A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pidancería , nf Definitzione su èssere pidàncius, fintzes su istare criticandho a s'unu e a s'àteru Ètimu srd.

pidànciu , agt: pidànciulu, pirànciu Definitzione chi costumat a contare totu su chi ischit o ch'intendhet Sinònimos e contràrios culivala, irmendhajolu, lendharzu, pidanceri, pirancianu, piranciuleri, pirodha, sciudhànciu, scorduladori | ctr. segretu, sizerru Frases alla custus óminis, no fait a chistionai ca súbbitu ti narant ca ses pidància! ◊ gei ses unu pirànciu bellu!… Ètimu srd. Tradutziones Frantzesu rapporteur Ingresu gossipy Ispagnolu hablador, quien lo dice todo Italianu svescióne Tedescu Klatschbase.

pidanciulài , vrb: piranciulai Definitzione istare sèmpere naendho dónnia cosa a s'unu e a s'àteru, fintzes cosas chi iant a istare méngius chentza dhas ischire, fintzes istare in giru chentza cabu Sinònimos e contràrios contularjare, crastulai, lendhare, lorodhare, piscinargiai, pistizonare Ètimu srd. Tradutziones Frantzesu rapporter, moucharder Ingresu to gossip Ispagnolu charlar, cotillear Italianu svesciare, gironzolare Tedescu ausplaudern.

pidanciulímini , nm Definitzione su èssere pidàncius, su nàrrere cosas comente faent is pidàncius Sinònimos e contràrios crastulímine Frases no fatzais pidanciulíminis! Ètimu srd.

pidànciulu pidànciu

pidanciúmini , nm Definitzione su èssere pidàncius, su nàrrere cosas coment'e is pidàncius Sinònimos e contràrios crastulímine, pidanciulímini Frases no tèngiu tempus de abarrai ascurtendu is pidanciúminis de issa! Ètimu srd.

pidàre pidàe

pidèdha, pidédhu , nf, nm: piredhu 2, piriedha Definitzione genia de sonu coment'e tródhia (piru) chi si faet cun is lavras po befa contr'a ccn. e bòllere nàrrere chi si tenet un'idea contrària Frases su capu itzerriàt a boxi manna "Saluto al Duce!" e totus arrespundiant "A noi!", a candu cun càncua pidedha puru ◊ dhus ant istérrius a iscorraciadas de pidedhus! ◊ su piciochedhu t'isfundat is origas cun d-unu pidedhu Ètimu srd. Tradutziones Frantzesu bruit vulgaire de mépris ou dérision Ingresu raspberry Ispagnolu pedorreta Italianu pernàcchia Tedescu furzähnliches Geräusch mit dem Mund.

pidémia , nf: apedémia*, pudémia Definitzione maladia chi s'ispraghet apicigandho (cundhindho) a gente meda, male mannu meda; nau in cobertantza, persona chi no si podet padire de su male chi faet, o cosa chi faet ischifu, pudesciore mannu Sinònimos e contràrios apesta, cadaleta / grisu, irgrísiu, schivori Frases su tempus chi dureit sa pidémia no mi lasseint essire: mi podia solu aciorare a su balcone e faedhare dae tesu chin sa zente 2. addaghi sa pessone no at grabbu cun sos fizos ti naro chi est pudémia e disaura! (G.Ruju)◊ no bi abbites cun cussos ca sunt pudémia, semper pessendhe a fàghere male! Terminologia iscientìfica mld.

pidéri , agt Sinònimos e contràrios afrodhieri, fichete, fichidhiu Ètimu srd.

píderu peíderu

pidhíciu , nm Definitzione cagalloni istrantaxu o cardulinu de mari, minca morisca, una genia de erba o codrolinu longu e grussu, in colore de castàngia cotu Sinònimos e contràrios bidhitzini, minchemoru, sedhitzi Terminologia iscientìfica rba, Cynomorium coccineum.

pidhièdha , nm Definitzione númene chi a logos is pastores narant a sa brebè tzerriandhodha po dhi giare cosa a papare in pranta de manu po dh'ammasedare; si narat fintzes de fémina isfacia, conchilébia, chi no istat duiddui a si giare a ómine.

pidhinàre pedhinàre

pidhincósu , agt Sinònimos e contràrios laredhiau, pibincosu.

pidhínu pedhínu

pidhínzu , nm Definitzione su pidhinare, pitzigare a ogu, fàere male a s'àteru solu po dh'abbaidare Frases tzia Lúllia ti fachet sa meichina de su pidhinzu, no siat chi ti apant fertu a ocru malu Ètimu srd.

pidhóncu, pidhúncu , nm: pilloncu, pilluncu Definitzione su pigioledhu fine a parte de fora de calecuna cosa, fintzes de sa carre, de is arremos de aintru, de sa petza a músculu intreu / su pilloncu de s'ossu (= itl. perïòstio), de s'ou, de sa cibudha Sinònimos e contràrios pedhe, pigiolu, pígiu, pilirintzone Frases portat unu bestiredhu fini fini parit fatu de pillonchedhu de ou ◊ sa borta de s'unda, a is úndixi de noti sa genti s'est fuia cun d-unu pillonchedhu de bistiri po si salvai Sambenados e Provèrbios smb: Piddoncu Terminologia iscientìfica crn Ètimu srd. Tradutziones Frantzesu pellicule, épiderme, épithélium Ingresu film, skin, epithelium Ispagnolu película, epidermis Italianu pellìcola, epidèrmide, epitèlio Tedescu dünne Haut, Epidermis, Epithel.

pidiàghe , nf Sinònimos e contràrios pibiaghena, piliache* Terminologia iscientìfica pzn, vanellus vanellus.

pídicu píchidu