A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

panizàre panitzài

panízu panígiu

pànna , nf Definitzione velludu, orrobba téssia de cotone Frases est bestidu de panna, sentza zustacoro ◊ dhi at cosiu unu bestire de panna arrigada Terminologia iscientìfica ts Ètimu ctl.

pannalísa , nf Sinònimos e contràrios belludu Frases su tziu napoletanu giughet orrobba bella, brusas, mucadores e pantalones de pannalisa Terminologia iscientìfica ts.

pannamènta , nf: panimenta Definitzione totu is trastos de orrobba téssia, mescamente is trastos de sa cojuada noa Sinònimos e contràrios aciva, ammanitzu, asciugàriu Frases bàtila a mustra, sa pannamenta! ◊ die manna chin die istaiat in su telarzu tessindhe pannamenta ◊ me is cadàscius dhoi tenit totu sa pannamenta de sa mulleri Terminologia iscientìfica ts Ètimu srd. Tradutziones Frantzesu toilerie, habillement Ingresu textiles, clothes Ispagnolu vestuario Italianu telerìe, vestiàrio Tedescu Wäsche, Kleider, Aussteuer.

pannaría , nf Definitzione orrobba de pannu, orrobba (fintzes a bèndhere); pannos Sinònimos e contràrios pannamenta, pannia Frases sos mercantes tataresos bi giuchent sa pannaria Terminologia iscientìfica ts Ètimu srd.

pannarrigàda , nf Sinònimos e contràrios belludu Terminologia iscientìfica ts Ètimu srd.

panneanànti , nm: pannenanti, panniananti, pannuenante, parenanti, pignenanti, pinniananti Definitzione pannu de ananti: genia de pinzos (de pedhe, de orrobba) chi si apicant in su tzugu is ómines (es. sabbateris, ferreris) a pèndhere ananti po ammontare is petorras, sa bentre e is còscias faendho unos cantu trebballos po no s'imbrutare su bestimentu o fintzes acapiau in chintzu (is féminas); a logos dhu narant a sa pedhe chi is pegos de bulu portant pendhendho in su tzugu Sinònimos e contràrios antaledha, àntela, davantabi, fadreta, fantallicu, frandha, pedhiananti, saúciu / gangule Frases su ferradori ponit unu pannenanti de pedhi crua, trabballandu ◊ pannuenante si ponzesit coment'e coghineri o artesanu Terminologia iscientìfica bst Ètimu srd. Tradutziones Frantzesu tablier Ingresu apron Ispagnolu delantal Italianu grembiule Tedescu Schürze.

pannèdha, pannédhu, pannéllu , nf, nm Definitzione trastu chi is féminas si ponent acapiau in chintzu ananti prus che àteru po no s'imbrutare Sinònimos e contràrios fadreta, fantallicu, pannetu Maneras de nàrrere csn: pannellu de cucudhare = zenia de issallu a betare in conca, fatu a pínnigas; pannellu de falare = faldeta; pannedhos de criadura = pannitzus de ponni a su pipiu piticu Frases tia Maria est a manos giuntas suta de su pannellu ◊ oh cantu nd'eis portau, féminas, de pani a presoni, cun su coru niedhu chei su pannedhu! ◊ mi ponzo su pannellu e mi leo unu cantu de pasta a cariare Terminologia iscientìfica bst Ètimu itl. pannello.

pannenànti panneanànti

pannèra pandhèla

pannétu , nm Definitzione genia de pinzos, fintzes orrobba Sinònimos e contràrios fadreta, pannedhu* Frases sa raga est fata de obraci o de pannetu Terminologia iscientìfica bst.

pannía , nf Definitzione pannos, orrobba de pannu, orrobba mescamente in butega, fintzes solu bistimentu Sinònimos e contràrios pannamenta, pannaria Frases no so pisedha de giúghere a drotu, ne curridora de mala pannia! ◊ cussos istant in chirca de si bestire cun pannias raras ◊ sunt tessendhe sa pannia pro sa die de s'isposu Ètimu srd. Tradutziones Frantzesu assortiment de tissus Ingresu clothes assortment Ispagnolu surtido de telas Italianu assortiménto di panni Tedescu Wäsche, Kleider.

panniamànu , nm Definitzione trastu de orrobba po frobbire is manos, sa cara Sinònimos e contràrios abbamanu.

pannianànti panneanànti

panníciu , nm: pannissu, pannitu, pannitzu Definitzione tiagedha po imbodhigare su pane chi si portat a sartu, o prus pitica po si frobbire papandho; pannighedhu chi ponent is féminas candho dhis benit su mese; tira longa de orrobba, o latzada, larga de 10 a 15 centímetros, chi ponent a is pipios de naschidórgiu po dhos imbodhigare Sinònimos e contràrios fasca Frases pro su candhelarju depies zúchere in manos su pannitu e tochedhare in sos portales ◊ in su pannitu fit collia sa gràssia chi depiat caentare s'istomachedhu de sos fizos ◊ pane e aunzu est totu in su pannitzu ◊ zuchiat sos murros inghisios de bagna e si los puliat non chin su pannitu ma chin d-una colada de brússiu 2. tocat a preparai cambuscedhus, pannitzus e latzadas po candu nascit su pipiu ◊ tèngiu ancora is pannitzus e is latzadas de candu iu tentu a tia: deghinou ge m'iat a èssi costau, cust'àteru pipiu! Terminologia iscientìfica ts Ètimu srd. Tradutziones Frantzesu linge, couche, serviette hygiénique Ingresu napkin, sanitary towel Ispagnolu tela, compresa, pañal Italianu pannolino Tedescu Tüchlein, Windel, Binde.

pannigédhu, pannighédhu , nm: pannitzedhu, pannixedhu Definitzione orrugu de orrobba piticu po frobbire in murros papandho; trastighedhu de is féminas a betare o acapiare in conca Sinònimos e contràrios frebbeucu, istratabbucu, telzibbucu, tiagiola, tialledha, tratabbucu / mucadore Tradutziones Frantzesu serviette Ingresu napkin Ispagnolu servilleta Italianu tovagliòlo Tedescu Serviette.

pannighedhútzu , nm Definitzione min. de pannighedhu Tradutziones Frantzesu petite serviette Ingresu small napkin Ispagnolu servilleta Italianu tovagliolino Tedescu kleine Serviette.

pannigiolédhu , nm Definitzione orrugu de orrobba de portare in busciaca a illimpiare su nasu, is murros, o àteru Sinònimos e contràrios mucadoredhu, pannutzedhu Tradutziones Frantzesu mouchoir Ingresu handkerchief Ispagnolu pañuelo Italianu fazzolétto da naso Tedescu Taschentuch.

pannispíca , nm Sinònimos e contràrios nundente Terminologia iscientìfica ts Ètimu srd.