pastoràlla , nf Definitzione is pastores Sinònimos e contràrios paltoriu Frases margiani s'iscít arrangiai cun sa pastoralla Ètimu srd.
pastòre, pastòri paltòre
pastoría , nf: pasturia Definitzione
s'arte de su pastore, su fàere o èssere pastore
Sinònimos e contràrios
pastorigonzu
Frases
at colatu barant'annos de pastoria collinne abba, bentu e dorminne a costas a terra ◊ s'imprús de sa gente si giaiat a sa pastoria
Ètimu
srd.
Tradutziones
Frantzesu
élevage
Ingresu
sheep-breeding
Ispagnolu
ganadería
Italianu
pastorìzia
Tedescu
Viehzucht.
pastoricàre, pastorigài, pastorigàre , vrb: apastorigai,
pasturicare Definitzione
contivigiare o tènnere contu bestiàmene, fàere su pastore, portare a pàschere o custodiare su bestiàmene paschendho
Frases
a piciochedhu de deghe annos fut pastorigandho unu tàgiu de crabas ◊ pastorigaiat unu masone de elveghes ◊ Antoni est pastoriganne in cussos logos ◊ tziu Predu fit galu pastoricandhe chin d-unu grustiedhu de crapas
Ètimu
srd.
Tradutziones
Frantzesu
mener les troupeaux au pâturage
Ingresu
to graze
Ispagnolu
pastorear
Italianu
pàscere,
condurre al pàscolo,
pascolare
Tedescu
weiden.
pastorigaméntu , nm Definitzione su pastorigare, su contivigiare bestiàmene Sinònimos e contràrios pastorigonzu, pastorímini Ètimu srd.
pastorighinzàre paltorighinzàre
pastorigónzu , nm Definitzione su giare tentu o contivigiare bestiàmene Sinònimos e contràrios pastoria, pastorigamentu Frases su pastorigonzu sou tenet berveghes a masone Ètimu srd.
pastoríle , agt Definitzione de pastore, chi pertocat is pastores Sinònimos e contràrios pastorinu Frases deo puru de ratza pastorile mi so pesadu distintu e civile (A.Casula)◊ andhat peri sas pinnetas pastoriles, in montes.
pastorímini , nm Definitzione su pastorigare, su tènnere contu bestiàmene Sinònimos e contràrios pastorigonzu Frases narat ca issu at fatu su pastori: assumancu su pastorímini tengu in cumunu cun issu! Ètimu srd.
pastorína , nf Definitzione is pastores Sinònimos e contràrios paltoriu Ètimu srd.
pastorínu , agt Definitzione de is pastores Sinònimos e contràrios pastorile Maneras de nàrrere csn: a sa pastorina, a p. = che a sos pastores; belludu p. = su chi costumant sos pastores pro bestimenta 2. s'est corcau in terra a pastorinu Ètimu srd.
pastoríre palturíre
pastoríssa , nf Definitzione sa pobidha de su pastore.
pastorítza , nf Definitzione sa faina de is pastores Sinònimos e contràrios pastoria, pastorigonzu Frases su mere a su teracu li at pagadu sa pastoritza, sa paga pro tentare sas berveghes.
pastoritzàle , nm: pastorizale Definitzione su logu a inghíriu, acanta a su barracu, su cuile, sa pratza ananti de su barracu Sinònimos e contràrios coilarza Frases fia in su pastorizale e m'incantesi a osservare duos tentorzos ◊ sa chisura de su pastorizale ◊ sos pisedhos fint in su pastoritzale imbolèndhesi làdharas de crabuvigu Ètimu srd.
pastorítzu , nm Definitzione is pastores Sinònimos e contràrios paltoriu Frases sa Sardigna no est locu de fràbbicas de cosas chi si fachent de su petróliu, ma locu de pastoritzu e de massariu.
pastoríu paltoríu
pastorizadòre , nm Definitzione màchina chi tratat su late imbudhidandhodhu e ifridandhodhu a cropu po no si guastare ma chentza nòghere a unas cantu calidades chi tenet; fintzes operaju chi manígiat su p. Frases su late beniat leadu a fortza de pompas, incanaladu in tubbos e giutu a sos pastorizadores e daboi a sas labijas.
pastorizadúra , nf Definitzione su pastorizare su late Ètimu srd.
pastorizàle pastoritzàle