A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscúltzu isciúrtzu

isculummerdàre isculimmerdàre

isculuvonàre, isculuvronàre , vrb Definitzione cricare, ammanniare un'istampu forrogandho; forrogare sa tana de su spioni (muscone niedhu) po che dhu fàere essire.

isculuzonàre , vrb: iscuruzonare Definitzione cricare, istare cricandho is cugigones, in is cugigones Sinònimos e contràrios fodichinare, iscrucuzonare Ètimu srd. Tradutziones Frantzesu fouiller dans les débarras Ingresu to search high and low Ispagnolu rebuscar en los rincones Italianu frugare nei cantùcci, nei ripostìgli Tedescu kramen.

iscumàda , nf Definitzione iscutulada de fuste, cropu de nae Ètimu srd.

iscumaràdu , agt: iscumeradu, iscummerau Definitzione chi portat is cúmburos bogaos Sinònimos e contràrios illatonadu, illumbadu Frases mi apo fatu contos de fide, timendhe cadhos birdes iscumerados! Ètimu srd.

iscumbaràre , vrb: iscumberare, iscumbuai, iscumerare Definitzione pesare a cumburadas, a craches, inartare is cúmburos crachidandho; segare, guastare is cúmburos Sinònimos e contràrios acumerare, calchedhare, calchidare, cumerare / illumbai Frases su cadhitu si lasseit carrigare ma apustis si deit a iscumbarare ◊ comente l'ant dassadu andhare at iscumeradu e foighinadu che cadhu ◊ su muenti mi at iscumbuau Ètimu srd. Tradutziones Frantzesu éreinter Ingresu to buck Ispagnolu derrengar, deslomar Italianu sgroppare Tedescu buckeln.

iscumbàta , nf, nm: iscumbatu, scumbatu Definitzione su chi si faet po bíere o ischire giustu comente una cosa est, o si unu est naendho o at nau sa beridade / èssere de i. = coment'e campioni, de arregodai a paragoni Sinònimos e contràrios aprobbu, cumproa, proadorzu, proadura Frases pustis de sa diciosa iscumbata, fint cunvintos chi su remédiu fit bonu de abberu ◊ unu note fidadu l'apo solu, tantu pro fàghere s'últimu iscumbatu (G.Pinna) Ètimu srd. Tradutziones Frantzesu nouvelle preuve, contrôle, sondage Ingresu proof (fresh), experimental test, survey, check Ispagnolu prueba, evidencia, confirmación Italianu ripròva, pròva sperimentale, riscóntro, sondàggio Tedescu Probe, Untersuchung, Bestätigung, Erforschung.

iscumbatàda , nf Sinònimos e contràrios cumproa, iscumbata Ètimu srd.

iscumbatàdu , pps, agt Definitzione de iscumbatare; chi est cumprovau, mediu Frases cuss'isterzu cheret iscumbatadu a bídere cantu leat ◊ apo iscumbatadu chi donzi borta chi mànigo de cussu mi faghet male 2. est cosa iscumbatada chi est gai! ◊ cussu est fatu connotu iscumbatadu Tradutziones Frantzesu vérifié, contrôlé Ingresu verified Ispagnolu comprobado, verificado Italianu verificato, constatato Tedescu geprüft, festgestellt.

iscumbatadúra , nf Sinònimos e contràrios iscumbata Ètimu srd.

iscumbatàre , vrb Definitzione provare a bíere comente est una cosa o una chistione, unu cumportamentu, unu fatu, un'efetu, pònnere apare duas cosas (o personas), o una cosa cun calecuna misura, po pòdere ischire cun precisione sa mannària, sa calidade o àteru Sinònimos e contràrios aparinare, cumproare, ispalimentare, istabbilire Frases so betzu e apo iscumbatadu comente est sa cosa ◊ piús de unu l'at iscumbatadu ite pessone est isse! ◊ at iscumbatadu cantu leat su labiolu ◊ totu s'istúdiu andhat iscumbatadu cun sa vida de sa zente nostra (N.Fois)◊ segundhu su chi li apo iscumbatadu, fémina che a issa no che ndhe at àtera ◊ cussu late, si lu faghes a casu, addaghi l'iscumbatas rendhet pagu ◊ custu sabone est su menzus chi apo iscumbatadu ◊ babbu est iscumbatendhe s'arzola ◊ cust'òpera si podet iscumbatare cun su menzus monumentu de tzitade Tradutziones Frantzesu vérifier, comparer Ingresu to verify, to compare Ispagnolu comprobar, verificar Italianu verificare, confrontare, constatare Tedescu prüfen, vergleichen, feststellen.

iscumbatàre 1 , vrb Definitzione murigare a forte Sinònimos e contràrios iscumbàtere*, abbatare.

iscumbàtere, iscumbàtiri , vrb: scumbàtiri Definitzione murigare a forte / pps. iscumbàssitu Sinònimos e contràrios abbatare, giogulare Frases apu iscumbàtiu un'istidhu de ozuermanu e postu in sa parte brusada ◊ custa mexina prima de dha pigai boit iscumbàtira Ètimu itl. scombattere.

iscumbàtu iscumbàta

iscumbeniàtu , agt Definitzione nau de logu o cosa, chi po comente est ponet dificurtades, si passat o si manígiat cun dificurtade e pérdia de tempus Sinònimos e contràrios | ctr. cumbeniosu Frases cussa est un'istrata iscumbeniata ca in su rivu no v'at ponte Tradutziones Italianu disagévole

iscumberàre iscumbaràre

iscumbesciàre, iscumbessàre , vrb: scumbessai Definitzione fàere o essire coment'e cumbessu, illumbau, cun sa camba móvia; bogare de pare Sinònimos e contràrios illumbare / isconsiminzare 2. sa màchina fit betza, giughiat prus ruinzu chi no lamiera, tota iscordigliolada e iscumbessada Ètimu srd. Tradutziones Frantzesu disloquer les hanches Ingresu to cripple Ispagnolu derrengar, deslomar Italianu sciancare Tedescu hüftlahm machen.

iscumbéssu , nm, agt: scumbessu Definitzione cosa totu andhada male, bogada de pare; chi est totu malandhau, pagu aderetzau Sinònimos e contràrios isambesciadu, iscadàpiu, iscambéssidu, isorduladu Frases custa cosa bos daet s'idea de un'iscumbessu 2. leat a dereta, istontonendhe e abbrunchendhe in s'impedradu iscumbessu ◊ cussos buturinos sunt totu pedras iscumbessas ◊ si deviant cuntentare de rispostas iscumbessas Ètimu srd. Tradutziones Frantzesu disjoint Ingresu disconnected Ispagnolu desvencijado Italianu sconnèsso Tedescu lose.

iscumbilliàre , vrb Definitzione betare apare, pònnere a tréulu, cunfúndhere totu Sinònimos e contràrios atrepillai, batagugliare, sciambullai.