A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lorinía , nf: lurinia Sinònimos e contràrios brutore, cadhossímini, cadràngia, lorra, ludrinzu Frases disizo solu de mi abbanzare in su riu pro mi lavare de totu sa lurinia Ètimu srd.

lorinósu , agt Definitzione chi est totu lórinu, brutu meda, mescamente in su sensu chi acostumat a istare brutu Sinònimos e contràrios brudhuinu, cacantzinu, cadhóciu, cadrangiosu, lerisonu, lorinatzu, lurtinosu, massautu, mughedhosu, pingosu, sodrigosu, tetulàciu | ctr. límpiu, netu Frases sunt lorinosas cant'eo no fentomo (G.A.Cossu) Terminologia iscientìfica ntl Ètimu srd. Tradutziones Frantzesu salopard, cochon Ingresu dirty person Ispagnolu sucio, mugriento Italianu sudicióne Tedescu Schmutzfink.

lórinu , agt: lúrinu Definitzione chi est brutu meda Sinònimos e contràrios brutu, butzinosu, cadhóciu, cadrangiosu, lorinosu, lurtinosu, mugosu | ctr. límpiu, netu Frases mancari zuca sa cara lúrina, àmami, bella! ◊ che ant a batire abbas lórinas, chi fragant, e no límpias!

lorínzu , nm Definitzione allega, chistione, su lorodhare Sinònimos e contràrios narinzu Frases passadu su lorinzu de sa novidade, fint torrados issos puru a sas fainas de onzi die (A.Canalis)◊ sos giornales sunt sempre boghendhe a pizu lorinzos.

loríre , vrb Definitzione imbrutare, pònnere, apicigare lorinia, brutesa Sinònimos e contràrios imbratare, incadhossai.

loríta , nf Definitzione tira de cosa, mescamente de pedhe, cun sa tzíbbia, de pònnere in chintzu Sinònimos e contràrios chintòglia, chíntula, tríncia, tzinta Frases s'est fuiu a lorita in manus, depiat èssi a daor'e brenti ◊ at afasciau is pértias cun sa lorita Ètimu srd. Tradutziones Frantzesu ceinture Ingresu belt Ispagnolu cinturón, correa Italianu cìntola Tedescu Gürtel.

loritzína , nf Definitzione lorinchinu, prendha (duas) chi is féminas si apicant a is origas po bellesa Sinònimos e contràrios aricina, arra, arracada, lorinchinu, orechinas, pendhulica, pitoriga Terminologia iscientìfica prd Ètimu srd. Tradutziones Frantzesu boucle d'oreilles, pendant d'oreilles Ingresu earring Ispagnolu pendiente Italianu orecchino Tedescu Ohrring.

loròdha , nf Definitzione ladamíngiu modhe meda Sinònimos e contràrios loina Ètimu srd.

loròdha 1 , nf Definitzione pigighedhu de carre morta, crosta o iscata de conca Sinònimos e contràrios atiza, atògia, crosta, pagiagoda, solla, tizola.

loròdha 2 , nf Definitzione erba burràgia Sinònimos e contràrios burràcia, limbóina, mucumucu.

lorodhài larodhài

lorodhàre , vrb Definitzione istare a chistionu chentza cabu, naendho male de s'unu e de s'àteru; fintzes imbrutare Sinònimos e contràrios afoghilare, allicuterai, chiscuzare 1, contularjare, crastulai, criticai, lollughinare, pidanciulai, piscinargiai, zudicare Frases colant s'ora abbaidendhe a chie passat, lorodhendhe e ammentendhe cudhu tempus chi no torrat prus 2. mi fateit a bombitare s’ischifu pro sas cosas mias lorodhadas Ètimu srd. Tradutziones Frantzesu potiner Ingresu to gossip Ispagnolu chismorrear, cotillear Italianu spettegolare Tedescu klatschen.

lorodhatzína , nf Definitzione lorodhos, naravèglias Sinònimos e contràrios lorodhúmine Frases istracos de totu cussas gherrighedhas e lorodhatzinas, fineint de dare audítziu e donzunu apeit su trabàgliu de fàghere (E.Giordano) Ètimu srd.

lorodhósu , agt Definitzione nau de ccn., chi istat ispudandho lorodhos, o a mucu calandho: si narat fintzes in su sensu de pagu de giudu; chi istat sèmpere naendho a bodhetu, sèmpere contandho contighedhos a ispantu, fintzes naendho fàulas Sinònimos e contràrios mucanosu / bodheteri, contulàgliu, cràstulu, fominzu, foxileri, laredhosu Frases cun tota cussa faina, deo fui a sa sola cun d-una pàgia de lorodhosos 2. za l'ischis cantu semus lorodhosos sos catziadores! Ètimu srd.

loródhu laródhu

loródhu 1 , nm Sinònimos e contràrios bodheta, istrísina, naravèglia Frases sa zente fit bozida de arrejonos e lorodhos ◊ cheriat ischire totu, fintzas sos lorodhos.

lorodhúmine , nm Definitzione bodhetas, legas, naravèglias, cosas chi si narant a brétiu Sinònimos e contràrios lorodhatzina Frases cussu fit lorodhúmine de zente abbituada a tzarras de melcadu Ètimu srd.

loròne , nm Definitzione candhela de cosa pendhendho, soga de calecuna cosa Frases dae laras perdiat sogos de bae e dae naris mucu a lorones Ètimu srd.

loróntzu , agt Sinònimos e contràrios brutu.

lorozàju , nm: arrelogiaju* Sinònimos e contràrios arrellogeri.