A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscummíssa, iscummíssia iscommíssa

iscummítere, iscummítiri iscommítere

iscumonàre , vrb Definitzione segare su cumone, essire de unu cumone o de tzeracu Frases su pastore fut po iscumonare de a su preide, s'iat fatu unu tagighedhu e si boliat a solu Ètimu srd.

iscumpagnàdu , pps, agt: iscumpanzadu, scumpangiau Definitzione de iscumpagnare; chi est a solu, chentza cumpangia, chi est de àtera calidade Sinònimos e contràrios iscadàmbiu, iscaitzadu, iscambillu, singru 2. ca fit iscumpagnadu li at dadu cumpanzia Tradutziones Frantzesu dépareillé Ingresu not matching Ispagnolu desparejado Italianu scompagnato Tedescu einzeln.

iscumpagnàre , vrb: iscumpannare 1, iscumpanzare, scumpangiai Definitzione segare calecunu de una cabidhada de istrègios, su ndhe pèrdere; betare apare cosas diferentes, istesiare de pare duas cosas cumpàngias a loba Sinònimos e contràrios discumpangiai, iscumpanzinare, isgualare, isperzeniare, scambillai Frases ndh'amus segadu, de custas tatzas, e como las tenzo iscumpanzadas ◊ portu is cartas totu iscumpangiadas Ètimu srd. Tradutziones Frantzesu dépareiller Ingresu to split (a pair) Ispagnolu desparejar Italianu scompagnare Tedescu vereinzeln.

iscumpannàre , vrb Definitzione pigare e bogare bestimentu o àteru chi serbit po carragiare, po ammontu Sinònimos e contràrios iscucuzare, iscugudhai, isfianzare, scavannai | ctr. ammantai, carragliare, cumpannare Frases a chintales s'atelaiat sa cumassadura: s'iscumpannaiat sa farina, si assuabbaiat cun àter'abba a géniu de sa suetora e si ammisciaiat cun sos punzos (G.Addis)◊ no t'iscumpannes, pro sa frebba!

iscumpannàre 1, iscumpanzàre iscumpagnàre

iscumpanzàu iscumpagnàdu

iscumpanzinàre , vrb Definitzione segare calecunu de una cabidhada de pratos, tassas o cosas deasi Sinònimos e contràrios iscumpagnare*, isgualare, isperzeniare, scambillai.

iscumpàrfida , nf Definitzione su iscumpàrrere Sinònimos e contràrios iscumparta, iscumpàssida Frases cantu piantu mi at postu in su coro s'iscumpàrfida tua!… Ètimu srd.

iscumparíre , vrb Definitzione fàere bruta figura, fàere figura metzana postu apare cun àteru Sinònimos e contràrios iscumpàrrere Frases po no iscumparire, is pòberos a is festas faiant bona cara a coro iscutu (I.Patta).

iscumpàrrere, iscumpàrri, iscumpàrriri , vrb: scumpàrriri Definitzione su si pèrdere de no si pòdere bíere, essire de sa vista, andhare male; fàere bruta figura, fàere figura metzana postu apare cun àteru / pps. iscumpàssidu, iscumpartu Sinònimos e contràrios iscampullitare, sparèssiri / deslúxiri, iscroniai | ctr. cumpàrrere Frases chie benit a su mundhu lassat apena s’istiga de unu passazu e iscumparit in su tempus ◊ a su mamentu de leare caminu l’iscumparint sas fortzas ◊ su nòmini de Milliedhu cumpariat, iscumpariat che sa fraca chi curriat a punta de su murcioni ◊ Flumindosa ndi essiat de s'umbra de is duus montis, s'allonghiada in su paris de Is Iscas e iscumpariat atesu (B.Lobina) 2. de custas faturas no ndhe fatat, ca un'ómine che a isse, fatu a síndhigu, iscumparet pro cantu si agatat! Ètimu srd. Tradutziones Frantzesu disparaître Ingresu to disappear Ispagnolu desaparecer Italianu scomparire Tedescu verschwinden.

iscumpàrta , nf: scumparta Definitzione su iscumpàrrere Sinònimos e contràrios iscumpàrfida, iscumpàssida Frases tra dolos e piantu cantu prima as a fagher s'iscumparta (S.Lay Deidda).

iscumpartiméntu , nm Definitzione parte de unu logu totu ispartziu in tretos, aposentos o partes oguales o distintas pruschetotu po pònnere o assentare cosa o fàere cicire gente (es. in is trenos) Sinònimos e contràrios iscumpartu 1.

iscumpartíre , vrb: iscumpartziri, scumpartziri Definitzione fàere una cosa in partes Sinònimos e contràrios addesumare, cumpaltire, dividire, paltire, spartziri.

iscumpàrtu , pps Definitzione de iscumpàrrere Sinònimos e contràrios iscumpàssidu Frases su tziu, a conca arta, chin s'irbacalada sicura, est iscumpartu in mesu de sa néula.

iscumpàrtu 1 , nm Sinònimos e contràrios iscumpartimentu 1.

iscumpartzíri iscumpartíre

iscumpassàre , vrb Definitzione agiummai coment'e fàere a cumpassu: abbaidare bene a s'atenta Sinònimos e contràrios iscodrignare, palmizare Frases sos pilos canos chi mi apo agatadu mi los apo iscumpassados rie rie Tradutziones Frantzesu dévisager Ingresu to look up and down Ispagnolu examinar Italianu squadrare, osservare Tedescu mustern, beobachten.

iscumpassàre 1 , vrb Definitzione passare o andhare prus a innanti de ccn. àteru camminandho prus lestros Sinònimos e contràrios cobai, isigolare, probassai Frases lu sigo e innanti de che l'iscumpassare mi li afianco e li tzoco sas palas Tradutziones Frantzesu dépasser Ingresu to go beyond Ispagnolu sobrepasar Italianu oltrepassare Tedescu überschreiten.