A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lampiàre , vrb: allampiai 1 Definitzione coment'e fèrrere o guastare a lampu, a sole a tropu, nau de is laores.

lampidàre , vrb Definitzione lampigiare, lampare, ma nau solu de bigumarras, de lampu chentza tronu Terminologia iscientìfica tpm.

làmpidu làmbidu

làmpidu 1 , nm Definitzione lampu, lughe de lampu Sinònimos e contràrios lampada Frases ist a làmpidus, oe Ètimu srd.

lampigiàda , nf: allampigiada, lampitzata, lampizada, lampizata Definitzione lughe de lampu; lughe chi si biet a tretos; cosa chi si movet a cropu un'iscutighedha che a sa lughe de unu lampu; su abbaidare lestru de is ogos Sinònimos e contràrios allampada, arraju, lampu / abbaidada, ocrada Frases est cun su coro in punzu ca lampizadas bidet in totue (S.Casu)◊ custu faedhu no fit agabbadu chi unu farchione lampizadas de sàmbene at betadu ◊ mancu a biri sa lampigiada, cussa fotografia!… 2. trumentos e anneos si li leghiant in sas lampitzatas de sos ocros Ètimu srd. Tradutziones Frantzesu éclair Ingresu lightning Ispagnolu relampagueo Italianu lampeggiaménto Tedescu Blitzen, Blinken, Funkeln.

lampigiài , vrb: allampizare, lampizare, lampitzare Definitzione giare lughe coment'e lampandho, calare o abbasciare lampos; bènnere a mente, pentzare, meledare a s'ingrundha, totinduna Sinònimos e contràrios brigliai, grigliare, lampalúxiri, lúchere, lutzigare / lampai Frases s'aera est annuada e sighit a lampizare ◊ lampizas che sole in s'oriente 2. sunt lampizendhe falches e arados ◊ mi lampizaiant sas pupias de sa cuntentesa 3. a s'improvisu li lampizat s'ammentu de sa mama Ètimu srd. Tradutziones Frantzesu faire des éclairs Ingresu to lighten Ispagnolu relampaguear Italianu lampeggiare Tedescu blitzen.

lampilúche lampalúche

làmpina , nf Definitzione pischedha de casu / l. de nie = bòcia de ní Frases in su pacu bi aiat saltzita, pódhine, una làmpina de casu, duas peritas e pabassinos ◊ sa làmpina chi si faghiat fit lichita meda 2. sos ciogos cantu fiocaiat fint a làmpinas de nie (S.Saba).

lampinàre , vrb Sinònimos e contràrios iscavulai, ispiòndiri, lampare 1 Frases sos mastros làmpinant sa cultura ◊ sa pedra catzavogu a su colpu ndhe làmpinat s'ischintidha ◊ che làmpino a innanti custa cosa cantu poto cun ambas manos Ètimu srd.

làmpinu , agt, nm Definitzione nau de ccn., tzurpu e istramu, chi biet male coment'e chi siat illuinau / zocare a l. = giogai a munedas ghetendidhas in artu apustis de èssiri iscioberau ruche o crastu Sinònimos e contràrios bisogru, lampanosu, tzegu, tzulpu / tzurperi Frases làmpinu ses, chi no bides mancu su cadhu presu?! Ètimu srd.

lampiòne, lampiòni , nm Definitzione lampadina manna posta in is orrugas po fàere lughe a denote, o fintzes in àteru logu (o de pigare in manu) po fàere lughe meda, forte; nau in cobertantza de unu, chi est fatu e lassau, bonu a nudha, chi dhu'est po debbadas Sinònimos e contràrios lantione / lantrenna Frases is cumpàngius fiant firmus in sa bia asuta de su lampioni ◊ tia Nanna sighiat a tèssere fintzas a tardu a lughe de lampione 2. lampione mannu de tzitade, aite bi ses in cue?! Ètimu itl. lampione Tradutziones Frantzesu lampion Ingresu reflector Ispagnolu farola, reflector Italianu riflettóre Tedescu Scheinwerfer.

lampitzàre lampigiài

lampitzàta, lampizàda lampigiàda

lampíu , nm Definitzione su lampizare, lughe forte, meda, de lampu Sinònimos e contràrios lampamentu, lampizu Ètimu srd.

lampizadúra , nf Definitzione su lampizare Sinònimos e contràrios lampizu Ètimu srd.

lampizàre lampigiài

lampizàta lampigiàda

lampízu , nm Definitzione su lampizare Sinònimos e contràrios lampizada, lampizadura Frases bido ancora su lampizu de sas ojadas bostras! ◊ su lampizu chi faghet s'arbada ◊ dae ojos sos lampizos che faros luminosos dogni tantu ti essiant de brama e pro recreu (A.Dettori) Ètimu srd. Tradutziones Frantzesu éclairs Ingresu lightening, winking Ispagnolu relampagueo Italianu lampeggìo Tedescu Aufleuchten des Blitzes.

lampolúche lampalúche

lampòre , nm Definitzione su lampare, sa lughe de calecuna cosa Sinònimos e contràrios lampada / lucore Frases ite lampore de armas, ite gente chi ruet isvenada! ◊ li ruet dae manos s'ispada, corcovada e priva de lampore ◊ girao chene tènnere ghiratura a s'iscuru niedhu a lampore de istedhu Ètimu srd.