A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isprochiadúra , nf Definitzione su isprochiare, su iscontroriare, nàrrere cosa unu pagu a briga mescamente a pipios, a piciochedhos Sinònimos e contràrios ispórchidu Ètimu srd.

isprochiàre ispochiàre

ispróchiu ispórchidu

isprodàre , vrb Definitzione illimpiare, allichidire, torrare apostu sa mesa, su logu, arretirare sa cosa Sinònimos e contràrios ispariciai | ctr. apariciai Frases li apo nadu de isprodare sa tàula: annotamala mi at lassadu totu s'isterzu in bàmbinu (G.Ruju)◊ passadu su buldellu, at isprodadu su logu Tradutziones Frantzesu desservir Ingresu to clear Ispagnolu quitarlevantar la mesa Italianu sparecchiare Tedescu abräumen.

isprodhènti , agt, nm: sprodhenti Definitzione nau de ccn., chi si dha podet (fintzes po giare cosa), chi si paret forte, o chi deasi giaet a bíere, animosu; fintzes chi tenet una manera de fàere e de foedhare alligra, chi no si faet dificurtades / est pagu i. = est unu pagu bregungiosu Sinònimos e contràrios ispàsticu | ctr. suxetzionosu, timiditu Tradutziones Italianu disinvòlto

ispródu , nm Definitzione su isprodare, allichidimentu Ètimu srd.

isprofizàda , nf Definitzione su isprofizare, girare a su contràriu una cosa atrotigada Sinònimos e contràrios isprofizadura | ctr. trotoxada Ètimu srd.

isprofizadúra , nf Definitzione su isprofizare Sinònimos e contràrios | ctr. trotoxadura Ètimu srd.

isprofizàre , vrb Definitzione girare a su contràriu una cosa atrotigada (filu, fune), a manera de fàere apèrrere e istesiare is càbudos Sinònimos e contràrios isbambiare, isfoscigare, istotorgiai | ctr. atrotixai, profizare Ètimu srd.

isprofúndhu isprefúndhu

isproinàda irbruinàda

isprolochiàre , vrb Definitzione nàrrere isprolóchios, disatinos Ètimu itl. sproloquiare.

isprolóchiu , nm Definitzione machine, isciolóriu mannu, cosa chentza fundhóriu, cosa chi si narat chentza contu e ne cabu perunu Sinònimos e contràrios desatinu, fanfarronada, isambrúliu, tzàntzara Ètimu itl. Tradutziones Frantzesu palabre, verbiage Ingresu rigmarole (long) Ispagnolu desatino, parrafada Italianu sprolòquio Tedescu Wortschwall.

ispronàda , nf: spronada Definitzione cracada, cropu o frigada de isprone; fintzes arrasigada o singiale chi s'isprone lassat in sa pedhe Sinònimos e contràrios ispronizada 2. mi che so acoltziadu e l'apo in costas averiguada: giughiat ancora s'ispronada frisca Ètimu srd. Tradutziones Frantzesu coup d'éperon Ingresu spurring Ispagnolu espolada, espolazo Italianu spronata Tedescu Spornstich.

ispronàdu , pps, agt: ispronau Definitzione de ispronare; chi portat una genia de isprones, nau de animale 2. su càntigu de su pudhu ispronadu fit pretzisu coment'e s'orolozu de chéjia.

ispronài, ispronàre , vrb: spronai Definitzione púnghere o cracare a isprones Sinònimos e contràrios aspronare, ispronizare Frases andhaiat ispronendhe su cadhu a su portante Ètimu itl. Tradutziones Frantzesu éperonner Ingresu to spur Ispagnolu espolear Italianu spronare Tedescu anspornen.

ispronàrzu , nm Definitzione mastu chi faet is isprones Terminologia iscientìfica prf.

ispronàu ispronàdu

ispròndhere, ispròndiri ispiòndiri

ispròne , nm: asprone, isproni, sproni Definitzione genia de orrosinita (rodedhu) totu a puntas (a bisura de istella), posta in d-unu ferru arcau chi s'intrat in su carrone de chie cicit a cuadhu po púnghere s’animale a fiancos po dhu fàere camminare; genia de punta de calecuna cosa chi essit prus in fora, contonadas de orruga; contrammuru / èssere a isprones postos = detzisu própiu (a fàghere ccn. cosa) Frases setzit a cadhu, punghet de isprone e ch'essit deretu ◊ Sardos, a costas bos pungo s'isprone ca sezis viles si bos olvidades de su nostru terríbbile dolore (A.Casula) 2. che seo andhadu a isprones postos e ndhe seo torradu a origas caladas! Sambenados e Provèrbios prb: àinu chi cheret isprone no balanzat palu Ètimu itl. Tradutziones Frantzesu éperon Ingresu spur Ispagnolu espuela Italianu spróne Tedescu Sporn.