A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscorràre iscorrài

iscorràtu , nm: iscorratzu Definitzione tretu serrau ananti o a costau de sa domo; biculedhu de terrenu Sinònimos e contràrios acorratzu, corrale, corroncone Frases cantos passant in cuss'iscorratu, de totu cudhos chi l'ant connota, si l'ammentant ◊ peri sos iscorratos e peri sas domos est totu càntigos e tzarras Ètimu srd.

iscorratzài , vrb Definitzione bogare, fàere essire su bestiàmene de su corratzu Ètimu srd.

iscorratzàre , vrb Definitzione fàere isconchiadas, iscàvios cun is corros; nau in cobertantza, fàere machiores, acucadas Sinònimos e contràrios incorrai Frases múilas, iscorratzas minetosu: già est cosa de ti mi acurtziare!… 2. a issa li piaghet a iscorratzare e si che andhat cun s'unu e cun s'àteru Ètimu srd.

iscorratzàre 1 , vrb Definitzione andhare in giru a trevessu, de corratzu in corratzu Sinònimos e contràrios bagamundai, bandhulare, garronai Frases beni e sétzidi, fizu meu, e lassa chi iscorratzent issos, si cherent!

iscorratzinàre , vrb Definitzione nau de animales, atumbare cun is corros a giogu Sinònimos e contràrios iscorratzare Ètimu srd.

iscorràtzu iscorràtu

iscorravòe , nm Definitzione genia de martigusa chi narant fintzes binistra màsciu, scova de bíngia, de bòi, de preidi, de argiolas e faet coment'e unu frutighedhu a birilledha orrúbia; àtera calidade de mata, ispinosa, una genia de tiria Sinònimos e contràrios brigantina, cadhamaridos, líbida, libidana, scovioi, tzacabingiadas / prunughélvinu Terminologia iscientìfica mt, Osyris alba, Calicotome villosa Ètimu srd.

iscorretàre , vrb Definitzione innisire forte, sonare su nasu Sinònimos e contràrios inniscire, innorodhare, ischiscire, smucai Ètimu srd.

iscorretónzu , nm Sinònimos e contràrios nisidura, smucadura Ètimu srd.

iscórria , nf, nm: iscórriu 1, iscúrria, scórria Definitzione tirighedha fine de pedhe (fintzes filada a trícia) chi si acàpiat a sa punta de s'istrúmbulu po iscúdere is boes Sinònimos e contràrios foete, sovita Frases est a palas abbassatas, domatu che boe dae s'iscórria e dae sas ispuntogliatas Ètimu srd.

iscorriàda , nf: iscorriata, iscurriada, scorriada Definitzione cropu de corria, de foete o fintzes de àteru; segada, segadura in s'orrobba Sinònimos e contràrios aciotada, illatigada, iscorriolada / dannu, irbrúnchiu, iscórriu, male Maneras de nàrrere csn: onzunu picat s'i. sua = onzunu tenet sos males suos; i. de fogu = pampada Frases a su fizu li at dadu un'iscorriada de tzinta ◊ li at allutu sa cara chin d-un'iscorriada de chicone 2. no bastat su tzàpulu a s'iscorriada 3. si nche intenniant sos cànticos e sas iscorriatas de sonete dae unu capu a s'àteru de sa vidha ◊ comente finit de narre su frastimu, cudhu piciochedhu at giau un'iscorriada de fogu e ispariu: fiat su maschinganna! Ètimu srd. Tradutziones Frantzesu coup de fouet Ingresu stroke Ispagnolu azote (m), latigazo Italianu frustata Tedescu Peitschenhieb.

iscorriadúra , nf: scorriadura Definitzione su iscorriare, su segare cosa a bisura de corrias, a tiras / fuedhai, fai is cosas a i. = itl. sgarbatamente Sinònimos e contràrios iscorriolada, iscorrioladura, iscórriu / alvatadura Frases possedit duas sulas ispuntadas, unu trinchitu curtzu, sentza tàgliu, su cales segat a iscorriadura! (C.Caddeo) Ètimu srd. Tradutziones Frantzesu déchirure Ingresu tearing Ispagnolu desgarrón Italianu laceraménto Tedescu Zerreißen.

iscorriài , vrb: scorriai, iscorriare 1 Definitzione bogare o fàere unu trastu a corrias, fàere una segada a iscórriu, segare a orrugos faendho a tiradura Sinònimos e contràrios ischirriolai, istratziolare Frases at iscorriau is mantas 2. su fedighedhu furit giogandho a cofedhu in foras, a pantalones iscorriaos e a… macarrone in campu! Ètimu srd. Tradutziones Frantzesu déchirer Ingresu to tear, to lacerate Ispagnolu desgarrar, rasgar Italianu squarciare, lacerare Tedescu zerreißen.

iscorriài 1, iscorriàre , vrb Definitzione pigare a irfoetadas, a cropos de corria; mòvere, tzucare totinduna faendho su tzàcurru de sa foetada Sinònimos e contràrios afuetai, fertzire, irfoetare, prammetai Frases unu pilloni si nd'iscidat e nc'iscórriat a ispíscius inter is comas de una mata Ètimu srd.

iscorriàre 1 iscorriài

iscorriàta iscorriàda

iscorriàu , pps, agt Definitzione de iscorriare; chi est segau a iscórriu Sinònimos e contràrios iscorriolau, ispendhuladu, istratzolau Frases giai pedendi iscusa mi as iscorriau su petus chena mi fai dannu! (G.P.Salaris) 2. candu fiaus piciochedhus andaiaus a iscola iscrutzus, mortus de frius e iscorriaus Tradutziones Frantzesu déchiré Ingresu torn Ispagnolu desgarrado Italianu squarciato, làcero Tedescu zerrissen.

iscorriaxài , vrb Definitzione fàere iscórrios, segare Sinònimos e contràrios ischirriolai, iscorriai 2. cussu est totu iscorriaxau e de seguru no est persona arrica!

iscorriolàda , nf Definitzione su iscorriolare; segada in su trastu, in s'orrobba, in su bestimentu, fata prus che àteru de malesaura, coment'e dannu po pagu atentzione Sinònimos e contràrios irbinarjada, iscorriadura, iscorrioladura, iscórriu Ètimu srd. Tradutziones Frantzesu déchirement, fente, déchirure Ingresu laceration, split Ispagnolu desgarradura, desgarramiento Italianu laceraménto, squàrcio, spacco Tedescu Zerreißen, Spaltung.