A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

picuaméndula , nf Sinònimos e contràrios atacadolza, pertunghemuru, picalinna Terminologia iscientìfica pzn Ètimu srd.

picuàrxu , nm Definitzione pedra e fintzes orroca de pedrarba Ètimu srd.

picudhàre , vrb Sinònimos e contràrios piculare.

picugróxu , nm Definitzione genia de pigione a bicu grussu: papat meda su sèmene de frutuàrios cun ossu (es. cheréssia) Sinònimos e contràrios bichigrussu, piciurussu, sciacaméndhulas Terminologia iscientìfica pzn, coccothraustes coccothraustes insularis Ètimu srd.

pícula , nf Definitzione genia de lóriga grussa prus che àteru de lutone in portales e gennas po tochedhare pedindho de apèrrere Sinònimos e contràrios anedha, anèglia, lórica, pichiadorzu Ètimu itl. picchiare Tradutziones Frantzesu heurtoir Ingresu doorknocker Ispagnolu aldaba, picaporte Italianu picchiòtto Tedescu Türklopfer.

pícula 1 , nf Definitzione pedrighedha atundhada e genia de giogu chi si faet cun chimbe de custas inartandhondhe una parte e cricandho, sèmpere a una manu, de bodhire sa parte lassada in terra e aciapare cussas inartadas innanti chi lompant a terra Sinònimos e contràrios bàtile 1, bicu 1, brusca 1, cucu 1, lecucu, mògola, pischera 1, tàllara Frases sa piciochedha est giogandho a pículas, ingollet dea terra una pedrighedha, dha betat in artu e dh'aciapat cun d-una manu: perdet candho sa pícula orruet a terra.

piculàda , nf Sinònimos e contràrios bicada Ètimu srd.

piculadúra , nf Sinònimos e contràrios bicada Ètimu srd.

piculàre , vrb: biculare* Definitzione pigare, papare cun su bicu, a cropos de bicu, comente faent is pigiones; istare a su tasta tasta, segare calecunu orrughedhu a papare ma chentza si pònnere a papare a s'assentada; nàrrere pículos, alleghetare, foedhare de s'unu e de s'àteru Sinònimos e contràrios bichiare, bicullitare, ispitudhare, ispitulare, ispitzicorvare, papai, picudhare, spurtiri 2. menzus piculare chi no abbaidare 3. cudhu pariat una matràcula in chida santa (lu naraiant sas féminas candho si poniant a piculare) 4. in sa figu de comare sos corvos in cuntierra dae altu e dae terra cherent totu piculare! (P.Tessuti)

piculàre 1 , vrb: pigulare Definitzione atacare coment'e cosa apicigosa, èssere apicigosu, nau de cosa / èssere pígula pígula = picigosu, chi apodhat chi no fait a dhu tocai ca apicigat Sinònimos e contràrios apicigai Ètimu ltn.

piculàza , nf: biculaza Definitzione orrughedhos de calesiògiat cosa Sinònimos e contràrios arrogalla, cantàrgia, cífrinu, fafaruza, fanialla, orrugàgia, piciualla Ètimu srd.

piculósu , agt: pigulosu 1 Definitzione chi si apicigat po dhu tocare mancari apenas Sinònimos e contràrios apicigosu, apitzigaditu, atacaditu, impodhosu, pigaditu, pigulatu, pitzulicosu Ètimu srd. Tradutziones Frantzesu gluant, collant Ingresu sticky Ispagnolu pegajoso Italianu appiccicóso Tedescu klebrig.

pículu , nm: bículu* Definitzione parte pitica ma no precisa de calesiògiat cosa, pruschetotu segada de una prus manna; fintzes cosa chi narant a brétiu, alleghetandho Sinònimos e contràrios arrogu, cantu Frases ant fatu su presépiu cun pículos de urtigu ◊ mi at mannadu unu pículu de s'Evangéliu iscritu in sardu.

pículu 1 , nm: bículu 1 Definitzione sa parte de ananti, puntuda, longa e tostada, de sa conca de dónnia genia de pigione, sa buca Sinònimos e contràrios bicu, pissu 1 Frases custe, cun su nare che pículu de astore, pagu bi mancaiat de pàrrere Parissuos ◊ dogni tantu pulíndhesi in sas pumas su pículu, isbanghendhe su toroju, a cópias bidiat e a trumas sas anades (Piras)◊ as catziadu in debbadas ca giughes tropu pículu minore Ètimu srd.

picurínu pecorínu

picuzàre , vrb Definitzione segare a orrughedhos e papare Sinònimos e contràrios biculare, ispitulare, papedhare, spibitzai.

pidadòri , nm Definitzione genia de bomba pitichedhedha po dh'iscopiare a giogu Sinònimos e contràrios bombu, fochete Ètimu srd. Tradutziones Frantzesu pétard Ingresu firecracker Ispagnolu petardo Italianu petardo Tedescu Knallerbse, Knallfrosch.

pidàe, pidài , vrb rfl: pidare, pirai Definitzione istare a pidus, betare tródhias Sinònimos e contràrios istrodhiatzai, trodhiai Frases mabagràbiu, si fiat pidada! Ètimu ltn. *peditare Tradutziones Frantzesu péter Ingresu to fart Ispagnolu pederse Italianu scoreggiare Tedescu furzen.

pidajó , agt Definitzione (f. pidajoba), nau de ccn., chi bolet ischire totu is pidus, dónnia cosighedha de s'unu e de s'àteru, e solu po curiosidade chentza motivu Frases candu fia pipia, una fémina pidajoba dónnia borta chi mi atobiàt mi pregontàt filla de chini fia!

pidancéri , agt, nm Definitzione chi o chie no agguantat is segretos, iscóviat totu chentza importu Sinònimos e contràrios culivala, lendharzu, pidànciu, pirodha, scorduladori | ctr. segretu, sizerru Frases si filla tua at tentu nomenada, sa curpa est de sa genti pidancera Terminologia iscientìfica ntl Ètimu srd.