iscunsertàre , vrb: iscuntzertai,
iscuntzertare,
iscusseltare,
iscussertare,
scuntretzai Definitzione
guastare, fàere andhare male cosa cusserta, pònnere o fàere iscussertu, guastu, iscónciu, nau mescamente de machinàrios, organísimos e fintzes de sa mente, de sa salude, de is sentidos
Sinònimos e contràrios
guastai,
irgangalistae,
irguastae,
isconciare,
iscuncetare,
isordulare
| ctr.
acussertare,
cuncodrai,
cunsertare
Frases
si bi at una pedra mala bos iscunsertat su muru (A.Isoni)◊ canno s'iscussertaiat su machinàriu de su rellotzu annaiat su frailàgliu a l'acontzare ◊ no fatas che cudhu chi leat su relozu a l'acontzare e l'iscussertat peus! ◊ sas manos si sunt fatas tremuleas, sos ossos si sunt totu iscussertados
Ètimu
srd.
Tradutziones
Frantzesu
abîmer,
gâcher,
détraquer
Ingresu
to spoil,
to go wrong
Ispagnolu
estropear
Italianu
guastare,
non funzionare
Tedescu
beschädigen,
versagen.
iscunsértu , agt, nm: iscuntzertu,
iscussertu,
iscussestu Definitzione
nau de unu, chi est maladióngiu; nau de un'aparíciu, de una màchina, chi no andhat, chi no funtzionat, chi at fatu iscónciu, guastu; nau de su tempus, chi est faendho malu, légiu; su guastu o neghe, dannu chi no lassat funtzionare a dovere calecuna cosa
Sinònimos e contràrios
dissàntara,
gastu 1,
iscónciu,
iscuncossu,
iscunsertadu,
maladióngiu,
scuncordau
| ctr.
cunseltu
Maneras de nàrrere
csn:
so iscussertu = seu scónciu, m'intendu mali; barra iscusselta = unu chi foedhat tropu e no a tonu
Frases
unu rellozu iscussertu no marcat su tempus
2.
si bi at calchi iscussertu lu reparas ◊ cussa màchina zughet iscussertu mannu e a l'acontzare mancu cumbenit ◊ s’iscussertu de sa limba sarda est comintzadu candho semus passados dae s’oralidade a sa cultura iscrita generalizada (S.Seu)◊ a ndhe faghent de iscussertu sos terremotos!…
Ètimu
srd.
Tradutziones
Frantzesu
en panne,
détraqué,
malade
Ingresu
spoiled,
going wrong,
sick
Ispagnolu
estropeado,
enfermo
Italianu
guasto,
non funzionante,
ammalato
Tedescu
kaputt,
krank.
iscuntentàre , vrb: scuntentai Definitzione
no giare su cuntentu, giare calecunu dispraxere
Sinònimos e contràrios
discuntentai,
dispiàchere,
scrognai
| ctr.
cuntentai
Tradutziones
Frantzesu
mécontenter
Ingresu
to dissatisfy
Ispagnolu
descontentar
Italianu
scontentare
Tedescu
unzufrieden machen.
iscuntentèsa , nf Definitzione su no èssere cuntentos Sinònimos e contràrios dispiachere | ctr. cuntentesa.
iscunténtu , agt, nm: scuntentu Definitzione chi no est cuntentu; cosa chi dispraxet, dispraxere, mancamentu o farta de cuntentesa Sinònimos e contràrios discuntentu, dispiàchiu / dispiachere | ctr. prexau / prégiu Frases bos naro chi diezis èssere prus iscuntentos de istare chin d-unu Deus santu e zustu!◊ no seu istétiu mai iscuntentu de sa sorti mia.
iscuntrobbàre , vrb Definitzione castiare, bíere comente est una chistione o comente andhat una cosa Sinònimos e contràrios abberguare, aparinare, controbbare, cumproare, iscumbatare, istabbilire Frases ant iscuntrobbatu chi sa béstia a sonu de música dat prus late ◊ fit iscuntrobbanne su late ca pariat de àteru colore ◊ nos est pàssita brulla chi nos ant natu e semus cúrritos pro iscuntrobbare ◊ amus iscuntrobbadu sa beridade.
iscuntzerriósu , agt, nm Definitzione chi o chie dhi praghet a pretare, brigare, pònnere o fàere naschire iscórrios Sinònimos e contràrios aferradore, circabretus, piliseri, supuzeri Terminologia iscientìfica ntl.
iscuntzérriu , nm Sinònimos e contràrios afarratóriu, bria, certu, gherra.
iscuntzertài, iscuntzertàre iscunsertàre
iscuntzértu iscunsértu
iscunzàre iscungiàre
iscunzolàre iscongiuài
iscupài iscubàre
iscupài 1, iscupàre ilgupàre
iscupertàre , vrb Definitzione iscarragiare o tròchere sa teulada (coperta) de una domo, sa cobertina de unu libbru Sinònimos e contràrios iscopercare | ctr. acarragiai, cavacai, cucuciare, cutzicare Ètimu srd.
iscupèta iscopèta
iscupetàda iscopetàda
iscupetài, iscupetàre , vrb Definitzione isparare a iscupeta.
iscupète isciapète
iscupíle iscobíle