A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pèrdi pèldere

pérdia , nf: pérdida Definitzione su andhare male o bènnere mancu de sa cosa chentza ndhe bogare nudha, chentza lúcuru; morte de una persona istimada; cosa istidhigandho (de istrégiu), fintzes essindho o calandho de sa carena Sinònimos e contràrios pedrimentu, példua | ctr. bínchida, lucru, profetu Maneras de nàrrere csn: betaresila a p. = no ndi fai contu, de una cosa o chistioni, lassai a pèrdiri, fai finta de nudha; donai o tènniri una cosa a mesu p. e a mesu gualàngiu = a mesapare, a cumone; pérdidas biancas = zenia de cosa bianca chi essit pro maladia in sa natura de sa fémina 2. lassadu mi as in mesu de s'angustia, de carignos brivadu e de cunsizos, pro chi a fundhu gustera sos fastizos de sa pérdida tua, mamma mia! ◊ de sa pérdida fata in tristu càntigu isfogat su dolu 4. e si ti ant allimbadu betadila a pérdida! Ètimu srd. Tradutziones Frantzesu perte Ingresu loss Ispagnolu pérdida Italianu pèrdita Tedescu Verlust.

perdiàrzu, perdiàxu pedriàxu

perdíca, pérdica , nf: prédica, préghia, préica, préiga Definitzione totu su chi su preide narat ispiegandho is iscrituras sagradas in s'aficu de imparare sa gente a pònnere mente a su foedhu de Deus, o fintzes foedhandho de unu santu; fintzes genia de ammonestu, apretzetu, avertimentos a meda chi si giaent a unu (chi prus che àteru est de mal'intesa) o a medas Sinònimos e contràrios preca 1 / sermonada Frases su pàrracu fachiat préicas tropu longas ◊ in dogni logu chi Pedru est passadu, de sas préigas suas istiga luminosa bi at lassadu ◊ su predi dh'ant cumbidau a fai sa prédica po sa festa ◊ isciat nàrrere solu bonas paràgulas, ma sas préghias bellas suas no incantavant prus a nesciunu Terminologia iscientìfica prdc Tradutziones Frantzesu sermon Ingresu sermon Ispagnolu sermón Italianu prèdica Tedescu Predigt.

perdicadòre , nm: predicadori, preicadore, preigadore Definitzione cudhu chi, prus che àteru preide, faet sa prédica Frases in barantinu in bidha bi aimus sos preigadores ◊ chi agiustaus, cust'annu torraus a tenni predicadori de lussu: est un'ominedhu chi s'iscallentat, predichendi! (A.Garau) Ètimu srd. Tradutziones Frantzesu prédicateur Ingresu preacher Ispagnolu predicador Italianu predicatóre Tedescu Prediger.

perdicàre , vrb: predicai, predicare, preghiare, preicare, preigare Definitzione fàere sa prédica, giare a ischire o ispiegare su foedhu de Deus; giare avertimentos Sinònimos e contràrios ammonestai, istronai Frases Deus at preigadu sa libbertade, su rispetu, s’amore e sa dignidade umana ◊ su préide zai dhu pérdicat sèmpede a tènnede caridade! ◊ Giuanni andàt predichendu unu batiari de peniténtzia ◊ Gesús preghiavat amore 2. sos babbos za bi lis preigaiant a no fàghere gai, ma sos fizos totu nudha! ◊ custu est su comintzu de sa rivolutzione chi issu est preiganne Terminologia iscientìfica prdc Ètimu ltn. praedicare Tradutziones Frantzesu prêcher, sermonner Ingresu to preach Ispagnolu predicar Italianu predicare Tedescu predigen.

perdíche, pérdiche padríxi

perdichèdha , nf Definitzione min. de perdiche: pudhighinedhu de pedrighe Frases in andhatas froridas incantas perdichedhas boladas dae nidu.

perdichínu , agt Definitzione nau de logu, terrenu, chi est totu pedra, chi dhue at pedra meda Sinònimos e contràrios pedrosu, sàssinu Ètimu srd.

perdicòne pedrigòne

pérdida pérdia

perdidémpus , nm Definitzione unu chi no cumbinat nudha, chi solu perdet su tempus chentza cabu Sinònimos e contràrios arreulau, chizoneri, ifainadu, ilfatziennadu, irberzadu, irvaliendhadu, mandrone.

perdidòre, perdidòri peldidòre

pérdidu , pps, agt: pérdiru, pérdiu Definitzione de pèrdere; chi no si tenet prus Sinònimos e contràrios pertu | ctr. agatau, àpidu, lucuradu / bintu Maneras de nàrrere csn: bíderesi a munnu pérditu = a barca pérdia, chentza isperu prus de andhare in bene; macu, imbriagu pérdiu = macu ’eretu, imbriagu a una tzodha Frases nos semus pérdidos in caminu: pro cussu amus istentadu ◊ in cussas terras isperivunnias bosi seis pérdios! ◊ labai custa cosa de òru: est cosa chi ant pérdiu! ◊ eus pérdiu sa partida 2. aio ammastriadu sos canes a bardiare sa robba e a chircare fiados pérdidos 3. cussu est macu pérdiu! ◊ si ndi fiat ammachiau pérdiu, de cussa picioca Tradutziones Frantzesu perdu Ingresu lost Ispagnolu perdido Italianu perduto, pèrso, dispèrso Tedescu verloren.

perdiédu, perdiéru padriédu

perdíga padríxi

perdigài , vrb: apeldixai Definitzione giare su coloredhu de sa pedrighe a sa petza orrostindho Sinònimos e contràrios abbruschiai, aperdisare Ètimu spn. perdigar.

perdigài 1 , vrb: aperdigai* 1, perdixare Definitzione cassare pedrighes, andhare a cassa de pedrighes.

perdigàna pedrigàna

perdigàrgiu pedriàxu