A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

losína , nf Sinònimos e contràrios losa Frases sos emigrantes sunt che cundennados a s'esíliu in putos e losinas interrados.

losínga , nf, nm: allusingu, losingu, lusinga, lusingu Definitzione su chi si narat o chi si faet a unu, mescamente a su minore, ammostandhodhi amore, delicadesa, pigandhodhu in bonas chentza dh'iscontroriare ma fintzes cricandho de dhu cumbínchere Sinònimos e contràrios abbréngulu, carigna, fiaca, frandhigu, imbímbinu, marieta / arranguitzu / cdh. lisinga Frases tocat a dhos leare a lusingu, faedhànnelos a sa bona ◊ calma e passéntzia cun fiza bostra, ca pro custas cosas bi cheret lusingu! ◊ iscaminadora e dannarza, cussa est sa lusinga in pessone! ◊ a su cadhu fuit nànneli peràulas de lusingu ◊ su piciochedhu seu pighendidhu a losingus ca bollu chi torrit a iscola ◊ a bortas bi cherent sos corpos e no sas losingas! ◊ a Bovore l'at tentadu chin sas losingas, chin sas allegas e chin sas làgrimas candho at pigadu sa detzisione de partire a su disterru Ètimu itl. lusinga Tradutziones Frantzesu cajolerie Ingresu simpering Ispagnolu zalamería Italianu moina Tedescu Liebkosung, Hätschelei.

losingadòri , agt, nm Definitzione chi o chie acostumat a pigare a losingas, a frandhigos, po trampare s'àteru Sinònimos e contràrios alabantzeri, allisadori, lusingheri, ninnadore Ètimu srd.

losingài, losingàre , vrb: allosingai, lusingai, lusingare Definitzione pigare a losingas, a imbrímbinus, a milindros, po indrúchere s'àteru, po si dhu fàere a sa manu Sinònimos e contràrios solingai / allisai, frandhigare, imbrimbinai, improsae, insabonai, lígnere Frases aispeta chi isto linghindhe, losinghendhe: si no si moet l'iscudo puru! ◊ ammancant isceti is fuedhus po dhi losingai su coru e apaxiai s'ànimu sempri in tribbulia po cussu distacu (M.C.Firinu) Ètimu itl. Tradutziones Frantzesu flatter Ingresu to cajole Ispagnolu lisonjear, halagar Italianu lusingare Tedescu schmeicheln.

losinghéri , agt, nm Sinònimos e contràrios alabantzeri, allisadori, lusingadori, ninnadore Ètimu srd.

losingiósu , agt: lughinzosu, luxingiosu Definitzione chi est totu brutu, fintzes lúghidu de sa brutesa Sinònimos e contràrios allosingiau, brutu, cariedhadu, lórinu, pinghinosu, tetulàciu, untinosu | ctr. límpiu, netu Ètimu srd. Tradutziones Frantzesu sale, crasseux, graisseux Ingresu filthy Ispagnolu sucio, mugriento Italianu sùdicio, bisunto Tedescu schmutzig.

losíngiu loghíngiu

losíngu losínga

losítzu , nm Definitzione genia de erba areste chi bogat unu súciu biancu inue si segat: est bona a papare Sinònimos e contràrios lataredha, latosa, limpora, mammaluca Terminologia iscientìfica rba, Reichardia picroides Ètimu srd. Tradutziones Frantzesu scorsonère, salsifis noir Ingresu scorzonera Ispagnolu lechuguilla dulce Italianu latticrèpolo, scorzonéra Tedescu Schwarzwurzel.

lóssia lóscia

lossingiài lassingiàre

lostíncanu, lostíncu lentíschinu

lòstiri , nm Definitzione iscoba màsciu, màscina, o túvara vera, iscoba fémina o vera e fintzes scova burda: tres calidades de sa matessi linna Sinònimos e contràrios cantentarzu, castagnarza, ghidhostra, idhostra, salina 1, scovitzi, túfera Terminologia iscientìfica mt.

lóstiu , nm: bolostru, colóstiu, cóstiu, golosti*, olosti Definitzione genia de linna chi faet a mata fintzes manna, corgiolu birde, fògia ispinosa in is oros (in is partes prus bàscias e candho est a prantonedhu) e frutighedhu tundhu, orrúbiu: faet in montes unu pagu artos Sinònimos e contràrios alase, arangiubburdu, lauspinosu Terminologia iscientìfica mtr, Ilex aquifolium.

lostríncu lentíschinu

lòta , nf: luta Sinònimos e contràrios cumbata, gherra, matana Ètimu itl. lotta.

lotài, lotàre , vrb: lutai, lutare Sinònimos e contràrios gherrai, matanare, peleai Ètimu itl. lottare.

lòte , nm: loto, lotu 1 Definitzione orrugu cantepare de terrenu chi si assignat po laorare in terras cumonales; orrugu piticu de terra a prantas de domo, assignau o leau a cómporu; foedhandho de trebballos mannos, parte de totu s'òpera chi si assignat cun apaltu distintu Sinònimos e contràrios lóturu 1, zura / pasia Frases unu loto in montes lu prenamus a orzu ◊ babbu li feteit sa proposta si pienaiat a trigu duos lotes de mesana chi aimis in su monte Sambenados e Provèrbios smb: Lotto Ètimu itl. Tradutziones Frantzesu lot Ingresu parcel, lot Ispagnolu lote, parcela Italianu lòtto Tedescu Parzelle.

lotería , nf Definitzione genia de giogu chi si binchet si essit su númeru de sa posta; banca ue si tirant a sorte is billetes de su lotu Ètimu itl. lotteria.

lòto lòte