A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

oghidrótu ocritórtu

oghidúra , nf: ogridura, ojidura Definitzione oghida, ma fintzes capacidade de castiae bene, de bíere giustu / o. de isposu istorrau = ograda de unu dispiàghidu meda, ofesu, chi no est pessendhe in àteru Sinònimos e contràrios mirada, ociada 1, oghia Frases gei no fiat un'oghidura: agimmai ti nci papant! ◊ sezis in errore: s'ojidura no l'azis tantu bona! ◊ unu de is prus antzianos si dh’at pompiau cun d-un’ogridura lègia ci pariat po si dhu papae!◊ mi at castiau de oghidura maba Ètimu srd.

oghièra , nf Definitzione oghiada lègia de chie bolet male a s'àteru Sinònimos e contràrios ociada 1, oghia, oghidura Ètimu srd.

oghièsse , nm Definitzione chie nanca pítzigat de o ferit a ogu Sinònimos e contràrios oghiadore, pedhinu, pindàciu.

oghimànnu , agt: ojimannu Sinònimos e contràrios ocianu Ètimu srd. Tradutziones Frantzesu difficile à contenter Ingresu insatiable Ispagnolu descontentadizo Italianu incontentàbile Tedescu ungenügsam, unersättlich.

oghinò, oghinòu , cng: oginò Definitzione o chi nono = sinono, sinuncas Sinònimos e contràrios aghinò, deghinò, sinoncas Ètimu srd.

oghiòi oghibbòi

oghíre ocíre

oghitài , vrb: ojitare Definitzione fàere su tzinnu, apèrrere e tancare is ogos coment'e a lampalughe Frases istaiat ojitendhe a un'ala e a s'àtera 2. ojitant sos istedhos cunfidendhe segretos a sa terra Ètimu srd.

oghitéri , agt, nm Definitzione chi o chie costumat a fàere su tzinnu, a fàere s'ogu coment'e po si dha intèndhere, po si fastigiare Sinònimos e contràrios cdh. scurugiunatu Frases tombacu e tombachera fait s'ómini macu e sa fémina oghitera! Terminologia iscientìfica ntl Ètimu srd. Tradutziones Frantzesu langoureux Ingresu languid Ispagnolu quien guiña el ojo Italianu lànguido Tedescu matt, schmachtend.

oghítu , nm: ogitu, ojitu Definitzione móvia de sa prabarista chi si serrat a un'ogu solu po fàere a cumprèndhere calecuna cosa a unu, coment'e disígiu o cosa de fàere o de giare atentzione: si narat mescamente po cosa chi si bolet giare a cumprèndhere a fémina Sinònimos e contràrios tzinnu Frases a pagu balet chi fetas s'ojitu! Sambenados e Provèrbios smb: Oghittu Ètimu srd. Tradutziones Frantzesu clignement d'yeux Ingresu wink Ispagnolu ojito Italianu occhiolino Tedescu zuzwinkern.

ogiàda ociàda 1

ogiàda 1 ociàda 2

ogiànu ociànu

ogiàre , vrb: ojare, oxare 1 Definitzione bojare, fàere óbia, bènnere o batire apare nau de personas, animales o cosas chi si movent s'unu a cara a s'àteru; acapiare sa bide noa a s'arraiga, fintzes tratènnere, agguantare, impedire Sinònimos e contràrios abbogiare, acatare, addopare, adobiai, azobiare, coviare, bídere, obiai / bardare Frases custu manzanu apo ojadu in carrera una tziedha ◊ ògiat apare su mógiu chin filuverru pro essire tundhu ◊ ti cres riu e cantu ògias ti pígias e isfàscias ◊ andhendhe a monte ojemus a unu chin d-una craba ◊ sighendhe a cabulare costa costa ojamus terrinos malos 2. sos bicos de su mucatore si los pinnicaiant in conca pro si ojare dae su sole ◊ no aiat galu acatatu unu médiu pro ojare custa pestulessa ◊ unu muraglione lis ojaiat sa vista ◊ su ventu intrat e no bi at modu de lu ojare ◊ fint totu pianghendhe, no resessiant a oxare sas làgrimas Ètimu srd.

Ogiàsta , nf: Ogliastra, Ollasta, Oxastra, Ozastra Definitzione sa leada de sa Sardigna cara a oriente a oru de mare intremesu de su Sàrrabbus, is montes de su Gennargentu e sa Baronia / de s'O. = ozastrinu, ozastresu (chi dhu narant a su bentu puru, su chi benit de su Sud).

ogiàstru, ogiàstu , nm: allastu, ogliastu, ollastru, ollastu, otzastru, oxastru, ozastru, ozastu Definitzione genia de tupa e mata connota meda in Sardigna ca creschet a sola fintzes in logu malu de orroca, faet unu frutighedhu longhitu e pitichedhedhu, cun s'ossu, niedhu candho est cotu, erricu de ógiu: est sa linna chi s'innestat a olia / ollastu o ollastedhu de arriu = una creze de sàlighe Sinònimos e contràrios oliedhu / cdh. udhastru, ttrs. agliastru Frases su piciochedhu at pigau una bella iscutulada de pértia de ollastu ◊ chi bandat a fai gherra ndi torrat chena conca coment'e un'oxastru innestau! ◊ inoghe petzi si che bidiat nodos e puntas de ozastru, totu prenu de rú ◊ s'ollastu est corriatzu Terminologia iscientìfica mtm, Olea europaea var. sylvestris Ètimu ltn. oleastru(m) Tradutziones Frantzesu olivier commun Ingresu oleaster Ispagnolu acebuche, oleastro Italianu olivastro Tedescu Oleaster.

ogilénu , agt, nm Definitzione chi o chie no abbàidat s'àteru mai a cara Terminologia iscientìfica ntl Ètimu srd.

ogimài , avb: agimmai*, oxumai Sinònimos e contràrios pogimai Frases oxumai mi moria po s'assustru! (V.Arangino)

oginò oghinò