A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pantàrma pantàma

pantàsi , nf Definitzione un'èssere pentzau coment'e cosa chi faet a tímere, un'upa chi no si distinghet bene Sinònimos e contràrios pantama Frases sa luna si fut crisada, ma no iscia ca cussa pantasi manna chi si fut presentada fut totu cosa de sa natura ◊ sa figura de is dus piciocus cumpariat coment'e duas pantasis.

pantasía , nf Definitzione abbilesa de pentzare, de immaginare cosas chi no si agatant, chi no funt, cosas diferentes de is chi o de comente si connoschent Sinònimos e contràrios fantasia Ètimu itl. fantasia.

pantasiài, pantasiàre , vrb Definitzione immaginare, trebballare de pantasia, imbentare Sinònimos e contràrios astrolicare, chimerizai, imbisare Frases bódhio renedhos e fràigo, pantasiandho in poesia (I.Patta).

pantàsima, pantàsimu pantàma

pantasiósu , agt Definitzione chi est fatu a pentzamentu, trebballandho de fantasia, a immaginatzione Sinònimos e contràrios fantasiosu, schiribitzosu | ctr. reale Ètimu itl. Tradutziones Frantzesu qui a beaucoup d'imagination Ingresu imaginative Ispagnolu fantasioso Italianu fantasióso Tedescu phantasievoll.

pantàsma, pantàsuma pantàma

pantèa , nf Definitzione timoria manna Sinònimos e contràrios pantama / timória 2. in manos suas s'ànima de su cristianu est minore minore, s'aprantat de panteas e si fachet prus minoredha ◊ no teniant pore de uchídere e uchidiant pro sas panteas de èssere mortos ◊ su tenteadu no at àpidu panteas de torrare in daesecus! Ètimu itl. pantea.

pantèa 1 , avb Definitzione leare o giúghere a ccn. a p. = in àndhias, in panteus = itl. di peso Sinònimos e contràrios panteus.

pantelítu, pantellítu , nm Definitzione gennighedha pitica, parte de una porta o de una fentana (fintzes po serrare apitzu de s'imbidru) Sinònimos e contràrios importoglitu, isperàglia, poltelitu*, portedhu Tradutziones Frantzesu petit volet Ingresu shutter Ispagnolu postigo Italianu scurétto Tedescu Fensterladen.

pantèra , nf Definitzione genia de animale areste, mannu, papadore de petza Frases bator frommijas e unu muscone no podent trasinare una pantera! (Moretti) Terminologia iscientìfica anar, panthera pardus.

pantèus , avb Definitzione portai a unu in p. = in àndhias, in pesu, itl. in trïónfo, comente si ingollent is santos in crufessone Sinònimos e contràrios andhas, pantea 1 Frases isturrus e crucueus a bóllidu pesaus dhu pesant in panteus ◊ si fúrriat su bentu ti pesat in panteus! ◊ ita ti creis tui po ti pesai in panteus?! Ètimu itl. panteo.

pantófula , nf: pantròfola, pantufla, pantúfula, prantofa Definitzione una genia de cartzamenta po istare aintru de domo, aperta Sinònimos e contràrios babbúcia, caciola, calòscia, sabbata Terminologia iscientìfica bst Ètimu itl. pantofola.

pantògia, pantòlza paltòlza

pantomíma , nf: pantumina Definitzione genia de ispetàculu, de cummédia; cummediante chi arrapresentat a ingestos, chentza foedhare e fintzes púpulu o mascaredha Ètimu itl. pantomima.

pantonài , vrb: pentonai, petenai, petenare, petonai Definitzione passare su pètene in pilos po dhos aderetzare, po ndhe bogare si dhue at malesa; giare o àere it'e fàere a pelea; rfl. brigare, gherrare Sinònimos e contràrios ispertare 1, ispizare, scabitai, tepenare / istriulare, peleai Maneras de nàrrere csn: p. linu = cardai; tèniri ita p. = tèniri arrúngia de iscràfiri, cosa pagu bella, trabballosa, de fai 2. bos podent dare it'e petenare, sos carabbineris, si bos lu ischint! ◊ tropu it'e petenare nos est dendhe sa terra! ◊ a su chi apu iscípiu, no fiat sa primu borta chi giaja petonàt genti matuca e… a pètini de ferru istrintu! Ètimu ltn. pectinare Tradutziones Frantzesu peigner Ingresu to comb Ispagnolu peinar Italianu pettinare Tedescu kämmen.

pantòrgia, pantòrza paltòlza

pantòxa , nf Definitzione fémina totu malacòncia de bestimentu, iscagatzada, drolle Ètimu srd.

pantròfola, pantúfla, pantúfula pantófula

pantúma , nm: pantumma Definitzione un'èssere pentzau coment'e cosa chi faet a tímere, ma fintzes pupa, umbra, cosa chi si biet pagu, in manera pagu crara, de atesu o cun paga lughe; cria de bobbois Sinònimos e contràrios boboare, fantàsima, mantuma, pantama, pupurru Frases at caminadu oras e oras che pantuma in sas carrelas iscurosas ◊ a s'arbescidórgiu si apubàt caleguna pantuma de piscadori Ètimu srd.