A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

túvinu , agt Definitzione chi est tuvudu, a buidedhos, a buidos (es. truncu, muru) Sinònimos e contràrios tufudu, tuvonadu, tuvu Ètimu srd.

tuviólu , nm: tuviou Definitzione tuvu piticu, tuvedhu, istampu; fintzes calanca de s'ogu Sinònimos e contràrios istampa, stuvioni.

tuviòni , nm Definitzione genia de ingrussadura in sa carre, sa carre unu pagu a cordone in segadas male serradas.

tuvióu tuviólu

tuvíre, tuvíri , vrb Definitzione imbuidare, fàere a tuva, a tuvu, a tuvedhu; in cobertantza, betare a corpus, a su tuvu, papare cun asuria, meda / pps. tuviu, túviu Sinònimos e contràrios istampai, istuvire, istuvonare, patungi, pertusai, stuviolai, tupusonare / imbutionai, intuviri 2. su fàmini est faendudidhu passai su chi nci ses tuvendu, paris un'untúrgiu! ◊ si tuvit allestru totu cussa cosa de papai ◊ papadas o mellus nai tuvias is tres piras… Ètimu srd.

tuvíu , pps, agt Definitzione de tuvire; chi papat cun asuria Sinònimos e contràrios sbuidu, tuvudu / asuriosu, inguglionalzu, mangiufoni, sassagoni 2. no creia mai chi is piscis fuant ingurtonaxus e tuvius prus de is piciochedhus.

tuvizòne , nm: tuvuzone Definitzione ortigu abbruxau; ferida, segada / niedhu che a su t. = niedhu píghidu 2. si los gito sos tímpanos segados dae sos tuvuzones de sa morte, tue l'ischis, Segnore! Ètimu srd.

tuvonàdu , agt Definitzione chi est fatu a tuva, buidu Sinònimos e contràrios tufudu, túvinu Frases apenas at bidu una punta de chercu tuvonada, in su linnedu, luego ndhe l'at betada e degogliada Ètimu srd.

tuvonài tufonàri

tuvonàrxu , agt, nm Definitzione chi o chie mpapat meda, tropu, unu tuviu Sinònimos e contràrios bentranu, inguglionalzu, iscorpargiau, mangiufoni, pasteri, sassagoni, sgalluponi Ètimu srd.

tuvonàtu , agt Definitzione dhu naranta de sa birdura passada (es., fenugu, arraigàrgia) Sinònimos e contràrios pimonatu, tufudu, túvaru, tuvatu Ètimu srd.

tuvòne , nm: tuvoni Definitzione tuva manna in mata, in muru, orrocas, fintzes istampu mannu Sinònimos e contràrios calanca, garropu, tavone Frases at postu su pei in búidu e c'est arrutu in d-unu tuvoni Sambenados e Provèrbios smb: Tuvone, Tuvoni.

tuvonèra , nf Definitzione ispétzia de díscua manna de terra acapiada a un'orroda po piscare abba de is putzos Sinònimos e contràrios tuvu 1, túvulu 1 Terminologia iscientìfica stz.

tuvòni tuvòne

tuvósu tufósu

tuvrúsciu truvúlciu

túvu , nm, agt Definitzione logu o tretu buidu, prus che àteru aintru de calecuna cosa ma no fatu apostadamente; sa càscia de su petus ue, in sa carena, dhue funt is prumones e su coro; chi est fatu a buidu, a buidedhos; nau de logu, afallamentu abbasciamentu mannu in su terrenu / bardu t. = cardu cun sa parte de mesu buida, a bisura de canna Sinònimos e contràrios tuva / bóidu, stuviu, tufudu, túvinu, tuvonadu, tuvonatu Frases tuvu de saucu ◊ apo chircadu in matas, tuvos e carrarzos 2. bi at àlvures tuvas ◊ deo in sa terra tuva beto sa vena e olzu in terra sútile e renalza Ètimu ltn. *tufus Tradutziones Frantzesu creux, cavité Ingresu hollow Ispagnolu hueco Italianu cavo, cavità Tedescu ausgehöhlt, Höhlung.

túvu 1 , nm Definitzione díscua manna de terra, a forma de tassa, chi girat in d-un'orroda po piscare abba de putzu in is ortos Sinònimos e contràrios tuvonera, tuvuca, túvulu 1 Frases is carretonis in Assémini carriànt istrexu de terra: tuvus, scivedhas, frascus e màrigas Terminologia iscientìfica stz.

túvu 2 , nm Definitzione sabore légiu, de cosa contomosa, guasta, passada Sinònimos e contràrios stantissu.

túvu 3 , nm Definitzione genia de pedra carcària ammesturada cun terra Terminologia iscientìfica mnr Tradutziones Frantzesu calcaires marneux Ingresu marly limestone Ispagnolu caliza con marga Italianu calcare marnóso Tedescu Mergelkalkstein.