescu
ausbrechen.
iscopíle iscobíle
iscopiòne , nm Definitzione chi costumat a iscoviare totu Sinònimos e contràrios contaredhu, iscobiante, iscoviadori, lendharzu, pirodha Ètimu srd.
iscopíre iscopíe
iscópiu , nm Definitzione
su iscopiare; tzàcurru chi faet cosa iscopiandho (es. mina)
Sinònimos e contràrios
ilbómbiu,
isciópidu,
tzacàrridu,
tzocu
Frases
lis aiat isparau un’ispétzie de foconada chi aiat fatu un’iscópiu mannu, ma fit una fusilada chentza prumu
Ètimu
itl.
Tradutziones
Frantzesu
éclatement
Ingresu
explosion
Ispagnolu
estallido,
explosión
Italianu
scòppio
Tedescu
Platzen.
iscópiu 1 , nm Definitzione su iscopiare, su fàere una cópia, cópias Sinònimos e contràrios iscopiadura Frases nentzolos e camisas antigas dhos bogant a s'acrara solu po iscópiu o mostras Ètimu srd.
iscopòne , nm Definitzione genia de giogu a cartas.
iscópu , nm Definitzione
puntu, cosa, arresurtau a ue si bolet lòmpere, ma fintzes solu motivu / fàghere una cosa cun i. = cun àteru iscopu, cun iscopu diferente de su chi si paret o chi si narat (itl. secóndo fine)
Sinònimos e contràrios
idea,
intessione
Frases
no cumprendu po cali iscopu fais finta ca no cumprendis! ◊ sa vida est disgrasciada si no bi at iscopu de la vívere (Grolle)◊ is fígios no ant cumpréndiu s'iscopu de sa passillada de su babbu a domo de su majàrgiu ◊ pro sas dies chi campat, unu si proponet de sighire un’iscopu, unu dissignu
Tradutziones
Frantzesu
but
Ingresu
aim
Ispagnolu
finalidad
Italianu
scòpo,
fine
Tedescu
Zweck.
iscópu 1 , nm Definitzione iscopa de àchina, sa carena, tenaghe, su chi bi abbarrat de is gurdones ispibionaos Sinònimos e contràrios coscovatzu, iscovàtzulu, iscovile, sporra.
iscopulàda iscobulàda
iscopulàre iscobulàre
iscopulàriu iscapolàriu
iscópulu iscóbulu
iscoràdu , pps, agt: iscoratu, iscorau, scorau Definitzione de iscorare; chi che dhi ant bogau su coro, chi dh'ant puntu a su coro o fintzes solu bochitu; nau de ccn., chi at pérdiu de ànimu Sinònimos e contràrios abbàtiu, acoradu, afligidu, aviléssiu, iscoridu 2. anchi tengat arrori, Fulana: mi at iscorau de ogu is pudhas!(M.A.Cappai)
iscoradúra , nf: scoradura Definitzione su iscorare; mescamente su si dha pigare o pònnere meda a coro, dispraxere mannu Sinònimos e contràrios iscoramentu Ètimu srd.
iscoragiméntu , nm Definitzione su iscoragire Sinònimos e contràrios isalcu, iscoramentu, isporamentu, isporu.
iscoragíre, iscoragíri , vrb: iscorazire, scoragiri Definitzione leare o pèrdere su coràgiu Sinònimos e contràrios desanimai, dirrenare, disalentai, isarcare | ctr. acoragire.
iscorài , vrb: iscorare Definitzione púnghere a su coro, bogare su coro, fàere isvenare in sàmbene; in cobertantza, disanimare meda, dispràxere forte Frases si li aparat un'umbra… unu pugnale lughet… e isse ruet iscoradu ◊ l'ant iscoratu a límpiu ◊ isse aferrat, iscudet e iscorat 2. mi est iscorandhe custu bentu abrosu ◊ no ti as a crei chi si siant iscoraus po custa morti, no?! Ètimu srd.
iscoraméntu , nm: scoramentu Definitzione su iscorare; su dispràxere a meda, su pigare a su coro Sinònimos e contràrios iscoradura / afrigimentu, avilimentu, pesari, triltura 2. intendhio pro sa Sardigna un'iscoramentu ◊ no podiat agguantare s'iscoramentu chi li est picau canno est partiu su babbu.