A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sarvaméntu salvaméntu

sarvàre salvài

sarvavída , nm Definitzione genia de aparíciu chi si ponet a s'intrada de sa currente in is impiantos elétricos, fatu a manera de istacare sa currente chentza giare tempus de fàere male o dannu si sa currente benit tocada o si capitat de incurtzare su circúitu.

sàrve sàlva

sarvèsa salvèsa

sàrvu sàlvu

sas , art, prn Definitzione artículu e fintzes prn. fémina pl.: dhue at bidha (Luras) chi est su solu art. pl. po númenes mascu e fémina Sinònimos e contràrios is Frases sas féminas, sas mamas, sas cosas, sas domos, sas lughes, sas bidhas ◊ sas manos che a su milesu, chi contaiat sas arantzos cun su pè!◊ si fit a li torrare sas colpos chi mi at dadu!… 2. sas chi mi piaghent mi còmporo! ◊ torra luego, mih, no fetas de sas tuas! Ètimu ltn. ipsas Tradutziones Frantzesu les Ingresu the, them Ispagnolu las Italianu le Tedescu die.

sasàgia, sasàja , nf: sesaja, sesaxa, sisàgia, sisaja, sisaza Definitzione genia de bobboi niedhudu chi faet in is domos chi dhue at umidore: essit addenote / pàrrere una sasàgia imboligada in pabilu (nau de cc.)= bestidu chentza crabbu Sinònimos e contràrios apeta, babbalocu, babbarrotu, babbasaju, buvone, cadalana, fèlega, melaghe, partabúdiga, paulina, perta, scarfajoni, súliga Frases mi so a una parte remunidu comente solet fàghere sa sesaja ◊ est unchinada che sesuja, che unu titone de muja e che sesaja niedha ◊ si fateit niedhu che sisaja timendhe d'èssere postu in cantonella Terminologia iscientìfica crp, blatta orientalis Tradutziones Frantzesu blatte Ingresu beetle Ispagnolu cucaracha Italianu blatta Tedescu Kakerlak.

sàsciu , nm, nf: sassa, sàssiu Definitzione su sassiare, tzatzare, nau mescamente in su sensu de prexu, cuntentesa / sassa de corpus = banzu mannu, surra Sinònimos e contràrios acuntentamentu, atatina, conciolu, contentu, saltifascione Frases si glóriant ca ant tentu su sàsciu de nos batire a dibbatimentu ◊ no li as a dare cussu sàssiu a Fulanu, chi cheres andhare a lu chircare?!… 2. candu arribbastis a domu totu brutus, a piciochedhus, si aspetàt una bella sassa de corpus Ètimu srd.

sàsima , nf Definitzione lau mascu, genia de matighedha chi faet unu gurdonedhu a pibionedhos niedhos candho funt cotos, bonos a meighina, e linna groga iscurosa, bona po òpera Sinònimos e contràrios àsuma Terminologia iscientìfica mt, Rhamnus alaternus Ètimu ltn. sesima.

sàssa sàsciu

sassàda , nf: satzada, satzara, tatada Definitzione papada manna de si tzatzare Sinònimos e contràrios abbentrada, abbrentosicada, abbuzada, atatamacada, atrimpanada, fauzu, impasteradura, istrezarada, satzina | ctr. geunada Frases mi faia satzadas de olioni, de murta e de mura de arrú Ètimu srd.

sassadúra , nf: satzadura, satzarura, tatadura, tzatzadura Definitzione su tzatzare; papada manna, nau pruschetotu de sa manera de papare Sinònimos e contràrios sassada Frases a dh'èssiri fatu mali sa satzadura no podit èssiri, ca no papat nudha ◊ est tota sa noti a intzúnchius ca dh'increscit s'iscraxu, po sa satzarura chi at fatu 2. apustis de annus de fàmini funt bívius papendi e bufendi a satzadura ◊ gei teniat fàmini, ma at papau a satzadura! Ètimu srd.

sassagòni , agt, nm: satzagoni Definitzione chi o chie papat meda, a tropu, costumat a si tzatzare tropu Sinònimos e contràrios allupidu, bentranu, brentaritu, ingrofonadore, inguglione, livone, lupru, mandhigone, pasteri, sgalluponi, tuvidore, tuvonarxu Frases cussu satzagoni portat sa brenti che cadinu isfundau! ◊ papa, papa, sassagoni: cenadindi! Ètimu srd. Tradutziones Frantzesu gros mangeur Ingresu heavy eater Ispagnolu tragón Italianu mangióne Tedescu Vielfraß.

sassài , vrb: atatare, satzai, tatare* Definitzione papare o bufare fintzes a no ndhe àere prus gana, fintzes a si prènnere bene Sinònimos e contràrios atzibbare, ingrofonare, intruxai, mascare Frases su sartitzu si dhu papat su meri, no si dh'ant a satzai is àterus! ◊ andat a domu de sa mama a si satzai ma no fait a papai a su pobidhu! ◊ sa genti si est bèni sassada, si est istimpangiada!

sassallúca, sassalúga , nf: satzagura Sinònimos e contràrios ataligughe, macioni 1 Terminologia iscientìfica crp Ètimu srdn.

sassiàre sansiàre

sàssinu , agt Definitzione nau de terrenu, chi est totu arena matuca, chi dhue at pedra meda Sinònimos e contràrios pedrosu Frases nois semus massajos de traschias e de terras sàssinas, famios de zustíssia bera! Ètimu srd.

sàssiu sàsciu

sassoíni , nm: sossoini, sussuini Definitzione erba de mare, calidades diferentes de sa matessi erba chi faent in logu de terra salamata, in oros de mare, bonas po fàere sa soda Sinònimos e contràrios lessoini, suini Terminologia iscientìfica rba, Sarcocornia fruticosa, Salicornia europaea, Salsola vermiculata, Suaeda vera, S. maritima Tradutziones Frantzesu salicorne Ingresu glasswort Ispagnolu sosa Italianu salicòrnia, sàlsola Tedescu Salicornie.