loría , nf Sinònimos e contràrios arrogu, tira, tiza Frases rocas de granitu bogadas a lorias ◊ s'àinu, pro s'isermore chi depiat fàghere, giughiat sa coa totu intritzada cun lorias de belludu ◊ e ite si cussu leone nos bogat a lorias!… Sambenados e Provèrbios smb: Loria Ètimu srd.
lória , nf: glória* Definitzione gosu mannu / campanas de l. = sas chi sonant intro de chéjia a su printzípiu de sa Missa solenne, a su Glória e a su Sanctus (P.Casu) Sinònimos e contràrios allegria, gosa Frases santu Pretu setziat in petra de lória.
loriài , vrb Definitzione bogare a lorias, fàere a orrugos, segare a iscorriadura Sinònimos e contràrios arrogai, ispetatzare, schirriolai, spadatzai 1 Frases un'istocada dh'iat cassau a parti de palas a s'artària de s'arrigu e dh'iat totu loriau (I.Murgia)◊ is canis atacant a mussiai su cerbu e dh'ant totu loriau! 2. fiat camminendu in mesu de s'ispina totu loriau e insanguentau ◊ marxani fut totu loriau de móssius de cani e corpus de fusti Ètimu srd.
lórica , nf: lóriga Definitzione
css. cosa tundha a bisura de anedhu, cun istampu in mesu, fintzes donniunu de is ossos de s'ischina (nodos); genia de prendha de apicare in origas; is nàcaras de is pudhas; furriotu de foedhos, iscusas, arreghèscias / genias de prendha a lóriga de apicare: a càliche, a lantione, a pendhulitzones, a prudone, a rodedhas, de coradhu, de oro
Sinònimos e contràrios
anedha,
anedhu
/
arracada,
loritzina
Maneras de nàrrere
csn:
lorighedha, lorighita = zenia de pumata longhita; sa lórica de su trucu = sa mola de su tzugu; lórica de isposa, de sa fide = anedhu de isposare; sa lóriga de sa zanna = zenia de anedhu russu pro tochedhare; lórigas, lorighitas = pilos allorighitados; lorighitas de bide = filongiana, itl. vitìccio; lorighitas de brou = istídhius de ollu in su brodu; annare a lórigas = a biraorba, faghindhe inghírios; agatare a ccn. presu a sa lóriga = a corpu seguru, che animale presu (si narat sempre in sensu negativu)
Frases
in su muru de sa loza bi sunt sas lórigas pro prèndhere sos animales ◊ si at truncau sa lórica de su trucu sa die chi est rutu
4.
cussu cadhajoni de síndigu iat cumenciau a lórigas, a lórigas, una borta una cosa, una borta un'atra…◊ malgiane est annanno a lórigas ◊ sa zente no l'agatas presa a sa lóriga, no: donzunu est pessendhe a sas fainas suas e cheret chircadu cun tempus!
Sambenados e Provèrbios
smb:
Loriga
Ètimu
srd.
Tradutziones
Frantzesu
anneau,
bague,
vertèbre
Ingresu
ring,
vertebra
Ispagnolu
anillo,
sortija,
vértebra
Italianu
anèllo,
vèrtebra
Tedescu
Ring,
Wirbel.
loricàre , vrb: alloricare* Definitzione fàere o essire a una lóriga, a pinnigas; fintzes acapiare a lobos / chin sos pilos loricaos = (nau de ccn.) pili anedhadu, anedhada Sinònimos e contràrios ammurutulare, aprigare, fortzicare 2. a sas vacas lis loricaiat sos loros a intunnu a sos corredhos.
lorichíta , nf, nm: lorighita, lorighitu Definitzione min. de lórica: sa lóriga de sa soga; a logos est una genia de macarrone fatu cun duas corrias de pasta atrotigadas apare e serradas a bisura de lóriga Sinònimos e contràrios cherchedha 2. candho is pipios cumènciant a acutzare is ghinghias dhis giaent lorighitos de pane.
lorichitàre , vrb: allorichitare, lorighitare Definitzione fàere a lóriga, a lorighita; fintzes imbusticare, imbodhigare, cuncordare de una manera no tanti crara Frases si mi sunt lorichitaos sos pilos 2. furint sos mannos chi cumbinavant sas cójuvas e che lorighitavant sos fizos dae minores! Ètimu srd.
loricónzu , nm Definitzione
su loricare / l. de ischina = ingobbedhadura; l. de paràgulas = trotoxus, fuedhadas pagu craras
Sinònimos e contràrios
acancarronu,
alloricadura
Ètimu
srd.
Tradutziones
Frantzesu
courbement
Ingresu
bending
Ispagnolu
joroba,
retorcimiento
Italianu
incurvaménto
Tedescu
Krümmung.
lóriga lórica
lorigàdu , agt: alloricau Definitzione chi est fatu a lóriga Frases cuss'animale zughet sos corros lorigados.
lorigàrgiu , agt Definitzione nau de ccn., chi acostumat a istare cricandho inghírios, chi faet lórigas, bogat arreghèscias, iscusas Sinònimos e contràrios imbodhicheri, imbodhiosu, trampaneri Frases lorigàrgiu ciai est lorigàrgiu, ma isperaus chi custa borta mi paghit! Terminologia iscientìfica ntl Ètimu srd.
lorighèdha , nf Definitzione min. de lóriga; genia de tamatedha longa Sinònimos e contràrios brucuitu.
lorighíta lorichíta
lorighitàre lorichitàre
lorighítu lorichíta
lorilóri , avb Definitzione totus impare / èssere aferrados l. = aferrados gherrèndhesi.
lórimu , nm: lórumu Definitzione filu, lana filada imbodhigada a lómboru tundhu mannu / min. lorumedhu Sinònimos e contràrios arrumbuloni, giomo, grómeru*, lómberu Frases Arianna su lórumu de su filu li daiat pro torrare inue fit passadu ◊ onnamanna intraiat s'atzola in su chíndhalu e inzomaiat sos lórumos ◊ ti at frundhidu che lórumu de trama sa chi ti aiat dévidu pesare che anzonedhu 2. custa bidha est totu unu lórimu de carrelas!
lórina , nf Definitzione bículu de soga, de loru Frases bidet una lórina, pendhulendhe, chi falat dae su fumajolu e li paret sa fune de su campanile Ètimu srd.
lorinàtzu , agt Sinònimos e contràrios cadhóciu, cadrangiosu, lorinosu, mughedhosu, sodrigosu | ctr. límpiu, netu Ètimu srd.
lorinchínu , nf Definitzione prendha chi is féminas si apicant a is origas po bellesa Sinònimos e contràrios loritzina Frases si est pipia, is nonnos dhi arregalant is lorinchinos Ètimu srd.