tzíma , nf: cima 1 Definitzione genia de fune grussa ch'impreant in is naves Sinònimos e contràrios cànnabu, gúmena, libbanu Frases semus che barcas chena tzima (M.Olivieri).
tzimagósu tzeghimósu
tzimàrra tzamàrra
tzimbíga , nf Definitzione genia de idea o de fata deasi comente benit a conca, chentza dhue pentzare meda meda, a milindru, a gustu Sinònimos e contràrios meleda 2. su fiore si abberzeit aparitzendhe colores tra tzimbigas de incantu.
tzimbigósu , agt Definitzione nau de ccn., chi acostumat a fàere comente dhi acucat, comente si meledat, chi faet tzimbigas Sinònimos e contràrios berrinosu, brenniosu, cincirosu Ètimu srd.
tzimbitóriu , nm: gimitóriu*, tzimidóriu, tzimitóriu Definitzione logu inue s'interrant is mortos Sinònimos e contràrios cimitériu, campusantu.
tzimbóina, tzimbónia , nf: tzumbóina Definitzione
su chelu de unu fràigu, genia de bòveda arcada e a base tundha
Sinònimos e contràrios
cópula 1,
popoliu,
tzimbóriu*
Frases
no si bidiat una nue in s'orizonte e ne in sa tzimbóina de su chelu ◊ est pigadu a bídere sa tzimbóina de Santu Pedru in Roma
Terminologia iscientìfica
dmo
Tradutziones
Frantzesu
coupole,
dôme
Ingresu
dome
Ispagnolu
cúpula,
cimborrio
Italianu
cùpola
Tedescu
Kuppel.
tzimbóriu , nm: cimbóriu,
tzumbóriu Definitzione
su chelu de unu fràigu, fintzes de su forru, a bisura de bòveda arcada a base tundha / tzumbórius de saboni = bubburucas de sabone
Sinònimos e contràrios
cópula 1,
popoliu,
tzimbóina
Frases
sos nuraghes intro sunt fatos a tzimbóriu
2.
su giogu cardampuleri de sa vida t'incravat e pustis ti allosingat in su tzimbóriu dilicau de s'ànima
Ètimu
spn.
cimborio
Tradutziones
Frantzesu
coupole,
dôme
Ingresu
dome
Ispagnolu
cúpula
Italianu
cùpola
Tedescu
Kuppel
tziméntu , nm: cimentu* Definitzione materiale a pruine fine fine chi impastau cun abba e arena o giarra intostat meda e torrat agiummai a pedra etotu: dhu faent mescamente de unas cantu calidades de pedra cota e mólia a fine Maneras de nàrrere csn: tz. rassu = cun prus paga rena; tz. biancu = creze de tzimentu impreadu pro si pàrrere prus pagu o àteru bisonzu segundhu s'àteru materiale; su tz. si brúsiat = no bi afortit, si sicat a bruine; fàghere, fatu a tz. = (nadu de pamentos o àteru) de tzimentu; tz. armadu = cun ferru in mesu Frases est una domo chin su pamentu de tzimentu canu ◊ sos fundhamentos de sas domos los faghent a tzimentu ◊ su muru fraigadu a tzimentu essit prus forte ◊ a su tzimentu friscu li cheret betadu abba pro afortire, ca sinono si brúsiat.
tzimía tzemía
tzimiàdu , agt Definitzione curpiu, chi tenet neghe, chi at ingortu calecuna maladia Sinònimos e contràrios incimiau*, sentinau, simiau, temadu, temosu, tunconidu Frases depet fàghere sas analis ca tepet èssere tzimiadu de AIDS.
tzimidóriu tzimbitóriu
tzimíga , nf: simiga Definitzione malesa bianca chi bogat s'ogu, mescamente malàidu, e chi abbarrat in su cugigone de s'ogu o apicigada a prabaristas Sinònimos e contràrios pibisu, tzerchidha, tzíghima Frases no si ndh'ischiat bogare mancu sa tzimiga dae sas pibiristas! ◊ cudh'ómine fit a una cadaleta e cun sa tzimiga in ojos.
tzímighe tzíghima
tzimigósu tzeghimósu
tzimiliósu , agt Definitzione
chi tenet neghe a sa salude, chi est tzimiadu
Sinònimos e contràrios
aciacosu,
magagnosu,
maladióngiu,
malesanu,
tacadu,
temósigu,
temosu,
tunconidu
Ètimu
srd.
Tradutziones
Frantzesu
maladif
Ingresu
sickly
Ispagnolu
enfermizo
Italianu
infermìccio
Tedescu
kränklich.
tziminèa tzeminèa
tzimingiòne , nm: cimignoni, simingioni*, timingione, tzimingioni, tziminzone Definitzione sa punta de sa tita inue essit su late / tz. de linu = crabighera, tzimingionera Sinònimos e contràrios cabígiu, ninni, tapíciu, titiminxone Frases s'animali chi portat prus tzimingionis est sa mardi.
tzimingionèra , nf: cimingionera, simingionera*, timinzonera, tziminzonera Definitzione coment'e unu tzimingione cun cosa druche aintru (tzúcuru, mele) chi si faet po is pipiedhos pruschetotu po dhos asseliare Sinònimos e contràrios cabixera.
tzimingiòni, tziminzòne tzimingiòne