A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

patèdha 2 padèdha 1

patèdha 3 padèdha

patedhàre , vrb Definitzione manigiare sa pingiada, sa padedha, coghinare cosa de padedha, atèndhere a sa padedha in su fogu, fintzes ammungiare, istare faendho calecuna cosa Frases Maria est patedhandhe, tratesa chin su màndhicu chi est galu in sas furredhas (T.Cherchi) Ètimu srd.

patedhéri , nm Definitzione nau de ómine, chi istat afariau in coghina, cun fainas prus che àteru de féminas Ètimu srd.

patèna , nf Definitzione rosone a filigranu cun figura de unu santu; genia de safatedha o pratígliu po ammontare su càlighe e ue si ponet s'óstia naendho sa missa; genia de medàglia chi ponent a is sordaos cun su númeru de matrícula Sinònimos e contràrios medàllia Frases portat una patena in su tzugu, apicada 3. unu tziu miu no est torrau de sa gherra e mancu sa patena ant agatau Terminologia iscientìfica prdc Ètimu ctl., spn. patena.

paténscia , nf Definitzione su patire, sufrire, istare male Sinònimos e contràrios patiscione, suferéncia Frases candho at cumpresu sa paténscia de cudhos, si est inzeniadu pro los fàghere pagare.

patentàre , vrb Definitzione giare o pigare s'apatente.

patènte padènte

patènte 1 , agt Definitzione chi dh'ischint totugantos, chi est cosa ischípia Sinònimos e contràrios connotu, ischidu, ladinu Frases su chi at fatu est patente a totu ◊ no mi cues nudha ca tantu su chi est sutzessu est patente!

patènte 2, patènti , nf: apatente Definitzione documentu de s'autoridade chi assegurat de comente unu at fatu calecunu istúdiu o est autorizau a fàere calecuna cosa: oe, prus che àteru su documentu de chie at imparau a guidare unu mezu a motore Ètimu itl. Tradutziones Frantzesu permis de conduire, license Ingresu license Ispagnolu permiso de conducir Italianu patènte Tedescu Erlaubnis, Führerschein.

patentínu , nm: Sinònimos e contràrios apatente.

patèra , nf Definitzione su caente de sa forredha (ma fintzes de calesiògiat fogu) Sinònimos e contràrios caentu, pata Frases no ti arribbat patera de fogu ca ti ses postu atesu.

paterefíliu , nm: patifíliu, patinefillu, patrefígliu, patrefíliu, patrefíriu Definitzione iscutighedha de pagu tempus, unu sinnu, una furriada de ogos, su tempus de si fàere su sinnale de sa grughe Sinònimos e contràrios fria, iscàmpiu, iscuta Frases no parit beru, in d-unu patrefígliu totu custu scarcàsciu! ◊ ant ispedhadu su fiadu in d-unu patrefíliu ◊ arregortus duus panis, in patinefillu si dhus at iscatasciaus! Terminologia iscientìfica tpc Ètimu ltn.e Pater et Filius Tradutziones Frantzesu moment Ingresu moment Ispagnolu instante, rato, momento Italianu àttimo Tedescu Augenblick.

paternidàde, paternidàdi , nf Definitzione su èssere babbu; sa responsabbilidade, su méritu de àere fatu ccn. cosa Sinònimos e contràrios ttrs. paternidai Tradutziones Frantzesu paternité Ingresu paternity Ispagnolu paternidad Italianu paternità Tedescu Vaterschaft.

patérnu , agt Definitzione de su babbu, chi pertocat is babbos Tradutziones Frantzesu paternel Ingresu paternal Ispagnolu paterno Italianu patèrno Tedescu Vater, väterlich.

patèsa , nf Sinònimos e contràrios defeta, pecu.

patèsciri , vrb Sinònimos e contràrios sufrire, patire | ctr. gosai Frases custu logu patescit su sicoi ◊ calincunu patescit sa sunnàmbula in custa domu? ◊ is pipius funta sanixedhus, no patescenta nisciunu mali ◊ ita patescis, chi no drommis?

patiàda , nf Definitzione su patiare, su istare marra marra cun is peis comente faent is animales Frases su trau no at timidu ne puntorzu, ne patiadas e ne borradas e a incorradas at mortu un'achetu Ètimu srd.

patiàle , nm Sinònimos e contràrios pàtiu, pràcia Frases fit s'universu in d-unu patiale candho nos pesavamus a ballare (A.Mulas).

patiàre pateàre