A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mézus méglius

mi , prn Definitzione prn. de 1ˆ persona sing. siat m. che f. manigiau coment'e cmpl. diretu o indiretu: iscriendho si ponet méngius abbandha candho si narat innanti de su vrb., totu a unu cun su vrb. candho si narat apustis cun imperativu o gerúndiu (postu deosi a úrtimu, dhue at logos chi diventat mia); segundhu su vrb. (prnl.) si ponet chentza un'impreu precisu: mi creu, m'impesso, mi pesso, mi parzo, mi fato (= creo, pentzo, pàrgio, fatzo, ma cun significau distintu de custos verbos) Frases tue a mie mi ses bidindhe ◊ lèami cun tegus! ◊ bidindhe mi sezis? ◊ dha chistionu e issa parit ca est ascurtendimia ◊ Gesugristu miu, agiudamia tui! ◊ cun custa lepa est fàtzile chi mi sego ◊ seis agiudandhomi totus ◊ credeimia totu su chi seu nendi ca est berus! 2. ite mi ndhe narais? ◊ ita mi fais? ◊ donamidha tui cussa cosa! ◊ mi segu un'arrogu de casu ◊ mi dhu pigu ◊ de cussa cosa no mi nd'apu lassau ◊ chi mi dhu giaes mi dhu leo 3. como tenzo sonnu e mi drommo ◊ mi creu chi no tengas arrexoni ◊ innantis mi pesso, apustis andho ◊ m'impesso deo su mastru! ◊ biu m'eis a fillu miu? ◊ oe mi parzo menzus, mi est essida sa frebba ◊ dhu biu aici a mi fatzu: Custu depit èssi macu! Ètimu ltn. mihi, me Tradutziones Frantzesu moi (oggetto e nei complementi retti da prep.), me (termine, in presenza di lo, la, li, le, ne), me (compl.), moi (con un verbo all'imperat. positivo) Ingresu to me Ispagnolu me Italianu me, mi Tedescu mich (Akk.), mir (Dat.).

mi 1 , nm Definitzione sonu e sinnu, sa de tres notas musicales.

mía mèa

mía! , iscl Definitzione foedhu chi narant apretzetandho: labai!, càstia! Sinònimos e contràrios lah!, mih!* Frases mia no bos falet su raju de dare su vinu a sas criaturas! ◊ mia non peses s'ebba a portante! (A.Pau).

miàda , nf: ammiada* Definitzione tzinnu, genia de ingestu o de móvia chi faet a cumprèndhere calecuna cosa chentza foedhare Sinònimos e contràrios acínnidu, micada Frases sichiant a si chistionare a suspu tra issos e a fàchere sas miadas piús grassas.

miàdhu , avb, iscl Sinònimos e contràrios achelu, acodhu, allodhu, midhu.

miàgia meàrza

Miàle, Miàli , nm Definitzione númene de ómine, Micheli: a logos santumiale dhu narant a su mese de santuaini o ladàminis Ètimu grcb. Mikhále(s).

miàlla meàrza

miàlla 1 , nf Definitzione dischedhu, tira tundha prus che àteru de metallu a bisura de moneda, marcada a una parte e àtera cun figuras, de apicare in dossu po bellesa o fintzes po singiale, a bortas coment'e prémiu po una balentia Sinònimos e contràrios medàglia*.

mianchélu , avb, iscl: minchellelu Definitzione mih a nche lu: si narat inditandho una cosa o a unu atesu Sinònimos e contràrios alloncedhu!, billuchelu!, millichelu! Frases e tandho mianchela s'andhanta de sa luche!

miàrgiu , nm Definitzione puzoni birdi o rúndini murinisca, genia de pigione, matucu, chi si papat s'abe Sinònimos e contràrios abeana, abiàrgiu*, abioi, apiaresu, marragau, pranedha Terminologia iscientìfica pzn, merops apiaster.

mías mèas

miàu , nm Definitzione sa boghe de is gatos Sinònimos e contràrios màulu Terminologia iscientìfica bga.

miauladúra , nf Definitzione su maulare, nau de sa manera Sinònimos e contràrios miaulamentu Ètimu srd.

miaulài maulài

miaulaméntu , nm Definitzione su istare o èssere a màulos, nau de is gatos Sinònimos e contràrios miauladura, miaulonzu Ètimu srd. Tradutziones Frantzesu miaulement Ingresu miaowing Ispagnolu maullido Italianu miagolìo Tedescu Miauen.

miaulàre maulài

miaulónzu , nm Sinònimos e contràrios ilmiàulu, miaulamentu.