A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

núntzu , nm Definitzione genia de sinnale chi antibitzat su chi depet acòntessere Sinònimos e contràrios tocamentu Frases fut nuntzu malu a contare is brebès cun su pódhighe.

nunzòla naciòla

núo nú 1

nuòne , nm Definitzione nue manna Sinònimos e contràrios nuatza Frases bi at nuones avansendhe in s'aera.

Núoro Núgoro

nuosidàdi , nf Definitzione su èssere totu nodos, nodosu Tradutziones Frantzesu nodosité Ingresu knottiness Ispagnolu nudosidad Italianu nodosità Tedescu Knotigkeit.

nuósu , agt: annuosu Definitzione chi portat nodos, chi est totu nodos (nau mescamente de linna, de erba) Sinònimos e contràrios nodosu | ctr. nébidu Frases sa pértia de su samucu est nuosa, tuvura, a muedhu modhi e grussu ◊ linnàmini nuosu meda no est adatu po òperas Ètimu srd.

núra , nf Definitzione parente de intradura, su chi est una pobidha a sa mama e a su babbu de su pobidhu, sa pobidha de unu fígiu Maneras de nàrrere csn: nàrrere a fiza pro intèndhere n. = nàrrere a unu a manera chi l'intendhat e cumprendhat chie depet intèndhere, mancari chentza tènnere su corazu o s'atza de bi lu nàrrere Frases naro a tie fiza: intendhedilu nura! ◊ cussos tenent ghèneros e nuras ◊ fillas e nuras prétziant is cuntzillus suus ◊ cia Vitória bivit cun is fillus e dha càstiant is nuras Terminologia iscientìfica ptl Ètimu ltn. nura Tradutziones Frantzesu belle-fille Ingresu daughter-in-law Ispagnolu nuera Italianu nuòra Tedescu Schwiegertochter.

nuràche, nuràchi, nuràci, nuràcu, nuràghe , nm: nuraghi, nuragi, nuragu, nuraxi, nuraxu, runache Definitzione s'òpera prus famada e connota de sa civiltade de is Sardos de s'antigóriu: genia de turre a truncu cónicu a duos e tres pianos, fata cun coròngios mannos in fundhu e pedras prus aderetzadas e piticas a manu a manu chi artzat (is úrtimas fileras fintzes picadas), a base tundha, muros betaos a aintru cantu prus artzant, istàntzia in mesu, arta e a tzimbóriu, iscala aintru de su muru po pesare a pitzu, po su prus a turre sola ma medas bortas a duas, tres e bàtoro impare / a./c.: po no fàere sonu légiu, segundhu comente si agatat (es. apustis de s'art. unu), su foedhu fúrriat a s'imbesse is primas duas cunsonantes, n r > r n: una pinneta unu runaghe nudu unu masone andhendhe (G.Fiori); cussu est unu runaghe cun tres turres a tríbide; s'arraighina de su foedhu, nur-, benit de sa limba sarda antiga – innanti de su domíniu romanu e púnicu – e si agatat in númenes meda de logu e de bidha; min. nuratolu Sinònimos e contràrios murache / cdh. naracu Frases de totu is nuraghes chi inghiriànt a bidha nosta, oe ndhe connoscheus calecunu ◊ a sos fizos de seru su nuraghe mustrat luntanas andheras ◊ dhoi at nuracis, tumbas de gigantis e necrópolis ◊ est mannu e forte cantu su nuraghe ◊ sos nuraches atrogant comente est nàschia s'identidade nostra ◊ nuraxu derrutu, turri millenària, castedhu solitraxu (U.Cara)◊ cussa est cosa de os tempos de os nuragis ◊ de cussu nuraghe ndhe at abbarradu solu unu costazu Terminologia iscientìfica opan Ètimu srdn. Tradutziones Frantzesu nuraghe, nouraghe Ingresu nuraghe Ispagnolu nuraghe, monumento prehistórico de Cerdeña Italianu nuraghe Tedescu Nuraghe.

nuraghésu , agt Definitzione de is nuraghes, chi pertocat is nuraghes, su tempus e sa civiltade de is Sardos chi dhos ant progetaos e fatos Sinònimos e contràrios nuraghinu Ètimu srd. Tradutziones Frantzesu nuragique Ingresu of the nuraghi Ispagnolu nurágico Italianu nuràgico Tedescu nuragisch.

nuràghi nuràche

nuraghínu , agt Sinònimos e contràrios nuraghesu Ètimu srd.

nuràgi nuràche

nuràgicu , agt Sinònimos e contràrios nuraghesu.

nuràgu nuràche

nuràgus , nm Definitzione calidade de bide, àghina (àxina de pòberus", fintzes muscadedhu burdu) e binu biancu chi faet Frases su nuragus est àxina po binu, aspixedha po papai Terminologia iscientìfica bfg Ètimu srd.

nuratólu , nm Definitzione nuraghe piticu Sinònimos e contràrios muratolu Ètimu srd.

nuràxi, nuràxu nuràche

núrca , nf Definitzione logu de monte, punta, serra Frases is crabas nce funt isciadhias in cudhas nurcas (E.Nieddu) Terminologia iscientìfica slg.

nurdiadúra , nf Sinònimos e contràrios nodriamentu, nutrimentu Tradutziones Frantzesu alimentation Ingresu feeding Ispagnolu alimentación Italianu alimentazióne Tedescu Nahrung.