scróvinu , nm Definitzione logu malu, úrbidu istrintu ue no faet mancu a passare Terminologia iscientìfica slg Ètimu srd.
scroxadúra , nf Definitzione su scroxai Sinònimos e contràrios scroxamentu / scraxoladura Frases seus fendi sa scroxadura de sa méndula Ètimu srd.
scroxài scorgiài
scroxaméntu , nm Sinònimos e contràrios scroxadura Ètimu srd.
scroxobadúra, scroxoladúra scraxoladúra
scroxolài , vrb: iscorgiolare* Definitzione segare su corgiolu, su pígiu de fora, arrasigare sa pedhe Sinònimos e contràrios innetare, ispigiolare, scorgiai, spilloncai | ctr. incroxolai Frases arruendi s'iant scroxolau is manus e is peis ◊ mi apu scroxolau unu pei ◊ sa méndua tocat a dha scroxuai e a dh'inforrai po fai su gató.
scroxolaméntu , nm Sinònimos e contràrios scraxoladura Ètimu srd.
scroxóxu scasórgiu
scróxu scòrcia
scruadúra , nf Definitzione su scruai; imbiancadura de filu, de tela, cun sa lessia Sinònimos e contràrios ammalesadura / scruamentu Ètimu srd.
scruài scroài
scruaméntu , nm Sinònimos e contràrios scruadura Ètimu srd.
scruciài , vrb: iscrutzai*, scurtzai Definitzione bogare is catzolas, is iscarpas; furare is iscarpas a unu Sinònimos e contràrios isbotare | ctr. caltare.
scruciòni , nm: iscultone*, scrutzoni, scultoni, scurtzoni Definitzione genia de animale malu fatu a pentzamentu, debberone coloru velenosu chi no si agatat / èssi a coru de scurtzoni = tontu, de ànimu malu Frases poni scrutzonis niedhus a guàrdia de sa tancadura, chi nisciunus iscaringit is portas!
scrúciu , agt: isciurtzu*, scrutzu, scultzu, scursu, scurtzu Definitzione chi est a peis nuos, chentza catzolas / èssiri a unu pei scrutzu e unu cosiu = a unu pè iscurtzu e a s'àteru cartadu (cun cosíngiu) Sinònimos e contràrios iscrapitau | ctr. caltzadu.
scrucudhadúra , nf Definitzione orruta mala, a cropu Sinònimos e contràrios arratroxa, iscartinada Ètimu srd.
scrucudhài , vrb: iscrucudhai* Definitzione orrúere a iscutuladura, a cropu, orrúere a furriadura, tambulare, fintzes betare Sinònimos e contràrios iscartinare, istrampare Frases issu si nci depit èssiri scrucudhau a foras de sa ventana ◊ nci dh'ant scrucudhau de campanili ◊ sa spiridada nci fiat scrucudhada a palas a terra ◊ timit de nci scrucudhai a giossu impari cun su sagrestanu (F.Pilloni)◊ su piciochedhu, sétziu a mobenti, pigau a s'isprovista nci scrucudhat a terra coment'e unu tzapu!(Fr.Onnis)
scrucudiscàrci , nm Definitzione orrúmbulu chi si faet cun totu sa carena ponendho su cúcuru in terra, faendho su corpus agiummai a lómburu, e giaendho un'ispinta cun is peis po che orrumbulare Sinònimos e contràrios càgliu 2, concurumbedhu, cucurifitu, cucuriscàrgiu, cucuruvichidu, furriagallu, trodhulone Ètimu srd.
scruculài, scruculiài, scrucullài scrocollài
scruculléri , agt, nm Definitzione chi o chie iscrucullat, cricat, iscorrovedhat, cricat de bíere, de agatare Sinònimos e contràrios imbistigadore, sciustigheri, speculizadori Frases si est atreviu a benni a fai su scruculleri in domu mia! Ètimu srd.