A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

oindí, oindía , avb Definitzione a dies de oe, a tempus de como Sinònimos e contràrios como, oe Frases sa bisura chi si podeus fai oindí de sa Sardigna est cussa de una terra cun d-un'ànima antiga Ètimu srd. Tradutziones Frantzesu de nos jours Ingresu nowadays Ispagnolu hoy en día Italianu oggigiórno Tedescu heutzutage

oióstiri , nm: bolostru, colóstiu, golosti*, olosti.

oíre , vrb Definitzione èssere o istare a ohis, su si chesciare, a boghes po dolore, dispraxere o àteru Frases at cumintzadu a oire e abbarrada est mesa zoronada séria che moro ◊ a su puntu de s'alza, oindhe pariat moribbundhu, li faghimis su ballu ◊ candho est partidu s'isposu, issa si ndhe fit bénnida oindhe a si sètzere afaca a mie Ètimu srd.

oixédhu obichédhu

oíxi , nf: aixi* Sinònimos e contràrios aciua, anciova Terminologia iscientìfica psc.

ója! , iscl Definitzione (a/c. sa /o/ est serrada): prus che àteru est foedhu chi si narat de un'improntu po cosa chi dolet, coment'e candho si pigat cropu; a bortas si narat fintzes po ifadu Sinònimos e contràrios ohi! Frases oja su coru miu… mortu a sidhiu siat! ◊ oja, lampu: dófidu m'est! 2. oja, a mi lassas sa conca, chi za so andhendhe a fàghere su chi mi as nadu?!◊ oja, ite bisonzu b'at de cussu puru?! Ètimu srd.

ojàda ociàda 1

ojadúra ocradúra

ojài , vrb Sinònimos e contràrios dòlere, incrèsciri Frases sa schina si ojat a si crocai in s'istoja!

ojamomía! , iscl: ojomumia!, omumia! Definitzione oja, mamma mia!: isclamu de timória manna Sinònimos e contràrios ammamia! Frases ojamomia, s'àbidu m'est manchendi! ◊ ojamomia, cust'ànima maba ndi depit èssi artziendi a innòi! ◊ ojamomia, agitóriu! ◊ ohi, omumia scura! ◊ ojamomia ita arrori chi m'est costau, is carabbineris in domu mia! Ètimu srd.

ojànu ociànu

ojàre ogiàre

ojàre 1 ociàre

ojarédhu , nm Definitzione min. de oju, ogu pitichedhu Sinònimos e contràrios ocrichedhu, oghitu.

òje òe

ojèta, ojète , nf, nm: ageta Definitzione genia de crichighedhu de làuna chi si ponet in is istampos de is iscarpas (o de àteros bestimentos) po fortilesa Sinònimos e contràrios bachíglia, baga, istampeta, oghedhu, trabu, traca, traocu Ètimu spn. ojete.

ojidóltu ocritórtu

ojidúra oghidúra

ojimànnu oghimànnu

ojimbèsse , nm Definitzione ogu trotu Sinònimos e contràrios gheltzu, gréciu, ocrighertzu, ocritortu, sghérciu Ètimu srd.